我哋港究專員之前嘅文章介紹過唔少買書、Ebook、Audiobook嘅平台。例如：Book Depository、Amazon買Kindle電子書、Audible有聲書。
今次介紹嘅HyRead係台灣一個好出名嘅電子書平台，上面有超過13萬本台灣出版嘅繁體書同埋周刊雜誌。至於標題講嘅免費睇HyRead到底係點？好抱歉，今次呢篇文只係針對香港嘅讀者朋友。
呢個其實係香港公共圖書館嘅免費電子資源，只要你用返圖書館帳戶登入，就可以免費睇到好多電子書同雜誌。一般而言，台灣出版嘅中文書更新速度略慢，大部分嘅書可能係2020年或更早出版，2021出版嘅就比較少。而周刊雜誌就即月可以免費有得睇，當中有唔少比較出名，例如：商業周刊、先探、國家地理雜誌 (National Geographic)、PC home、CNN互動英語等等，種類非常廣泛。
使用方法
只要喺HyRead網站用公共圖書館嘅帳號登入，揀啱自己想睇嘅書， 揀「借閱」就可以！
如果用「HyRead 3」手機 / 平板App，就要先喺左手邊新增香港公共圖書館，跟住就可以用返自己嘅圖書館帳號登入，睇返自己借閱咗嘅書或者雜誌。
HyRead有部分書可以線上閱讀，不過如果閱讀名額已滿，就只可以試閱部分內容。所以，一般用「借閱」功能會比較好。如果有部分熱門書借閱名額滿咗，就要排隊等候啦。
常見問題
HyRead有無借閱數量限制？
每個讀者最多可以同時借閱4本電子書，另可預約4本電子書。
HyRead有無借閱日數限制？
每本書借閱日數係7日，到期前2日可以續借7日，最多續借2次。如果到期時仍未歸還，系統會強制收回，以免被罰款。
【2021-12-09更新】
限時活動
第三屆香港圖書館節 (2021) 用「喜閱有你 攜手同行」做主題，「鬆一鬆 e閱讀小站」亦配合主題，準備咗一系列中文電子書，無論係洗滌心靈、斜槓族增值，甚至係休閒、藝術、商管與文化等類別都有。活動期間，每月精選咗30本好書任你選擇，不設借閱限額，只要登入圖書館帳戶，無需預約就可以免費借閱，而且唔計算喺每位讀者限借四本嘅限額！
小推介
《原子習慣》呢本書，由科學同心理學嘅基礎，教導讀者從微細嘅行為 ∕ 想法改善開始，慢慢令計畫嘅目標不再失敗。
《刻意練習》作者安德斯‧艾瑞克森根據三十多年研究發現，所謂天賦其實係人類大腦同身體嘅適應力，只要透過正確練習，亦即「刻意練習」，善用大腦同身體嘅適應力，每個人都可以改善技能，甚至創造出你本來以為自己無嘅能力，達到顛峰表現。
由作者 鬼差 所寫嘅《香港猛鬼歷史字典》收錄咗香港開埠以嚟近200年歷史入面發生嘅經典靈異怪談，全集共有160篇鬼故。
《國家地理雜誌 (National Geographic)》係美國國家地理學會嘅官方雜誌，雜誌內容包括地理、科普、歷史、文化、紀實、攝影等。
空餘時間想睇吓書增值自己？除咗Ebook，你仲可以揀返傳統實體書或者有聲書Audiobook。我哋之前都介紹過唔少平台：
想閱讀？除咗網上訂書，你仲可以選擇電子書、Audiobook！
想一個掣買書免運費兼送埋上門？用 Book Depository幫到你！
正所謂「工欲善其事，必先利其器」，想更好咁睇電子書，梗係要配搭一部好用、護眼嘅閱讀器！即刻去睇吓我哋推薦過，幾部最多人用嘅閱讀器：
無書展照睇書！購買Ebook reader 電子書閱讀器你要知 － Kindle，Clara HD，Poke 2性價大比拼！
我哋之後亦都喺另一篇文詳細介紹咗Amazon旗下Audible有聲書平台嘅收費、操作介面同使用教學等，有興趣可以去返下面條link睇返：
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏左Follow Kong’s Cult嘅Facebook同埋Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
