相信唔少人細個都有聽過父母講「畀心機讀好書第日就會搵到份好工」，但唔少人出到嚟社會工作後反而覺得自己嘥咗咁多年時間讀書簡直係浪費。 因為讀到曉飛都好，工作技能同讀書原來係兩回事。依家失業率不斷上升，點樣以最短時間最低成本學到最多工作技能嚟增加自己價值？港究專員為你介紹其中一個21世紀增值自己必須認識嘅平台—SkillShare，想學多啲有用技能嘅你千祈唔好錯過！
SkillShare 簡介
SkillShare 係一個2010年成立嘅網上學習平台，開始嘅時候主要為美國本土居民服務。SkillShare 主打提昇同Creativity相關嘅課程，例如：繪畫 / 設計 / UX.UI設計 / 攝影…等等，同時亦有少部分實用商業 / 科技課程提供。喺2015年，SkillShare已經累積超過100萬嘅課程註冊數以及1000堂課程數， 同時平台平均每日使用時間高達10萬分鐘。到咗今日，SkillShare已經有超過 2 萬堂嘅課程及有400 萬用戶使用，係全球網上學習平台嘅佼佼者。
即刻睇：
SkillShare有乜好？
要用SkillShare嘅原因好簡單—SkillShare 真係可以透過實際技能操作、同學互動及導師指導令你成功學識一門技術。依家市面上主打online learning 嘅平台有好多，雖然好多course 都非常用心設計課程，但學習中遇到問題就唔係個個平台都會提供到資源去處理，而SkillShare喺呢方面就處理得好好。SkillShare嘅課程都係由導師親手設計，而且導師會同學生互動，了解大部份人嘅需要，從而不斷改善課程。學生如果有咩問題仲係唔明，仲可以好似喺現實咁即刻聯絡相關導師。真係唔怕你無嘢學，最怕你唔肯學啊！
不過，SkillShare 並唔係一個用嚟取代傳統學位嘅方法。喺其中一個創辦人Karnjanaprakorn 嘅訪問入面就曾經提到：
我不是建議大家放棄讀大學的機會，而只在網上學習（尤其是當他們並沒有把線上學習視作自己的學習方法時）。我覺得Skillshare永遠都無法取代哈佛大學。我們的本意並不是讓Skillshare成為傳統學術的代替物。我始終認為我們建立的學習平台是傳統教育的補充而不是替代品。如果有人追求的某個職位，需要得到美國教育部的學位認可，那麼我強烈建議他還是乖乖去學校上課。Skillshare是一個互聯網教育平台，它的學習時間和地點都很分散，完全打破了傳統大學的教學模式。我們也知道每位學生都有不同的學習需求，所以Skillshare平台上的每位學生都能根據自己的學習興趣開設或參加不同的課程
所以，SkillShare 嘅主要用途係提升自己嘅技能水平，而唔係一張令你升職嘅沙紙。當然啦，跟住自己興趣或者所需去學習，日子有功，自然會有人賞識！
SkillShare 界面簡介
首先我地可以喺SkillShare 開個account。一開始會問想揀咩月費計劃。我地可以睇吓有無課程啱自己讀，呢一刻跳過先
入到主畫面就係直觀式嘅課程介紹同分類選擇。置頂嘅係最近最受歡迎嘅課程，左手邊選擇唔同嘅分類，知自己要咩course 嘅朋友亦都可以用keyword 直接search
每一個course都會有由導師做嘅少少簡介，可以睇吓係咪自己想學嘅嘢，同埋睇吓導師嘅表達方式適唔適合自己
拉落去可以知多啲課程資料、導師簡介以及其他人嘅評價等等
睇晒成篇文嘅你，希望呢個網站可以令你做嘢事半功倍！學到嘢唔知去邊有人請？即刻睇下有人無工返，有工無人返？入嚟話你知2020最新Fiverr搵工＆請人攻略！
無合適電腦用黎做嘢？2020 Notebook Ownership Programme 又嚟喇！等港究專員同你一齊揀！
仲有無其他介紹？即睇DesignEvo – 不容錯過嘅一站式logo、商標設計平臺幫唔幫到你！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook專頁同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
