一年容易又聖誕，今年聖誕節隨住疫情慢慢緩和落嚟，好多食肆或者好去處都慢慢開返，餐廳亦都慢慢開放返6人一枱或者12人一枱，咁就梗係要搵返啲好嘢食同親友們聚下舊啦~
專員特登揀咗幾間心水自助餐畀各位讀者，雖然大部分餐廳嘅主題食物都不外乎火雞、威靈頓牛柳同海鮮等，但以專員經驗覺得有部分餐廳嘅食物係會比較吸引嘅，揀定就可以訂位啦，節日訂座啲位實好快爆，預早喺到祝各位讀者一齊過返個開心聖誕！
想聖誕食好啲，點可以錯過香格里拉旗下嘅cafe TOO自助餐，以往食物都係大受好評嘅，以前專員去食飯覺得食物質素頗高，特別係海鮮，但款式唔算多，可以講話係行貴精不貴多嘅路線~
而且夠晒氣氛夠晒氣派，餐廳仲會就呢個promotion提供上圖嘅經典聖誕菜式同甜品，睇圖都已經夠晒吸引，熟食方面有咁大隻火雞、威靈頓牛柳同火腿等熟食，甜品睇落都好精緻！
呢間buffet一向都備受好評，大約價錢收費專員都已經列明喺下圖，有興趣嘅讀者可以打電話去問更多資料同訂枱架：
專員又嚟介紹多次逸東酒店旗下嘅buffet啦，逸東一向以食物款式多種類吸引客人，專員以前去食嗰陣比佢哋嘅buffet嚇咗嚇，點解食物嘅種類可以由東到西甚至其他異國菜都包含晒，食物水準亦一貫地穩定，專員認為佢地傾向以量取勝！
傳統烤火雞、蜜汁焗火腿、威靈頓牛柳、加碼海鮮、原隻烤乳豬同埋Raclette芝士等美食都喺今次嘅聖誕自助餐嘅主題 ，實在好多嘢揀呀！
價錢可以參考下圖，有興趣嘅讀者可以打畀餐廳再問！
The Place係Cordis酒店旗下嘅buffet餐廳，食物質素普遍被評為「合理價錢，中上質素」。
而佢哋今次聖誕主題嘅主打菜式係現場即切烤火雞、威靈頓牛柳、香烤牛肋扒同埋無限供應海鮮，餐廳環境同裝修專員個人認為唔算太豪華或者好適合情侶去，反而比較適合一大班親友去食聖誕大餐！
詳情收費讀者可以去網頁睇睇，因為佢地分咗好多唔同日子同用餐時段去收費！
花月庭係帝京酒店旗下嘅餐廳，一向都以CP值高而著名，專員認為餐廳專為親友聚會而設，地點就腳，食物質素ok，雖然種類唔夠The Astor多，但勝在CP值高！
今次餐廳主打菜式為包括巨型聖誕火雞、火炙龍蝦、即開生蠔等，而且花月庭嘅甜品都算出名，今次聖誕主題嘅蛋糕值得期待！
關於今次嘅分享暫時到呢度，Kong’s Cult會繼續搜羅更多優惠。
如果想睇吓我哋其他熱門文章，歡迎撳下邊嘅link睇睇：
2021 Amazon 網購Notebook推介更新版 買NOP之前記得睇咗先！
【Citi Plus戶口】Citi Plus新開戶經港究Kong’s Cult申請，可享額外3%儲蓄年利率 + HKD100 超巿禮券 + Apple AirPods Pro！
=鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
