話咁快又到11月啦！每年11月11號都係購物嘅好時機，因為好多間公司都會推出唔同購物折扣去吸引人消費，而今年都唔例外啦！ 專員見到有啲公司提早公佈咗雙11優惠，就拿拿臨整合喺呢篇文章入篇，畀各位精打細算嘅讀者作參考，就好似百佳、豐澤、UNIQLO等公司都已經推出咗啦！
UNIQLO雙11折扣會喺11月5日至11月11日全線門市同網店開始，優惠期間，大量精選男女裝服飾限時7日大折扣，而且都包括Heateach、羽絨背心，大家都趁UNIQLO減價 買新衫等轉季啦~
而專員都推薦讀者們可以買UNIQLO嘅羽絨背心，因為真係好輕身又夠暖，而且價錢適中，抵買之選！咁當然除咗冬天衫之外，UNIQLO都有唔同服裝供男士女士揀，想趁機入貨嘅讀者點可以唔留意UNIQLO嘅網店呢！
網購電子產品平台 – 友和YOHO都有雙11優惠，一連11日限時搶購活動，由11月1日至11月11日，每日都有唔同嘅特價貨品，Dyson風筒、Switch同埋PS5，呢啲熱門產品都有！用HSBC卡買滿HKD1500仲減HKD200添！
咁專員都覺得友和多嘢買嘅，如果大家睇唔啱上邊嘅精選熱賣產品，可以喺唔同日子撳入去望吓有關主題嘅產品，睇下有無你嘅心水，好似下圖咁樣好多有關系列嘅產品都會列出嚟架！
ZALORA雙11都有好多快閃優惠同埋勁多折扣！平台上邊基本上有齊常見嘅國際/本地時裝品牌，例如Adidas、Converse同Nike等。基本上成身嘅造型都可以喺ZALORA買齊，買滿指定金額仲免運費！
ZALORA相信唔洗同讀者點介紹啦，專員自己就覺得可以留意吓唔同牌子嘅運動鞋，平時偏向較高功能性嘅運動鞋正價都要HKD1,000樓上，所以可以趁雙11睇吓有無咩係自己嘅心水之選~
百老滙當然都有推出雙11啦，手提電腦、耳機、電視等電子 / 家居產品最平低至HKD111，而且優惠只限於Broadway會員同埋網購，不適用於門市。
百老滙喺今次雙11只係將一啲本來較高價嘅電子產品減價再賣出去，相對起其他平台 / 店舖嘅優惠較為遜色，但專員覺得想買電子嘢嘅讀者可以留意吓有無心水嘅產品係有特價！
講得Broadway，點可以唔提吓豐澤呢~ 「豐澤抵得祭」有多過4,000幾件產品做折扣，而且每日都有快閃優惠產品搶購，門市同網店都可以享受到優惠架！
Fortress相比起Broadway嘅雙11優惠，可以講話喺豪華upgrade版，差唔多每一個電器品牌都有相對高嘅優惠去吸引客人，例如專員最愛嘅Marshall音響、Dyson產品都有優惠。
鍾意電子產品嘅讀者記得留意10/11至11/11嘅優惠呀，相信Fortress一定會推出好多折扣去吸引大家，買唔同嘅產品！
關於今次嘅分享暫時到呢度，Kong’s Cult會繼續搜羅更多優惠。如果想了解更多信用卡資訊歡迎睇睇Kong’s Cult信用卡專頁。
如果想睇吓我哋其他熱門文章，歡迎撳下邊嘅link睇睇：
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
