用NordPass，就咩奇怪密碼都唔怕！
你會唔會同港究專員一樣覺得記密碼係一個好煩嘅事呢？
但係冇密碼又唔得，因為個人資料係最重要嘅嘢嚟，唔可以求其寫喺一個位置。咁點先可以記得晒自己所有嘅密碼呢？
另外，喺你申請唔同嘅網上賬戶都要設定唔同嘅密碼，而好多時候都有唔同嘅密碼要求或者因為唔同嘅保安程度而要有相對嘅保安要求。例如：密碼嘅長度、密碼字元所使用嘅類型、可唔可以以字式或者詞語嚟組合使用作密碼等等嘅規範。
依啲形形式式嘅限制可以點樣解決？港究專員近排就搵到一個又有 NordVPN 做後台，又好用嘅密碼管理程式推介畀大家，佢就係— NordPass
文章入面嘅所有示範都因為涉及保安同埋私隱問題，所以所有密碼都唔會展示出嚟。
網上咁多密碼管理員仲點解要揀 NordPass 呢？
安全性—後台係 NordVPN
一個密碼管理員最重要嘅係咩？非安全莫屬！
如果一個用嚟記密碼嘅系統係唔安全嘅話，其實你要佢個系統都係冇用，就好似一個冇掩雞籠咁。但係點先算安全呢？
你可以由一個程式嘅背景著手，就好似港究專員之前推介嘅 Brave Browser 咁，佢係由前 Mozilla Firefox 嘅創辦人所開發出嚟，而 Mozilla Firefox 係一個業界指定嘅瀏覽器，連業界都用，安全性唔洗質疑啦！
講返 NordPass，簡單啲講，NordPass 係 NordVPN 開發出嚟。
至於 NordVPN 係咩嚟？可以睇返 【VPN介紹】2020 最新NordVPN優惠@比官網3折更著數 (2020-09-14 更新)
咁為咗保證所有資料嘅安全，NordPass 有針對密碼儲存嘅地方使用連Google都用嘅XChaCha20加密，另外針對密碼輸出採用Argon 2加密計算方法。其實講咁多咁高技術性嘅詞語，包括港究專員嘅普通人都未必知道呢兩個加密方法係啲咩都唔緊要。最重要最重要最重要嘅係信譽，坦白講，一般人好難去研究一個加密嘅方法係好唔好，不過較為折衷嘅方法就係使用一個信譽良好嘅開發商，Nordpass 同 NordVPN 係同一個開發商，你睇吓下面兩張左右對照嘅相就知，兩座山一模一樣咁好穩陣咁屹立喺度，絕對唔係某國最擅長嘅抄考各個國際知名品牌商標嘅行為，係同一間公司嘅出品。
可能你覺得得個「信」字唔係幾夠或者你從未試過 NordVPN 嘅服務，可以睇下 Nordpass 嘅首席新聞官 Laura Tyrell 所講嘅零數據政策，以理論睇下可唔可以說服你用 Nordpass：「所有密碼資料都係只屬於用戶。呢個都係Nord嘅產品採用零數據加密嘅原因。喺客戶嘅數據抵達Nord服務器嘅時候，因為數據就已經喺用戶嘅設備上完成咗加密。咁意味著Nord完全唔知道用戶嘅儲存庫中到底有咩喺入面。」
我諗呢個簡單嘅推論都足夠令一個對任何 IT 資訊都唔知嘅普通市民大概明白 NordVPN 同 NordPass 背後安全嘅原理。唔單只得個「信」字，仲可以係簡單化嘅理論，幫大家搵最好嘅密碼管理程式。
密碼製造器
有啲人認為密碼唔重要，甚至將設定密碼嘅動作交畀其他人去幫手。好多人喺記住一啲複雜嘅字元同埋數字組合上都有啲困難，有時因為有太多更加重要嘅野要記住、當然有時係因為懶。而呢個都係其中一個推出NordPass嘅原因，佢哋一直都喺度努力解決依啲問題，希望運用佢哋嘅知識去幫大家解決日常嘅瑣碎事，令大家可以更善用自己嘅時間做對自己、對社會更加有用嘅事。
有見及此，NordPass同好多同類嘅程式都一樣有密碼製造器。你可以跟據自己嘅要求，包括好似下面嘅示範咁嘅英文大細階、數字同符號都要用。
雙重登入（2-Factor Authentication）
我諗你其中一個想設置密碼嘅原因好大部份係因為保安問題，咁每次登入都要同一組密碼嚟登入一個用戶，好自然你會諗萬一你畀人入侵咗咁點算？
呢個問題最好嘅解決方法就係用雙重認證（2-Factor Authentication），透過同時利用兩個唔同嘅賬戶，認證你係真正嗰個用家。因為同一時間可以入侵到你兩個賬戶嘅機會係好低，喺減低最大風險又可以提高用家方便程度嘅前題下，雙重認證（2FA）係最適合不過。
而作為一個對用戶方便嘅 2FA 方案就係用 Google Authenticator ，NordPass 當然會有呢個功能啦！
首先，入setting碌到最底會可以enable 2FA
最後做到你嘅google authenticator 掃瞄就完成，以後登入 NordPass 就可以跟住指示，入返6位數嘅第二步驗證密碼完成登入。
通用於多達9個平台
睇Netflix要用 Edge，登入公司電郵要用 windows PC，自己嘅私人嘢要用 macOS 嘅 iPhone，唔係好多密碼管理程式有晒全部日常會有嘅作業系統，但Nordpass就可以做到通用，令你唔洗再開住部電話睇住個密碼嚟登入電腦，呢個時代唔應該有咁荒謬嘅事發生！
有免費版
究竟係咪免費嘅最貴呢？好多免費嘅軟件都係中資或者有其他廣告同埋陷阱，Nordpass 係同 NordVPN一樣係一間巴拿馬嘅公司，絕對唔係其他國家，亦都唔係喺任何情報聯盟入面，但係 Nordpass 免費版又有冇中伏嘅地方呢？港究專員為大家做咗一個 Premium同免費版喺功能上嘅比較。
免費版 | Premium | |
儲存密碼數量 | 無限 | 無限 |
可以儲存嘅資料 | 筆記+信用卡資料 | 筆記+信用卡資料 |
同步 | 任何裝置 | 任何裝置 |
同時登入嘅裝置數目 | 1 | 6 |
設定可信任聯絡人 | 唔可以 | 可以 |
分享機密文件 | 唔可以 | 可以 |
檢查密碼健康 | 唔可以 | 可以 |
免費同Premium最大同最重要嘅分別在於同一個時間可以有幾多個裝置使用，呢度係講緊裝置而唔係幾多個賬戶同時使用，呢個係兩樣唔同嘅嘢。免費同Premium分別係Premium講緊同一個人同一時間可以由自己電腦、tablet、電話存取同一個賬戶嘅密碼或者其他資料。
至於如果你係一個學生或者想同屋企人、朋友分享呢個唔洗記密碼嘅喜悅，Nordpass 唔係政府，係會聽到你哋呢班潛在用家嘅聲音，所以有推出 Family Premium 同埋 Student 嘅計劃，Family Premium 同埋 Student 嘅計劃喺功能上係完全一模一樣，至於佢哋3個計劃喺價錢上有咩分別？
Premium | Family Premium | Student | |
賬戶數量 | 1 | 5 | 1 |
每個賬戶對比Premium 額外 折扣 | 0 | 67% | 10% |
每個賬戶 2 年總收費 | USD2.49/mth X 24mth | USD3.99/mth X 12mth X 2 yrs ÷ 5 account | USD2.49/mth X 24mth X 10% off |
如果想喺畀錢方面慳返少少，可以考慮下Citibank 嘅信用卡，【2020信用卡】無上限回贈– AE Blue Cash信用卡
要有Family 同Student嘅優惠就一定要睇埋跟住落嚟嘅教學喇，因為港究專員都搵咗好耐先有呢個選項。
首先要去到NordPass嘅頁面，應該會見到下面呢個畫面。
跟住碌到落最底，就會見到你想要嘅Family Premium同埋 Student Discount選項，撳入去之後就同平時畀錢一樣就可以輕鬆使用喇！
希望大家以後都唔洗為密碼呢樣野而煩惱，因為信_ _，唔怕嘛！~~梗係講緊NordPass，唔係仲有邊個咁信得過呢？
如果你想睇更多VPN或者離岸銀行嘅介紹，可以去睇吓【VPN攻略】一文比較多間VPN，教你最抵買方法 同埋【香港地址護照都得】瑞士離岸戶口Dukascopy Bank開戶教學
我哋仲有文章介紹其他唔同嘅電腦軟件，大家都不妨去睇下吖！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁，你哋嘅支持同意見絕對係我哋港究專員繼續發掘著數嘅動力，下次見！
