平時大家都可能去各大電訊商上台，有時啲plan就好似任佢講咁，隨時每個月交HKD200但係上網數據得幾GB… (專員曾幾何時係其中一隻「水魚」)，但自從轉用咗儲值卡上網之後，發現數據用多咗，錢又畀少咗…
有見及此，我哋港究作為香港最新嘅著數研究所，今次專員同大家一齊做個精明消費者，介紹幾張抵用嘅電話上網卡，同埋講吓專員嘅使用小心得，點樣先可以用最平嘅價錢，享受到最好嘅服務！
如果想慳電話費慳得最盡，用雙卡電話會喺唔錯嘅選擇，第一個卡位用MNP自己常用電話去3萬卡 / 其他卡，另一個根自己嘅需求選用其他數據卡~
而MNP都喺到簡單介紹吓啦，以3國際萬能卡做MNP為例 (Mobile Number Portability，電話號碼可攜服務)。一個係中國移動嘅上台號碼但就快完約可以提前去直銷中心做MNP。手續好似一般電話上台咁，最好就提前半個月左右啦！
想重溫返嘅讀者可以撳下邊條link睇睇佢！
當然如果讀者們有更好嘅選擇，歡迎大家一齊開心share同埋討論！
1. 3HK - SoSim
之前專員都介紹過呢張SoSIM數據卡，有MNP功能，經過專員多個月嘅使用，極推薦，依家仲有買10送3優惠！！
3HK推出嘅新Sim卡，佢最大嘅賣點在於非常平價，HKD33 / 張，開卡即有50GB 4G數據，傳輸速度自稱有42Mbps，而數據有限期為30日，過期用唔晒就自動停，但如果有效日期前用盡啲data都可以用128Kbps嘅速度進行無限上網！
依家仲可以透過SoSim專用App做MNP，但留意原本同台嘅號碼唔可以做MNP，同埋MNP服務只限於儲值卡！
如果讀者用開3國際萬能卡 (簡稱3萬卡) 嘅話，可能要另外轉其他儲值卡台一個月左右，再MNP就得！
專員推薦大用量嘅朋友仔使用，專員日日瘋狂用手機睇Facebook + IG + YouTube + Netflix，都未試過用得晒50GB… 但身邊唔少朋友都話成日會load空氣同埋好慢，專員暫時只係試過喺繁忙時間嘅觀塘地鐵站先會出現呢類情況，呢家仲長期用緊！
HKD33 x 12個月 = HKD396，即係約平時電訊商上台費用2-3個月… 仲唔買張試吓~？
2. Smartone - 激ValueGB年卡
有用過Smartone上台嘅朋友仔都應該知道，佢嘅電話費一向都比其他台貴。相對而言，佢嘅服務質素都相對高嘅，上網速度相當穩定而且唔會斷下斷下。
呢張激ValueGB年 (簡稱激年卡) 都係會有100GB嘅4G全速數據，而且有3,000分鐘，唔好畀佢包裝上邊寫HKD458嚇親，普遍市面上都係賣約HKD180，可以用夠一年365日，十分抵玩！
呢張100GB數據卡都係最近先出，如果讀者平時有玩開雙卡電話而且都有一定數據用量，專員會建議將原來用開嘅電話MNP去SoSim做主卡，再用一張激年卡做上台卡！咁就保障一年上網都唔洗1,000蚊啦~
專員朋友長用70GB嘅激年卡，佢話日日出街煲劇同睇social media都用到2-3個月…
3. 3HK - 90GB萬能年卡
3萬卡就卡如其名咁萬能，想轉台養號做MNP又得，拎嚟專用上網上台又得，張卡咁好仲唔快啲入一張？
儲值卡新手想搵卡做MNP養號 / 轉咗雙卡電話想一張拎嚟收下msg，另一張就瘋狂上網嘅話，呢張卡點都幫到你！ 自由度十分高，用哂數據再買增值券點玩都得！
而MNP喺呢到都唔多講，想重溫返嘅讀者可以撳下邊條link睇睇佢！
經過專員嘅實測，30GB嘅社交數據都好難用得哂，60GB嘅數據都好夠用，但專員近來發現3萬卡嘅數據速度好似有所減慢，所以都開始轉用其他數據卡，身邊有用開嘅朋友就話唔多覺出現呢個問題，讀者如果有用開嘅不坊大家開心交流吓~
雖然佢上網速度可能對比以前慢咗少少，但佢MNP養號真係最簡單方便，專員最近增值咗嚟延長^養號，只係用咗HKD50左右就搞掂，實在方便快捷又平！
4. CMHK - 本地月費儲值卡
人仔台出名價錢低廉，以前每間電訊商做緊無限上網plan嘅時候，佢都係用平嚟吸引人，而呢張卡都唔例外，請容專員以惠康卡稱呼佢😆！
惠康卡顧名思義喺惠康買到，一張卡有80GB數據、仲要夜晚11pm至朝早7am時段內任用上網… 最高速度去到21Mbps，而且仲做緊優惠，直至2022年12月31日，買一送一，HKD60 / 2張，即係60蚊有160GB…
好明顯係同緊SoSIM打對台，專員認為都可以一試，始終真係好平，友人已經用緊，佢哋話同以前人仔啲平價無限上網plan速度相差無幾。
專員用埋手頭上嘅SoSIM卡，都會買幾張嚟試試佢，推薦高用量朋友可以試吓佢架！
咁市面上都有好多張卡可以做到MNP同數據卡嘅，專員只係從中抽選出最抵用又方便嘅卡再介紹畀大家，例如Club Sim、Luckysim等等
如果讀者們有更好嘅選擇，都可以入埋我地TG group一齊開心討論或者留個comment~
如果想睇吓我哋其他嘅熱門文章，歡迎撳下邊嘅link睇睇：
【幣安Binance】合約網格交易介紹 分享使用心得及注意事項
【派HKD5,000電子消費券】申請資格、登記方式 及適用商戶等詳情懶人包！
【AlipayHK 支付寶香港】 迎新獎賞、最新優惠；全新易乘碼EasyGo ─ 搭交通工具畀錢新選擇；政府HKD5,000消費券四間營辦商之一
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
