最新資料：(2021年1月起實施)英國內政部喺7月22日公布咗將會為持有BNO嘅香港人擴權，包括容許BNO持有人及子女去到英國定居。持有人之後可以申請5年嘅簽證，亦都可以申請2年半之後再續期2年半嘅簽證，居住左5年之後就可以申請永久居留，再12個月之後就可以申請入籍。期間可以工作或者讀書，但唔可以領取社會福利同援助，中小學可以享有免費教育。持有人可以大同家屬包括伴侶或者配偶、未滿18歲嘅子女、18歲以上而未有獨立嘅子女同埋年老長者就按個案而定。
而係1997年7月1日之後出世嘅BNO持有人子女，喺某啲情況下可以有酌情權發出簽證，通常係指佢嘅其中一位父母具有BNO身份並且一齊申請簽證，佢哋都可以以受撫養人嘅身份嚟到英國定居。
申請條件：
- 持有BNO護照(曾經或現時持有，過期或遺失亦都可以)
- 通常居住喺香港
- 承諾會學習英語
- 需要繳付簽證費用同醫療附加費
- 可以喺香港或英國當地申請
申請人亦都要提供六個月嘅財政證明，肺結核病測試證明，詳情可以參考呢度
我哋仲有文介紹點樣開到瑞士嘅離岸戶口，詳情可以去睇【香港地址護照都得】瑞士離岸戶口Dukascopy Bank開戶教學
呢篇文會介紹：
- 點樣去續領BNO護照
- 點樣去填寫申請資料
- 續領BNO嘅費用
- BNO護照嘅證件相要求
- 申請時有啲咩要準備
目錄
受社會緊張局勢影響，移民同重新申請 / 續領BNO再次成為香港人茶餘飯後嘅話題，亦都引起咗非常熱烈嘅討論，佢全名叫做英國國民 (海外) – British National (Overseas)，係一種英國國籍。呢本護照係港英政府年代嘅產物，1997年7月1號之後就無得再申請，其實之前BNO對港人嚟講只係旅遊證件，持有人並無居英權。
不過，英國下議院喺今年2月就首讀通過要求為BNO持有人爭取居英權嘅《香港法案》，仲會喺9月11日進行二讀，意味持有人獲得居英權同埋可以喺當地工作並非無可能。雖然法案暫時未知會唔會通過，不過港究專員最近都幫家人搞緊續領，而且呢排亦都有消息話英國外相藍韜文表示會將BNO擴大簽證權利，今日就同大家分享一吓手續 — 其實唔難！跟住落嚟港究專員就會介紹畀大家睇點樣續領。
咩人可以申請BNO？
暫時只有2個可能性：
(1) 任何喺1997年7月1日前成功申請BNO嘅人，就算舊BNO已經過期，都可以申請續領BNO；
(2) 任何喺1997年7月1日前出世但從未申請，不過如果父母BNO入面「Included child」欄有被列名嘅子女。
如果你喺1997年7月1日之前出世但都未能符合以上兩個條件之一，咁就只能祈求《香港法案》順利通過，就有機會申請返本BNO喇！
申請程序
1. Do you live in UK?
入咗去個網之後，如果你係住喺英國，你就撳Yes，如果唔係就撳No，亦都要揀埋自己嘅居住地。
2. Date of birth
填自己嘅生日，例如 1993 年 6 月 17號，就填
17 (Day) 06 (Month) 1993 (Year)
3. Have you had a British passport before?
呢part要撳Yes，不論你本BNO護照係唔見咗，俾人偷咗，或者有損毁。
如果係No，通常你係父母BNO-included child 一欄有填過你個名，而你未有申請過BNO (只適用於1997年7月1號之前出世)，亦都有機會需要做interview。
4. Is your passport lost or stolen?
如果你撳Yes，就會去到呢條問題
Have you cancelled your passport with HM Passport Office?
你需要注銷咗舊護照先可以繼續申請，如果需要申請注銷，可以上網並且填上相關嘅資料。
5. When was your passport issued?
請填寫你嘅BNO護照簽發日期。
Which is your passport issuing authority?
UKPA,UKPS, IPS or HMPO 都係英國護照署
如果你嘅BNO護照喺香港 (HKG / Passport office of Hong Kong) 簽發，請揀選Other。
6. Is your passport damaged?
你本BNO護照有無任何損毁?
如果你本BNO護照有損毁嘅話，你就要畀損毁原因，損毁例子請參閱下圖。
7. Do you have a naturalisation or registration certificate?
如果你有歸化證明就揀Yes。
8. Do you have any passports from other countries?
如果你持有英國護照以外嘅其他國家護照就要填Yes。
9. Which country were you born in?
如果你喺香港出世就選擇香港。
10.如果你本BNO護照過期太耐，系統通常都會視你為新申請，按Continue繼續。
11. Do you want to apply for a passport now?
請撳Yes, I want to apply now繼續。
12. 系統會根據你頭先嘅答案，列出所需要做嘅事項。你需要準備：
- 護照用數位照片
- 過咗期嘅BNO護照以及BNO以外嘅護照正本或彩色影印本(例如:舊BNO以及香港護照)
- 用作付款嘅信用卡（VISA, MASTER 或者MAESTRO卡）
- 其他人嘅副簽
- 有需要時會要求你去做interview確認身份。
準備好就撳Continue
13. 系統亦都會要求你準備：
- 出世紙
- 一年內嘅住址證明
- 已經過期嘅BNO護照正本或彩色影印本
- 結婚證書(如適用)
- 香港永久性居民身分證
準備好就撳Continue
14. 系統之後會叫你準備數位證件相
你可以選擇去影樓影，亦都可以選擇用手機影。
15. 請選擇你係會自己上載相片或者輸入照片代碼，當你喺影樓影相，你會收到嗰張相嘅代碼。將嗰個代碼加到落去您嘅申請中。
16. 跟住落嚟係一啲影相時要注意嘅事項：
影相時記得
- 合埋個口
- 要用白色做背景
- 唔好打燈
- 眼鏡同埋塊面唔好反光
下面喺一啲注意事項
18. 系統會根據你上載咗嘅照片評分，如果你係比系統評咗做Poor，你係需要重新上載另外一張相。
19. Do you want to submit this photo?
撳咗Yes之後，你需要解釋點解你會用呢張相。如果張相係Fair或者Good嘅話，寫It meets all the rules.就可以。
20. Old passport details
跟住落嚟，佢會叫你填番舊BNO護照嘅資料，包括護照號碼同埋過期日期。
21. New Passport details
跟住你要填新嗰本護照上面嘅名
First and middle names=名
Last name=姓
如果個名同你出世紙一樣
下面就撳Yes
22. Have you ever used any other names?
你有無用過其他名?
如果有你就要撳Yes，然後你就要寫返你自己用過嘅名。
23. 選擇你嘅性別
24. 填寫你嘅出生地方
25. Parents details
請謹慎填寫申請人父母嘅資料，包括姓名，出生日期，出生地方，國籍，是否擁有英國護照，以及係咪已經結咗婚。
有需要時，系統亦都會要求你填上申請人爺爺或同嫲嫲嘅資料。
如果未能夠提供資料，你需要提供原因。
26. Home address
填寫你嘅屋企地址
由於香港無郵政編號，所以喺Postcode一欄寫上00000就可以。
27. Contact details
請填寫你嘅聯絡資料，包括電郵同電話號碼。
28. 你可以選擇用你嘅電郵地址同電話號碼，知道你申請BNO護照嘅最新進度。
港究專員建議：揀晒兩個方便自己知道申請進度。
29.收到本新嘅BNO護照記得要簽名，先可以生效
30.非常重要：記得核對清楚自己填過嘅資料
31. 跟住落嚟，系統會列出所有文件你係需要寄去英國嗰邊。比完錢之後佢就會有一個application reference (PEX Number) 你可以用佢嚟睇返自己遞交過啲咩文件
32.用信用卡比錢之後，成個程序差唔多完成。之後就要準備所需要嘅資料寄去英國護照辦事處嘅地址。
其他注意事項
副簽：你需要搵一個持有有效BNO護照嘅人或者持有有效英國護照，而且識咗你最少兩年嘅人同埋喺英國官方認可嘅專業人士幫你簽聲明書，如果需要副署嘅時候系統會提醒你。只需要將簽好嘅影印版聲明書連同其他文件一同郵寄去到英國就可以。
港究專員分享：可以整一個checklist檢查自己係咪印好晒所有嘢，由於香港郵政目前暫停咗空郵服務，你可以考慮使用其他郵政公司例如DHL，Fedex，記得寫清楚寄去嘅地址，千祈唔好搞錯。建議可以將所有文件放落一個公文袋度。等大概三個星期就會分兩份郵件，新嘅BNO護照同埋其他文件寄返俾你。亦都要記得多次檢查好自己係咪寫清楚同埋寫得啱自己嘅資料，呢樣喺非常之重要！
謹記：如果你閑置咗超過30分鐘，系統就唔會畀你繼續申請落去，所以記得申請前請準備定所需要嘅資料！
Final Checklist：
1.香港永久性居民身分證彩色影印本（兩面都要，最好分兩張紙影印）
2.香港特區護照正本或影印本（彩色，影印所有版面）
3.住址證明（一年內）
4.已過期嘅BNO（正本）
5.副署人嘅聲明書以及佢嘅BNO護照個人資料頁嘅彩色影印本（如適用）
查詢
如果你有任何問題你可以聯絡 HM Passport Office，透過填e-form嘅形式遞交你嘅查詢。
申請BNO費用
34版– GBP105.86（大概等於HKD1,059)
50版- GBP115.86（大概等於HKD1,159）
如果需要盲人點字可以喺下面braitle sticker 打✔
以上價錢已經包括運費，但不包括寄件費用
郵寄資料
你可以參考吓以下嘅資料，睇吓點樣寄野過去英國。依家經Spaceship網站用唔同網站郵寄有優惠添！優惠需受細則及條款約束。
你都可以考慮用香港郵政特快專遞去寄BNO續領申請去英國，而相關服務已經喺6月19號恢復。
注意：申請手續以網站顯示為準，本文以及文中匯率僅供參考。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
