即刻睇PayMe各項著數同優惠！
PayMe
PayMe係HSBC出嘅Peer-to-Peer (P2P) 轉賬app，就算唔係HSBC客戶都用得，過數畀朋友或者付款畀商戶都非常方便。想幫PayMe增值，可以直接用信用卡或者連接銀行戶口，完全唔需要畀手續費。
有時同一大班朋友出去食飯，總有機會遇到聲稱自己帶唔夠現金嘅人，之後又「大頭蝦」唔記得還錢。自從PayMe出現之後，就再無藉口畀佢哋喇！PayMe入面內置計算機，直接跟人頭分拆賬單，就更加容易。而且用PayMe入面嘅「請求」功能叫人畀錢亦都無咁尷尬！
香港政府早前確定由八達通、AlipayHK支付寶香港、WeChat Pay、Tap & Go拍住賞4間營辦商發放HKD5,000消費券，香港人常用嘅電子支付系統匯豐PayMe大熱倒灶，相信唔少人都十分詫異。雖然計劃詳情仍未公布，不過當局就預計最快暑假開始登記。
想知道最新消息，可以留意我哋嘅文章：
【派HKD5,000電子消費券】申請資格、登記方式 及適用商戶等詳情終極懶人包！
【AlipayHK 支付寶香港】 迎新獎賞、最新優惠；全新易乘碼EasyGo ─ 搭交通工具畀錢新選擇；政府HKD5,000消費券四間營辦商之一
PayMe增值
2017年PayMe一開始推出嘅時候，PayMe每月信用卡增值上限係HKD5,000，唔少人都係靠呢HKD5,000 零成本碌咗唔少信用卡積分、里數、甚至現金回贈。
2019年開始，PayMe每月信用卡增值上限由HKD5,000降至HKD2,000，由於轉數快嘅出現，用戶可以直接由銀行轉賬去其他銀行，再加上各大銀行開始收緊，甚至取消電子錢包嘅信用卡積分、回贈，PayMe嘅吸引力降低唔少。
由2020年10月1日開始，PayMe每月信用卡增值上限再次調低至HKD1,000，同時增加透過銀行戶口增值上限至HKD50,000。
【2021-07-01更新】
由2021年8月起用匯豐信用卡增值PayMe嘅上限，將會由每月HKD1,000提升至HKD3,000。
(不過用匯豐信用卡增值嘅話，就儲唔到信用卡里數 / 現金回贈，睇吓大家想要方便定著數啦。)
【2021-07-28更新】
由2021年8月1日起，用滙豐信用卡增值PayMe，每增值HKD250，仲可以獲得1「獎賞錢」回贈。用每月滙豐信用卡增值PayMe上限HKD3,000嚟計，每月可以得到12「獎賞錢」回贈。
大家以後增值PayMe就可以多個選擇啦！
想知仲可以點樣用盡PayMe，攞盡各種著數同優惠，就要繼續睇落去啦！
信用卡增值
【2021-07-28更新】
由2021年8月1日起，用滙豐信用卡增值PayMe，每增值HKD250，仲可以獲得1「獎賞錢」回贈。用每月滙豐信用卡增值PayMe上限HKD3,000嚟計，每月可以得到12「獎賞錢」回贈。
如果用其他銀行信用卡每月增值上限只得HKD1,000，但係好好利用嘅話都可以賺返唔少著數。
如果你每日出門都係搭巴士嘅話，建議你可以用Citibank八達通卡增值PayMe。
推薦信用卡 (1) ── Citibank八達通信用卡
- 入息條件：年薪HKD150,000或以上 (若未能符合入息要求，Citibank或會改發金卡)
- 年費：首年免費，其後可以申請豁免
- 簽賬HKD200 = HKD1 八達通現金回贈
呢張卡一直都好多人用緊，因為佢可以當信用卡同八達通卡一齊用。
只要每月合資格簽賬滿HKD1,500，九巴、龍運、城巴同埋新巴嘅車費可以得到15%回贈，每月上限HKD300，優惠期至2020年10月31日。
【2021年11月10日更新】
由2020年11月1日至2022年12月31日，依家除咗港鐵、巴士嘅車費可以得到15%回贈，連渡輪、電車、綠色專線小巴都有15%回贈，不過每月合資格簽賬嘅條件就增加到HKD3,000，每月回贈上限維持HKD300。
而如果每月合資格簽賬超過HKD10,000或以上，除咗港鐵、巴士、渡輪、電車、綠色專線小巴有15%回贈之外，連隧道費都有5%回贈，啱晒揸車嘅朋友！每月回贈上限更加提升到HKD500！
計劃內之指定公共交通/隧道 | 港鐵、巴士、渡輪、電車、綠色專線小巴 | 港鐵、巴士、渡輪、電車、綠色專線小巴、隧道 |
車費回贈比率 | 15% | 15%指定公共交通工具車費回贈 + 5%隧道費回贈 |
每月所需合資格簽賬金額 | HKD3,000-HKD9,999 | HKD10,000或以上 |
每月可獲最高車費回贈金額 | HKD300 | HKD500 |
【2021-05-02更新】
因為Citibank電子錢包交易都計合資格簽賬，所以可以先用呢張Citi八達通信用卡增值HKD1,000，淨低HKD2,000就要真消費，又或者用WeChat Pay、Alipay透過Citi八達通信用卡扣數轉賬畀朋友，咁就最低成本可以拎到15%車費回贈喇！再加埋政府交通費用補貼，就可以慳到最盡！
(注意：2021年6月1日起，AlipayHK高級認證帳號轉賬同派利是每月免手續費限額將降至HKD1,000。平時靠AlipayHK轉賬滿足部分HKD3,000合資格簽賬嘅朋友要留意喇！詳情可留意呢篇文章。)
依家透過我哋下面嘅連結成功申請Citi八達通信用卡，即享高達HKD200現金回贈。
如果你係全新Citibank客戶，港究專員會建議你開咗下面張Citi Cash Back卡先再申請呢張，因為Citi Cash Back卡嘅迎新優惠更加吸引！
了解更多：Citibank信用卡申請
推薦信用卡 (2) ── Citibank Cash Back卡
- 入息條件：年薪HKD240,000或以上
- 年費：首年免費，其後可以申請豁免
- 現金回贈：
- 2% 本地食肆及酒店簽賬回贈
- 2% 外幣簽賬回贈
- 1% 其他本地簽賬回贈
了解更多：Citi Cash Back Card
推薦信用卡 (3) ── 渣打Simply Cash卡
- 入息條件：年薪HKD96,000或以上
- 年費：首年免費，之後符合指定條件先可以申請豁免#
- 現金回贈
- 2% 外幣簽賬回贈
- 1.5% 本地簽賬回贈現金回贈
#持卡人於上一個年度內（即由信用卡發卡日期之週年日起）為符合有關最低總結餘要求之「優先理財」客戶/「Premium理財」客戶或出糧戶口客戶即可享年費豁免。持卡人必須於年費誌賬之月份符合上述條件，方可享有上述之年費豁免優惠。
限時優惠 (已完結)
(已完結)即日起至2021年1月14日，首次經PayMe綁定DBS信用卡，並以DBS信用卡增值HKD500或以上，可享HKD30 DBS Omni「一扣即享」折扣。
呢個獎賞只限頭12,000筆合資格交易，先到先得，額滿即止。
銀行增值
依家PayMe用戶除咗滙豐以外 ，亦可以用其他13 間本地銀行增值PayMe，當中包括：
1. 恒生銀行
2. 中國銀行（香港）
3. 南洋商業銀行
4. 中國工商銀行（亞洲）
5. 創興創行
6. 中國建設銀行（亞洲）
7. 上海商業銀行
8. 中信銀行
9. 集友銀行
10. 交通銀行（香港）
11. 花旗銀行（香港）
12. 香港星展銀行
13. 東亞銀行
要新增銀行戶口增值PayMe ，可以前往「我的賬戶」＞「設定」＞ 信用卡及銀行戶口」＞ 按「增值方式」下嘅「新增銀行戶口」。
轉數快 FPS
PayMe戶口亦都可以登記「轉數快」，就算對方唔係PayMe用戶都可以透過「轉數快」轉賬去你嘅PayMe戶口。
想登記PayMe做轉數快戶口，只需要：
1. 前往「設定」＞「登記及檢視『轉數快』登記資料」
2. 如並未提交香港身份證須先提交資料做驗證
3. 檢視你嘅個人資料並登記「轉數快」
4. 按照系統提示驗證你嘅手機號碼
收款 / 付款方法
喺通訊錄名單揀或者輸入手機號碼、電郵
想PayMe過數畀朋友，最簡單梗係喺通訊錄揀或者輸入佢嘅手機號碼、電郵，之後直接輸入金額就可以。
但係有陣時想過數畀唔太熟嘅人或者只係一次性交易 (例如IG Shop網購)，呢個方法就有少少麻煩。所以亦有唔少人選擇用PayCode或者PayLink收款、付款，變相唔使知道對方電話號碼、電郵都可以做到轉賬。
PayCode
喺PayMe App主頁選擇「付款」或「收款」時，直接掃描對方PayCode或者匯入對方PayCode嘅圖片，之後直接輸入金額就可以。
PayLink
如果同一大班朋友出去食飯要夾錢，直接send PayLink去WhatsApp Group收錢就搞掂，唔使慢慢逐個send收款請求。
之前有單新聞係有人誤將付款PayLink send咗去大group，結果畀其他人搶先一步收款，而要收錢嘅用家就收唔到錢。
為保障自己，建議大家只係收款先至用PayLink，可以確保筆錢真係過畀收款用家。
要自訂個人專屬PayLink，可以前往「我的賬戶」＞「我的 PayCode」＞ 「自訂我的 PayLink」。
繳費
- 喺主頁向左掃或者撳「付款」打開掃描器
- 掃描政府及公用事業賬單上面嘅 QR Code，然後授權付款
可以繳付咩賬單？
- 水務署
- 政府一般繳款單
- 稅務局：利得稅、薪俸稅、個人入息課稅、商業登記費、
分行登記費、印花稅、法庭費用、物業稅及判定債項利息 - 差餉物業估價署
Virtual Bank 收息
PayMe一般玩法係：
1. 月頭用信用卡增值PayMe HKD1,000，筆錢可以留喺PayMe用或者轉返去銀行
2. 第二個月再用信用卡增值PayMe HKD1,000，再找返上個月信用卡卡數
呢個玩法即係變相畀你免費套現HKD1,000。
相信大家都唔係等呢HKD1,000開飯架喇，如果你唔係打算用呢HKD1,000嘅話，淨係放喺銀行嘅活期利息接近0咁濟，用嚟投資又唔夠，最好就係放喺幾間新嘅虛擬銀行，無論放喺活期、定係用嚟做3個月定期，都比傳統銀行更加高息。
其中港究專員比較推薦嘅虛擬銀行有以下幾間：
如果你想搵一般銀行嘅優惠資訊，可以去呢度睇我哋介紹！
優惠受條款及細則約束。借定唔借？還得到先好借！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏左Follow Kong’s Cult嘅Facebook同埋Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
