信用卡、八達通、PayMe、支付寶…電子支付越嚟越common，好多時銀包都已經唔洗帶，而硬幣嘅作用可能更少之又少。有時用剩幾個硬幣，與其放喺屋企，不如換返銀紙或者轉入八達通？即刻一齊睇吓邊度可以搵到收銀車或者換幣機，收費又係點樣！
金管局收銀車
換幣龍換幣機
除咗金管局硬幣回收車，坊間亦有收銀機可將硬幣兌換成現金或禮券。
換幣龍目前於各區設超過20部散銀兌換服務站，市民可以將硬幣兌換總值直接存入銀行戶口或八達通，但會收取10%手續費。如果想免手續費，亦可以選擇換取禮品卡或捐款到慈善機構，每次交易上限為 HKD8,000。
收銀車，收銀機，揀邊部換好？
以兌換性價比而言，金管局收銀車費用全免，仲支援多種電子支付平台，明顯比換幣機優勝。不過，雖然收銀車可以一次過換10公斤硬幣，但如果收銀車服務地點離住所太遠，相信就未必個個都想去換幣。由於硬幣有一定重量，攜帶不便，服務點及方便程度絕對係兌換金額以外嘅重要考慮因素。有固定地點嘅換幣機仲可以直接將錢存入銀行，如果金額少又就腳都不失為一個好方法。
除以上方法外，直接存硬幣入銀行戶口都係一個方法。不過銀行大多有硬幣存款上限，超過就收存款額約2%作手續費。但如果數量少，又點會專登去銀行整呢？所以，有需要嘅讀者都係睇吓就近邊度有收銀機或換幣車啦…
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
