萬眾期待嘅Octopus on Apple Pay喺2020年6月2日正式推出，同實體八達通一樣搭車買嘢都非常方便，如果係大頭蝦嘅你，可以避免唔見八達通嘅煩惱，因為只需要一部iPhone或者一隻Apple Watch，你就可以當八達通咁用，仲可以最多畀到HKD3,000添！呢篇文會介紹畀大家點樣使用Octopus on Apple Pay，包括點樣將舊嘅八達通卡轉移落去Apple Pay 同埋點樣直接買一張新咭。
由2020年11月24日起，
想瞭解更多關於八達通銀包及八達通Mastercard詳情，歡迎click嚟望望。
想瞭解更多交通優惠，歡迎收睇
目錄
系統要求
如果你係用喺iPhone上面:
只適用於iPhone 8或之後嘅手機 (唔包括日本版iPhone 7)
請確保你嘅iPhone已經更新至iOS 13.5或以上
如果你係用喺Apple Watch上面:
只適用於Apple Watch Series 3或之後嘅手錶
請確保你嘅Apple Watch已經更新到watchOS 6.2.5或以上
注意：同一張八達通只能夠喺一部裝置上面使用，同一張八達通卡唔可以同時加入iPhone或者Apple Watch上面。如果有需要，你可以將Apple Watch裏面嘅八達通轉移落去iPhone度。
開一張新嘅八達通
買一張新嘅八達通有兩個方法，第一個方法係喺iPhone嘅Wallet app上面買，另一個方法係喺八達通app上面買。
注意：如果你需要購買長者八達通，你只可以喺八達通app上面買。以Apple Pay增值或者買一張新嘅八達通嘅時候，記得用一張喺香港發出嘅Mastercard、Visa或者銀聯信用卡，你亦都可以用扣賬卡或者提款咭去進行以上程序，除此之外你亦都可以用銀行轉數快或者O! ePay。
注意事項
加卡前請留意以下幾點注意事項:
- 成人 / 長者 / 個人八達通 (只限租用版) 可轉移為Apple Pay內的八達通，惟部分個人八達通並不可轉移，包括但不限於：
(i) 客戶年齡在12歲以下的個人八達通
(ii) 已加註「殘疾人士身份」的個人八達通
(iii) 已加註「學生身份」的個人八達通
(iv) 員工個人八達通
(v) 已購買羅湖 / 落馬洲 / 迪士尼月票的個人八達通
- 為確保門禁系統功能成功轉移，請於轉移後即以你的Apple Pay內的八達通使用該功能。如此功能不能正常運作，請聯絡你的大廈管理處。
- 轉移八達通是不可逆轉的，你的實體八達通將不可再使用。
- 下列服務 / 優惠將不會被轉移至Apple Pay內的八達通。如你的八達通持有下列服務 / 優惠，建議你不要繼續進行轉移八達通：
× 停車場時租 / 月租服務
× 港鐵泊車轉乘計劃
- 將會被轉移至Apple Pay內的八達通的服務/優惠:
√ 最近消費紀錄
√ 自動增值服務
√ 八達通日日賞$
√ 八達通日日賞 – 電子印花
√ 公共交通費用補貼
√ 屋苑 / 商業大廈 / 校園門禁系統
√ 校園管理系統
√ 屋苑 / 商業大廈 / 校園專用巴士服務
√ 新渡輪月票 / 假日來回票
√ 新巴 / 城巴車費優惠
√ 港鐵乘車優惠及服務:
√ 輕鐵個人八達通積分優惠
√ 港鐵全月通加強版
√ 港鐵「即日第二程車費九折」優惠 (如適用)
√ 港鐵特惠站優惠
√ MTR Mobile登記賬戶內獎分及已領取的免費車程
喺iPhone Wallet app購買八達通
1.首先喺iPhone上面打開Wallet app，然後撳右上角+
2.撳繼續
3.撳八達通
4.選擇你想增值八達通嘅金額，亦都要額外畀HKD50嘅按金，按金會喺你退卡嗰陣退返畀你。
5.細心閱讀條款同細則，然後撳同意
6.使用Touch ID或Face ID完成付款程序，即可使用Apple Pay八達通。
喺Apple Watch上面購買八達通
1.打開Watch App，然後揀銀包與Apple Pay。
2.撳加卡
3.撳繼續
4.選擇八達通
5.選擇你想增值八達通嘅金額，亦都要額外比HKD50嘅按金，按金會喺你退卡嗰陣退返畀你。
6.細心閱讀條款同細則，然後撳同意
7.使用Touch ID或Face ID完成付款程序，即可使用Apple Pay八達通。
經八達通app購買Apple Pay八達通
1.請先確認你已經將八達通應用程式更新至版本6.0或以上。
開啟八達通app，撳Apple Pay內的八達通隔離嘅新增。
2.選擇你想加入嘅八達通，之後確認閱讀及同意細則及條款。
只有八達通app先可以加入一張新嘅長者八達通。
3.喺八達通app，購買方式可以係用Apple Pay，用銀行轉數快又或者係八達通銀包，但亦都要收取HKD 50嘅可退還按金。畀咗錢之後就可以使用Apple Pay八達通㗎啦。
轉移舊有八達通至Apple Pay八達通
1.喺Wallet app或者Apple Watch設定入面嘅銀包與Apple Pay入面撳加卡，之後就會出現呢個畫面，再撳繼續。
你亦都可以喺八達通app上面轉移。
2.轉移八達通只接受租用版同個人版八達通，並唔接受銷售版例如黑咭特別版八達通嘅轉移。
如果你有個人版八達通就要填寫八達通號碼最後5位數字，出生日期同埋香港身分證最後4位數字 (並不包括()內嘅數字)。
如果你係租用版就只需要填寫八達通最後5位數字。
轉移後，舊嗰張八達通嘅大部份資料會轉移落去新嘅Apple Pay八達通裏面。
3.確認閱讀細則及條款
4.根據指示將iPhone放喺八達通嘅下半部份，然後就會開始轉移，轉移過程大概需時2分鐘。轉移後， Apple Pay八達通就可以使用。
特快交通卡
Apple Pay八達通喺大部份時間係唔需要好似Apple Pay信用卡咁需要事先用Touch ID或Face ID解鎖，當你將部手機拍落去部八達通讀寫器嗰陣就會自動感應，好似你用實體八達通搭巴士，渡輪或者港鐵咁。
港究專員分享：有陣時iPhone未必能夠感應到，可能會彈左Apple Pay信用卡出嚟，只需要喺Wallet App上面撳返八達通嘟就可以。
查詢Apple Pay八達通裏面嘅資料
1.喺八達通app上面查詢
打開八達通app，撳Apple pay icon或下面精選嘅此裝置內的八達通，登記咗Apple Pay八達通之後，你可以查閱最近三個月嘅消費記錄，拎交通津貼，或者買車船飛等等。
2.喺Wallet app上面查詢
Wallet app會記錄你嘅消費記錄，例如搭車，買嘢，仲可以睇到卡餘額等等。
當你嘟完Apple Pay八達通之後，就會彈出提示顯示餘額。
後備電源
只要你持有iPhone XR，iPhone XS或之後嘅手機，即使你手機無電，八達通都可以用手機嘅後備電源，最多用到五個鐘。
退卡收費
如果你開卡三個月內退卡，你需要畀HKD11作為手續費，另外如果三年無用到八達通就會每年扣除不常用行政費。你可以選擇將退卡費用退返落你嘅信用卡或者銀行戶口入面。
想瞭解更多關於八達通銀包及八達通Mastercard詳情，歡迎click嚟望望【網購必備】 O!ePay Mastercard — 最低門檻嘅信用卡！學生同無收入都用得！
想瞭解更多交通優惠，歡迎收睇
【交通費慳到盡】2020年下半度補貼計劃 + 港鐵8折優惠 + 九巴月票信用卡優惠
如果你想知道邊張信用卡用嚟增值八達通比較着數，可以考慮吓
【玩樂消費必備之選】 Wewa銀聯信用卡 港究Kong’s Cult 陪您玩到盡！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。仲有唔好漏咗follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
