SMS 喺10年前非常普及，經常用嚟同身邊嘅人聯絡，以前最緊要係要叫自己成日用 SMS 聯絡嘅人用同一個網絡，先至可以減少每個月嘅電話費。時至今日，自從網絡嘅崛起，以前 SMS 用嚟聯絡嘅功能已經畀 WhatsApp 同 Telegram 等等嘅網上通訊程式取代。
但係 SMS 就變咗有另一個重要嘅作用－就係做2FA (2 Factor Authentication, 雙重驗證)。 就係喺你登入之後，要有多一重驗證嚟確認你真係賬戶嘅擁有者或者你真係居住喺嗰個地區。例如喺韓國，每人都要以自己喺政府登記嘅名登記流動電話號碼，然後喺唔同嘅網上商戶交易時進行實名認證。咁如果你唔係住喺要進行呢類驗證嘅國家又想扮係，可以點做呢？
相信你一定有見過呢一類嘅畫面啦！唔同嘅程式有唔同嘅雙重認證，絕大多數嘅程式會同下面所作嘅示範－Netflix 一樣係利用 SMS 作為驗證嘅媒介，其他程式可能會用 Google Authenticator 或者 apple connect 嚟驗證身份。用返下面嘅例子，Netflix 喺全世界唔同地方有唔同嘅收費，好多人會利用呢一個由 Netflix 官方做出嚟嘅漏洞嚟為自己慳返一筆。以上嘅行為需要自行判斷同埋承擔返有可能嘅風險。
想喺香港睇韓國嘅 Netflix 可以點做？用 VPN 或者 Fire TV Stick 就可以解決到問題！想知多啲可以睇吓 【防疫消遣推介】用Fire TV Stick 喺電視睇Youtube、Netflix、Amazon Prime Video等串流平台 (2020-09-24更新)
想知更加多 VPN 嘅資訊，歡迎睇吓：
【VPN介紹】2020 最新NordVPN優惠@比官網3折更著數
全世界所有國家 (除咗封閉國家) 都有 Netflix 嘅服務，咁邊個國家係最平呢？答案就係土耳其，不過土耳其嘅 Netflix 有一個弊病就係唔可以用 VPN 去睇其他國家嘅 Netflix 內容。咁有啲咩解決方法？就係考慮全世界 (唔計無 Netflix 嘅封閉國家) 第二平嘅阿根廷。申請 Netflix ，其中一個障礙就係需要阿根廷嘅手提電話號碼進行上面所講嘅 2FA ，有咩解決方法？可以繼續跟住港究專員一路介紹嘅網站－ SMS Activate 嚟幫手做一次2FA。
SMS Activate 係點用呢？
經過上面嘅連結入到 SMS Activate 網頁就會見到上面呢一個畫面，首先你要註冊一個賬戶，只需要一個電郵地址就可以。不過要注意嘅地方係有時個網會轉咗做俄文或者中文簡體字，你就要喺右上角嘅國旗上面轉語言。
之後就要知道自己要啲咩，呢到有好多個程式同國家畀你揀，只需要搵返你想用嗰個就得。
如果好似例子咁想搵阿根廷 Netflix 嘅一次性接收驗證碼，就可以喺左邊搵返國家名阿根廷，之後再搵返想使用嘅程式 Netflix ，項目隔離有個「₽」係代表啲咩？其實就係盧布 Rupee，即係俄羅斯嘅官方貨幣，匯率大概係HKD1 : 10₽。 呢到就可以睇到佢要15.47 ₽ (唔洗2蚊港紙！)同埋數量仲有3022個，有啲時間佢嘅數量係0個就好似上一幅圖嘅香港 Netflix 咁，呢啲時候就唔好入錢落去喇！因為你入咗都買唔到，佢係冇貨畀你買。
想入錢落去買要點做？可以去返右上角好似圖入面咁做，撳返 Top Up Balance。
呢一個網有13種付款方式，最常見嘅 Visa、 Mastercard 就唔再講，佢仲可以使用 bitcoin 或者其他虛擬貨幣進行付款，非常方便。不過要注意唔同嘅付款方法可能有唔同嘅額外手續費，要睇清楚先好用。
就以最常用嘅 Visa、Mastercard 嚟睇下，畀呢兩款信用卡係要畀額外2％手續費，佢呢到就會幫你計埋2％後要實際畀幾錢，就好似一個阿根廷 Telegram 一次性驗證碼係要14 ₽，加埋手續費就係14.29 ₽。
另外要留意嘅係，你所用嘅信用卡有無簽外幣嘅手續費，例如今次港究專員用嘅信用卡係有1.95％嘅手續費，夾埋所有手續費之後即係大概等於HKD1.45。你冇睇錯，telegram驗證碼係港幣個半炸，以 Netflix 嘅19.39₽連埋所有手續費都係2蚊，HKD2.0就可以幫你每個月慳返30至40蚊港幣嘅 Netflix 錢，當然你仲要 VPN 嘅錢，不過夾埋都慳20幾蚊！每個月夠買多個早餐！
唔知 VPN 係咩嚟？可以睇埋港究專員嘅推介— Surfshark VPN
去到實際畀錢嘅部分，用信用卡就要輸入返卡號碼等嘅資料，就好似平時喺網上買嘢一樣。如果入去呢個版面見到係全部俄文就可以搵返左下角嘅 EN ，即係依家寫住 RU 嘅位置切換英文或者俄文。
畀完錢之後就會見到呢一個畫面，所需要用嚟接收SMS嘅當地電話就喺中間位置 ，輸入返落你應用嘅程式指定位置，然後就可以等驗證碼。要注意嘅係每一次都係有時間限制，大概係20分鐘左右。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個 Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！仲有唔好漏咗Follow Kong’s Cult嘅 Facebook 同 Instagram 專頁啊！你哋嘅支持同意見絕對係我哋港究專員繼續發掘著數嘅動力，下次見！
