一年容易又到八月十五，唔知大家訂好月餅未呢，如果未嘅話都唔緊要，港究專員都為大家精心挑選咗幾款一向都受到好評畀大家做個參考
事不宜遲，等專員為你介紹月餅啦！
望月- 流心奶黃月餅
望月嘅奶黃月餅已經十分著名，之前以半島月餅嘅前大廚主理而打出名堂，質素都十分穩定，流心奶黃月餅更加係佢地成名作，因而大受好評。
包裝睇落十分大方，用嚟送禮或自食都係個唔錯嘅選擇。味道方面，專員問過晒身邊嘅親友都一致話佢一流呀！
嘉麟樓- 迷你奶黃月餅
由半島酒店喺1986年首創嘅迷你奶黃月餅，唔駛專員特別提都已經係大受歡迎啦，佢嘅味道真係可以令專員都覺得十分滿意，原來月餅都可以做到咁好食，雖然價錢都比較貴，但可以講係對得起咁昂貴嘅價錢！
而包裝方面唔駛多講，今年嘅月餅盒採用中式嘅扇型盒，古色古香真係好靚呀！相信用嚟送俾長輩們一定令佢地滿意收貨，真係名符其實嘅睇得又食得，掂晒！
皇上不上朝- 流心奶黃月餅
呢隻由台灣烘焙餅店「狸小路」開發，唔駛叮一開即食嘅流心奶黃月餅，基本上喺台灣嗰邊一致受到好評，以往更創下咗一開售即刻被人爆落訂單嘅紀錄。今年專員自己都私心訂咗幾盒嚟自食，一探究竟佢係咪真係咁好食。
而佢嘅包裝玩味十足，好啱年輕人同朋友喺中秋gathering嗰陣拎出嚟開心分享，除咗有得食之外仲多咗個話題添！普遍建議配烏龍茶或普洱茶等濃茶，味道更上一層樓！
Valerie - 抹茶流心月餅
由本地餅房自家製作，一向都受到唔少人好評嘅新式月餅，奶黃月餅上邊都介紹過幾款，唔知讀者們有無試過食抹茶味嘅月餅呢，如果未嘅話一定要試呢款由Valerie自家製嘅抹茶流心月餅！
專員曾經試過一個，整體嚟講都好好食，但抹茶味真係會偏重，因為佢地用材料以京都宇治抹茶粉，加上勁重抺茶味嘅流心餡料，真係會有回甘味！
生隆餅家- 傳統月餅之選
專員介紹咗咁多比較新式嘅月餅，咁當然唔會漏咗我哋由細食到大嘅傳統月餅啦！ 呢家位於深水埗嘅本地餅家，基本上年年到中秋節附近就會迫爆人，多數喺8月左右就會截單，唔會再接一盒盒嘅訂單。 專員一直對傳統嘅蓮蓉月餅、金華火腿月餅等都談不上喜歡，而且可以話係討厭，而友人們都同專員講過呢間嘅傳統月餅一定會打破你嘅觀念。
專員曾經有一年行過深水埗就突登行去買幾個月餅試吓，點知一試就返唔到轉頭，真係好食到好難形容。家中嘅長輩們都表示話係佢地年輕時食嘅味道，不同於普遍市面上嘅傳統月餅，於是專員就由此養成年年提早訂月餅嘅習慣…
溫馨提示：由於餅家屬於老店，唔見佢地有出網店相關嘅野，都需要我哋自己親自去買，但可以留意佢哋嘅Facebook / Instagram嘅最新消息，提早去訂！
今年介紹嘅月餅文就大致上係咁，下年再同讀者們介紹啦！
以下係我地網購相關嘅文章，歡迎撳入去睇！
【頭髮救星】英國Grow Gorgeous + Tangle Teezer
推薦碼【dcbkutq2】Livi Bank虛擬銀行，開戶即賞你HKD100 現金回贈
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
