各位英國嘅讀者，相信大家撳入嚟嘅原因都係因為而家個台用得差想轉台，或者覺得依家用緊嘅台好貴，想轉台收好啲 / 轉平啲。
相信大家拎咗個英國電話號碼，喺英國生活咗一排之後，發覺自己身處嘅地方收得麻麻地，但好多嘢又已經用咗嗰個電話號碼 (例如已經駁咗銀行，租屋或者其他地方)，要Keep呢個電話號碼咁。
港究專員聽到大家嘅素球喇，今日呢度就會教大家點樣喺英國轉台，輕鬆不求人。
首先同大家補充咗兩個英國電訊商專用嘅名詞先。
第一個係PAC，全寫係 Porting Authorisation Code，呢個係指保留你嘅舊電話號碼，由你舊電訊商轉去新電訊商時，都需要用到PAC。
PAC係由九位數字組合而成，每個英國電訊商都要因應客戶需要而必須提供畀客戶。
除咗普通上網可以申請到PAC，你仲可以用電話卡，將你想轉台嗰個號碼，Send一個sms去65075，內容打返PAC就可以收到PAC Code，之後將新Code輸入返新台度就可以㗎喇， 成個過程一分鐘都唔洗！
你仲可以預先整定幾時轉台，咁就唔怕自己唔記得啦～
第二個STAC，全寫係Switching termination authorisation code，呢個係指唔保留呢個電話，直接終結咗呢個電話號碼。
拎取方法除咗上網拎之外，都係可以SMS拎到，不過就係75075，內容打返STAC，就可以收到，之後去到新台，搵STAC嘅位置輸入返，就會幫你自動同舊台申請終結號碼。
之後要講嘅係，就係點樣解除封鎖，進入18+網頁。英國電訊商好貼心咁樣幫大家默認開啟咗封鎖，所以有時有啲網去唔到係正常㗎。
為咗證明你夠18歲，每一間都會以唔同方法嚟認證你係唔係真係成年人。
以Giffgaff同Lebara為例，Giffgaff係需要以Passport最底果兩行 (唔一定英國Passport，香港Passport 都可以) (即係一堆>>>>>>>>>嗰度) 或者英國車牌嚟做認證你係唔係over 18歲。
Lebara 呢方面就需要去以下網頁
再做Facial Recognition (都係用返申請BNO Visa，做Facial Recognition 嗰間公司YOTI)，再等24小時就可以解除㗎喇。
可以睇埋以下有關英國移民嘅文章架
英國移民潮資訊－資產如何安全轉移到外國？港究專員教教你之Part 1
英國移民潮資訊 － 生活篇：實用Apps介紹？港究專員教教你之Part 2
英國移民潮資訊－生活篇：英國購物點搵優惠？慳到最盡又可以食到好嘢？平嘢又係唔係真係無好嘢？港究專員教教你之Part 3
英國移民潮資訊－外國生活優惠全攻略：公司評價決定一切定價錢先係皇道？小至裝櫃、大至裝修價錢都有得比較？港究專員教教你之Part 4
英國移民生活資訊 — Lebara — 英國主打無限國際電話服務供應商 (2021-8-10更新)
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
