電話上台一向都係普遍港人嘅認知做法，但相信總有人會認為每個月比最少HKD100嘅上台月費係好貴嘅。專員之前都係屬於嗰一班人，終於畀專員搵到帶號碼轉儲值卡呢個方法！
專員認為用帶號轉儲值卡十分適合每月用有限流動數據、唔駛去到無限上網咁多、又想間中可以睇吓社交媒體嘅朋友仔。自從變咗用儲值卡之後，專員每月電話費都少咗，但感覺上數據用量同上網速度都同以前上台無限上網差不多。
下文主要會介紹專員依家用緊嘅儲值卡，可能有讀者都有更加抵又好用嘅儲值卡，十分歡迎講畀我地知，或者去我地港究嘅Telegram Group 入邊開心share！
想免費擁有張英國Sim卡?即刻睇睇
儲值卡上台
儲值卡其實都可以做到MNP (Mobile Number Portability，電話號碼可攜服務)嘅！例如，一個係中國移動嘅上台號碼但就快完約可以提前去直銷中心做MNP。手續好似一般電話上台咁，最好就提前半個月左右啦，以專員為例子，本身上台合約至2020年10月尾，專員大約10月頭 / 月中就會去直銷中心做MNP！而可選轉台日並唔不包括星期六、日及公眾假期。記得做MNP要自備身份證呀！
儲值卡上台喺邊度買？
「手提電話直銷中心」，門市地址包括：銅鑼灣糖街 2~8 號、荃灣登發街 4-6 號、元朗擊壤路 14-18 號崇德樓地下 A 舖、中環德輔道中 21-23 號，及旺角道 38 號新舖；另有合作商戶位於屯門青柏徑 5 號「手提電話直銷中心」
門市地址包括：銅鑼灣糖街 2~8 號、荃灣登發街 4-6 號、元朗擊壤路 14-18 號崇德樓地下 A 舖、中環德輔道中 21-23 號，及旺角道 38 號新舖；另有合作商戶位於屯門青柏徑 5 號
3HK國際萬能卡係專員依家主要用作養號嘅，只係增值咗收發吓msg嘅基本plan。之前專員都會增值用嚟做上網plan嘅，而且速度同上台無限4.5G月費plan相等，網絡都好穩定唔會斷吓斷吓，而價錢就平好多！
而且用晒data都唔洗怕，可以買增值券增值，坊間賣嘅大多都同標價不同，但多數有平無貴 (專員平時會上網買多)
引用返直銷中心嘅MNP plan，大家可以揀吓邊個plan啱心水！
p.s.養號即係開通基本嘅收發msg功能，每年儲值卡期限過咗，就再增值，Keep住個號碼
SoSIM 儲值卡
當然啦，專員最近都發現咗SoSIM呢個相當好用嘅儲值卡，相信就算無留意開儲值卡嘅讀者都可能會留意到呢張卡嘅存在。
專員用緊雙卡機，會用3國際萬能卡拎嚟收吓msg，是為主號；另一張會用So Sim嚟上網。讀者們都可以直接用年卡，如果無雙電話號碼需要。
HKD33蚊，就有50GB，42Mbps嘅儲值卡，就算當交月費，一年都唔洗HKD400…
So Sim方便易買，落樓下百佳就可以完成增值，速度同無限上網plan都差唔多，而且呢家每張卡開戶即送120日內50GB五大社交平台數據、每晚11pm-7am限速7.2Mbps任用數據同埋10,000分鐘本地通話 (之後每分鐘HKD0.05)
當然啦，專員知道仲有好多儲值卡拎嚟養號或者上網都好抵用，但專員今次只係為大家簡單講解吓專員個人鍾意嘅玩法，如果讀者有好嘅plan，可以同我地 / 其他讀者開心share~
想免費擁有張英國Sim卡?即刻睇睇
【Giffgaff】送你英國Sim Card！每年只需GBP10就有英國電話號碼！
唔想暴露自己電話號碼？呢度有第三方接碼平台介紹！
【Netflix、網購必備】你係咪仲苦惱緊要點用第二個國家雙重認證嘅SMS？SMS Activate 幫你搞掂晒！
如果想睇吓我哋其他嘅熱門文章，歡迎撳下邊嘅link睇睇：
【囊中羞澀？】Reap — 使用信用卡交租、保費、水電煤，並賺取飛行里數或現金回贈！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！依家我哋仲登陸埋MeWe平台，唔好漏咗Follow Kong’s Cult嘅MeWe、Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
