放假想行山放鬆又遇到啲動物擋住個入口唔畀你上山慶祝節日，紀念吓一啲想紀念嘅人嘅時候可以點做？梗係搵第二條路上山啦，至於點搵第二條路？港究專員都經歷過以上嘅情況，之後有一刻真係想放棄諗住不如唔好繼續，但係香港人有一種打不死嘅精神，咁即刻上網搵下有咩方法同問下其他附近嘅人。正所謂：「路係人行出嚟」，一定會有其他路去到同一個終點。
要上獅子山頂都唔一定要由郊遊徑入口去，可以由另一邊嘅山腳(獅尾)或者其他地方上。呢個時候最需要嘅係啲咩？就係一張地圖！依家因為科技嘅發展，已經未必需要一張實物地圖，例如郊遊圖或者 HM20C 地形圖就可以去行山。但係去行山靠 Google Maps 好似唔係幾得，入面淨係得啲平時嘅行人路同埋車路或者一啲大路嘅行山徑，例如：衛奕信徑、麥理浩徑等等。
相信大家都遇過同港究專員一樣嘅情況或者你係一個新手想搵吓有咩地圖可以睇到山路同埋行山需要嘅工具，咁你要繼續睇埋落去喇！港究專員跟住落嚟會介紹一啲可以喺電話apps睇嘅地圖—TrailWatch 徑.香港。
行山嘅時候影相又想用filter 令到張相有feel 啲又可以pro 啲？可以參考吓 功能強大齊全嘅圖片編輯軟件Fotor，現已支援Windows / Mac / Android / iOS
TrailWatch 徑.香港
TrailWatch 徑.香港 係一個提供手機應用程式服務畀使用者記錄行山同郊野活動，兼可以同其他使用者分享見聞記事，從而積極參與監察郊野嘅工作。
官方網站：https://www.trailwatch.hk/zh/
下面兩個係 Google Play 同埋 App Store 嘅下載link，撳落去就可以下載到嚟用架喇！
賣點 1：即時紀錄及舉報郊野破壞
因為徑.香港係由WYNG 基金會贊助，旨在為公眾或機構透過教育、研究和參與權。TrailWatch 會支援不同平台交換資訊、提供機會獲取、交流及傳播資訊，以促進社會發展。所以佢有一個好特別嘅功能，亦都係佢一大賣點。
上面呢一幅圖就可以見到之前嘅各位喺行山嗰陣見到唔同情況嘅舉報—金山郊野公園同埋獅子山郊野公園嘅唔同行山徑都有唔同舉報。例如喺筆架山北面嘅山腰有個！嘅符號，即係嗰度係報告過有危險，而且撳落去個！係可以見到現場嘅情況。今次可以見到係有枯死嘅樹木，有倒塌嘅危險。如果你嘅行山路徑需要經過呢度就一定一定要小心，你係行山新手嘅話就有可能需要轉吓路線或者改道。
咁如果你喺行山嘅路途中見到有危險嘅地方或者有一啲傾倒泥頭同埋其他可疑活動，又想做埋檢舉嘅其中一個可以點做？
你喺下載咗個apps之後需要註冊成會員，如果你喺個apps 都搵唔到註冊嘅位置，可以去官方網站做註冊，經過電郵驗證之後就可以成為觀察同保護我哋嘅大自然嘅其中一員。
要檢舉嘅時候可以開咗地圖之後撳右下角嘅嗰個喇叭圖示，然後系統會要求你開啟GPS 定位，你一定要允許 TrailWatch 用你電話嘅定位系統先可以進行檢舉動作。根據佢想你填嘅種類，影埋一幅相就輕鬆完成一次檢舉。
行山用嘅背囊唔夠用又唔知可以去邊度買，又唔想畀香港嘅無良商人從中大賺一筆？想知點買可以參考吓 戶外用品嚟嚟去去都係嗰啲? Campsaver 同 Mountain Steals 話你知唔係咁樣
賣點 2：詳細地圖
去行山點解絕對唔建議用 Google Maps？就係因為 Google Maps 係無行山嘅山徑路線圖。危險嘅地方喺邊？下面以吊燈籠 （HM20C 50Q KK 1801 9200）嚟做一個例子。
Google Maps 指吊燈籠係得380米高，而且冇完整嘅路徑圖，如果你喺山上面諗住用 Google Maps 搵一個離開嘅方法，咁就真係會出事，你會搵唔到出路。
呢份由政府地政總署出嘅地形圖 HM20C 顯示，吊燈籠 （HM20C 50Q KK 1801 9200）係一個416米高嘅三角網測站，完整嘅小徑都標示晒出嚟，真係有需要嘅時候都可以用到呢份地圖。
呢個就係今日嘅主角 TrailWatch，同上面嘅地形圖一樣，佢都有顯示吊燈籠係一個416.9米高嘅三角網測站，完整嘅小徑都標示晒出嚟。最大嘅分別在於佢係喺你部電話個apps到，唔需要特登去用錢買一張未必成日會用嘅地圖。到真係有需要嘅時候都可以用得著，當然前題係你要有足夠嘅電源。
賣點 3：詳細路線推介 (連地圖)
有時諗唔到可以去邊度行山，又唔想重覆嘅話就會睇下其他人去邊度行山，咁 TrailWatch 呢個功能就好啱用喇！
行山最重要就係量力而為同埋帶足夠嘅裝備，仲要好好保護大自然，真係有需要嘅時候先搵幫手，事前做足功課先係尊重自己、尊重大自然嘅態度。
如果想買行山用嘅零食可以去 iherb 度買，又可以送貨去屋企、又平過你出去多人嘅地方買、又安全，想知點買可以參考下 【網購iHerb】iHerb必買零食系列
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook專頁同埋Instagram啊，你哋嘅支持同意見絕對係我哋港究專員繼續發掘著數嘅動力，下次見！
