去到英國生活，除咗個人要融入當地，個銀包都要一齊融入當地啦。今日港究專員就係同大家介紹一吓英國實體版Google Pay / Apple Pay，佢就係Curve啦 !
點解今次會介紹Curve？好簡單，有無諗過你有一張卡，就可以控制晒全部你名下嘅卡，包括你嘅英國Debit Card，連你香港嘅信用卡都可以一次過控制埋，唔洗帶咁多卡出街。最重要嘅係唔怕整唔見其他卡呀嘛。除此之外，你用呢張卡仲可以連香港信用卡喺英國ATM機拎錢，都會當你係消費！(哪，港究專員唔鼓勵人哋先洗未來錢㗎！)
講一講呢間公司個背景先，Curve 總部係位於英國倫敦，佢既唔係銀行，又唔係財仔。佢係一張比較特別嘅卡，用嚟控制其他信用卡或者扣賬卡。(Curve Customer Protection 最高為GBP 100,000)
注：目前可以申請的國家除咗英國以外，仲有以下國家：奧地利、保加利亞、捷克共和國、丹麥、芬蘭、德國、希臘、冰島、愛爾蘭、意大利、拉脫維亞、立陶宛、荷蘭、挪威、波蘭、瑞典、瑞士。(簡稱EEA地區)
英國大部份嘅Credit / Debit Card當交易時唔係用緊本地貨幣嘅時候，都會收外幣手續費，而Curve 正正係將你嘅卡加入去之後，以Curve Card消費，就可以幫你將全部卡變成免外幣手續費，直接以當時匯價嚟同你碌。(除咗免費級別同Curve X係得GBP1000 Fair FX之外，另外兩級都係無限)
加上有自動記數功能，你每個月都可以透過App，知道自己邊個類別洗得最多，仲可以影埋張單，整理得清清楚楚。
用我哋條link喺Curve消費五筆GBP5或以上，就可以有GBP5回贈。
如果選用免費級別嘅Curve Blue，就可以選擇3個商戶，咁你選擇呢三個商戶頭30日用返Curve嚟消費都會自動有返1% Cashback，以Curve Point 咁入落去你Curve Cash度，畀你隨時使用。
最新更新：現時最低級別，Curve (免費版) 最多只能增加兩張卡、Curve X最多增加五張卡、Curve Black同Metal可以增加無上限嘅卡入去Curve。
如果選用Curve Black 就可以選擇3個商戶，而有效期就會跟你個Plan有效期，再升一級去到Metal 級別更可以選擇六間商戶有1% Cashback。
Curve Point 每點等如GBP0.01，即係100個就等如GBP1喇。
Curve Point 有效期係永久，唔洗擔心會過期。
港究專員就選擇咗平時去開嘅Sainsbury 同埋Amazon 加IKEA。
商戶名單比較多，呢度港究專員都係盡量提部份比較多人用嘅商戶，詳細商戶名單可以參考呢度。
Groceries:
Aldi, ASDA, Co-op, Iceland, Lidi, Morrisons, M&S, Sainsbury’s, Tesco, Waitrose..
Entertainment:
Disney+, Netflix, Nintendo, PlayStation Network, Steam, Spotify, XBOX Network..
Shopping:
Amazon, Apple, ASOS, Boots, IKEA, Primark, River Island, Wilko..
Food & Drink:
Burger King, Domino’s, Deliveroo, Caffe Nero, Five Guys, Just Eat, KFC, McDonald’s, Subway, T.G.I. Friday’s, Uber Eats..
Travel:
Booking.com, Shell, Uber, Trainline, National Express..
General:
Argos, B&Q..
注：頭30日呢個1% Welcome cashback offer 係 For Curve ，如果需要無限期Cashback或者更多商戶選擇，就需要升級到月費版本。
如果你哋嘅信用卡有海外簽賬嗰種類嘅回贈，你仲可以透過Curve嚟碌嗰張信用卡，形成Combo，雙重回贈！加埋Curve 唔係用Visa / MasterCard嘅匯率，係用返一個比較低啲嘅Rate嚟幫你碌。(詳情可參考當時Google 嘅Fx Rate)
Curve Card 教學
圖中嘅就係Curve Point 回嘅情況，提提大家記得用之前，入返去App 度選擇返Curve Cash嚟做付款方法。
除此之外，佢更加有一次性嘅Cashback offer 畀用家，由3%-25% 都有見過。不過港究專員好少機會用到，有用過嘅讀者可以報吓料畀我哋更新吓。
Apple Pay 最多可以放12張卡，香港人均都五、六張起跳，加埋嚟到英國申請Debit Card 或者建立Credit Score嘅Credit Builder 卡都用晒你嘅位。Curve正正可以解決呢個問題，用佢個App，你可以入晒你自己嘅信用卡或者提款卡，方便又快捷。(圖中係Curve App入邊控制香港銀行嘅信用卡)
點解要入香港信用卡落去？因為英國好多地方都只收Debit Card，又唔收Credit Card。入咗落去之後，就可以喺英國只收Debit Card 嘅商戶度用到信用卡付款喇～咁就唔怕自己唔記得帶卡但又想用信用卡儲Cashback嘅問題出現啦。(例如交Council Tax, Water Bill)
人生總會有後悔莫及嘅時候，例如係碌錯卡或者選擇錯咗嘅卡嚟畀錢做交易。
唔緊要，Curve有一個功能叫Go Back in Time，你有得返轉頭。只要你條數係30-120日內碌嘅兼低過GBP5,000，你就可以將碌錯卡嘅數搬返去你想碌嗰張卡度。(每次交易計，機會只有一次，根據卡嘅級別而決定日數)
碌卡最怕係乜野？係怕碌唔到會柒咗呀，試諗吓你去超級市場買嘢，你後邊成條龍，你用Apple Pay撳Curve 畀錢，部卡機寫Declined，成班人望住你，連個收銀員都想笑你咁，嗰吓真係想搵個窿捐入去。
為咗防止呢個情況發生，Curve好貼心咁樣增加咗Anti-Embarrassment Mode，只要你事先一早設定，就算你選擇嘅卡過唔到數，都可以即時以已經設定好嘅信用卡嚟科水。咁就唔怕霸氣盡失啦～
同埋最近新加左Smart Rules呢個功能，可以畀大家設定咩類別用邊張卡，或者係超過或低過某個金額就用指定信用卡 (都係根據返卡嘅級別嚟決定你可以設定幾多Smart Rules) *免費版得一條rules，Curve X 為五條，之後其他以上級別為無限。
除此之外，Curve 依家出咗Crypto Reward (免費版無Crypto Reward)，Curve X 會rewards BTC only，另外兩級會全包。
Curve入邊有分四個級別，分別係Curve (免費級別)、Curve X,、Curve Black同埋Curve Metal。港究專員認為Curve 已經夠大眾一般使用，如果有另外需要嘅可以上到去Curve Metal 包埋Mobile Insurance、Travel Insurance 同埋Car Hire Excess Insurance。
提款方面，Curve / Curve X / Black / Metal 嘅每30日Fee-free提款上限分別係GBP200 / 200 / 400 / 600。拎過咗上限就會每次都收你提款嘅2%。(其實嚟到英國嘅讀者，應該都知英國唔太興用現金)
以下係Curve 每張卡嘅資料，各位讀者可以參考一吓。
Curve Card 比較
Curve Blue | Curve X | Curve Metal | Curve Metal | |
月費 | (免費) | GBP4.99 | GBP14.99 | GBP14.99 |
免外幣手續費 (每月) | GBP1,000 | GBP1,000 | 無限 | 無限 |
每月於海外以ATM提款可免手續費上限 (如提取超過每級別上限，將收取2%手續費) | GBP200 | GBP200 | GBP400 | GBP600 |
旅遊保險 (由AXA公司提供) | 沒有 | 沒有 | 有 | 有 |
手提電話保險 (由AXA公司提供) | 沒有 | 沒有 | 沒有 | 有 |
機場貴賓室服務 | 沒有 | 沒有 | 沒有 | 有 |
租車車輛保險 | 沒有 | 沒有 | 沒有 | 有 |
1% Cashback 回贈 | 沒有 | 沒有 | 最多3間 | 最多6間 |
加密貨幣獎賞 | 沒有 | BTC only | 有 | 有 |
增加商業信用卡 | 沒有 | 有 | 有 | 有 |
Go Back in Time 日數 | 最多30日 | 最多60日 | 最多90日 | 最多120日 |
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
