NordLocker點鎖住你嘅心？你需唔需要一個可以加密你電腦嘅工具？
可能你會問港究專員，所有文件、圖片、程式都喺自己嘅電腦硬碟，點會有人會偷到我嘅資料？除非有人拎咗成個硬碟走啫！駛咩要加密電腦同埋加密工具？
其實情況無咁簡單，想像吓以下兩個情況 :
- 你喺疫情嘅時候因為要work from home 而用唔同嘅軟件去連接公司嘅內聯網或者連接去其他網絡度做唔同嘅公事同私事。依個情況下，你都要用軟件嚟連接，你遙控得公司嘅電腦系統自然另一方嘅系統都可以控制你嘅私人電話
- 你去Cafe嘅時候都有機會就咁放低部電腦跟住去買杯嘢飲或者行開行埋，有機會有唔同嘅人去掂你嘅電腦做一啲未知嘅行為，甚至複製你嘅硬碟
見到個牌頭，大家通常聯想到另一個軟件－NordVPN，一樣都係 Nord 字頭，即係話係同一間公司開發嘅，如果你未聽過依間公司嘅話都唔緊要！Nord 係一間總部設喺立陶宛，巴拿馬註冊嘅公司。佢哋喺全球超過59個國家有超過5,000個伺服器，係咁多間比較熱門VPN公司最多伺服器嘅。NordVPN仲連續2次通過咗BIG 4 嘅 PWC瑞士獨立安全審查，報告認證咗佢哋唔會追蹤、收集或分享用戶嘅私人資料。
有關VPN，可以睇返呢篇相關文章：【VPN介紹】2020 最新NordVPN優惠@比官網3折更著數
想keep住收到更加多唔同嘅優惠同埋回贈， 咁就記得訂閱我哋港究嘅電郵通知、Like 吓我哋嘅 Facebook 或者 Follow 港究 Instagram 專頁同Telegram 最新文章嘅 Channel 兼加入我哋嘅 Telegram 討論區，Telegram 討論區入面仲有每個禮拜精選嘅 Amazon 優惠，同不時仲有其他優惠發送添，一齊搵多啲著數！
NordLocker 點鎖住你嘅心？
安全
鎖住你嘅心，其中一樣最緊要嘅梗係個鎖。
係對加密採取一個好認真同嚴格嘅態度，不斷與時並進。依家使用最先進嘅制式 Argon2, AES256, 同埋唔同嘅 ECC 加密工具，例如XChaCha20, EdDSA 同埋 Poly1305。你可能未必知道以上唔同加密制式同工具實際係講緊啲咩，好似好高深。其實你可以當佢係一個好先進、有世界各地唔同專家同加密科學愛好者一齊監察嘅一個系統，可以好穩陣咁鎖住你嘅密件。
易用
想鎖住你嘅心，要做咩行動先至可以令你唔走呢？
一個軟件最重要嘅就係簡單易用，唔需要任何常人難明嘅用法。港究專員會跟住喺下面話畀大家知點樣去下載依個咁好嘅軟件。
入到去網頁之後，可以選擇返你想用嘅計劃。
然後揀返你嘅電腦操作系統，例如：Windows 或者 Mac High Sierra，再下載軟件
之後揀返下載位置，記得安裝完成之後要重新啟動你嘅電腦！
想開始用依個鎖住你個心嘅軟件，就首先要登入返你嘅Nord 賬戶，如果你無都唔緊要。跟住落嚟會幫大家解決。
如果你無Nord 賬戶嘅話，你可以睇返登入頁面最底有 Sign Up 嘅選項，撳咗佢就可以繼續跟住嘅步驟。
開一個新嘅 Nord 賬戶，你只需要一個電郵地址同埋你要諗一個密碼。
輸入所需嘅資料之後就要去返你嘅電郵地址搵返驗證碼去核實你嘅電郵地址有無錯。
跟住係喺開新Nord 賬戶最重要嘅兩個步驟，請注意，因為係會影響到你可唔可以順利用到依個軟件。
首先你要新增一個萬用密碼，你每次想使用嘅時候都一定要輸入依個萬用密碼先可以繼續操作，即係你無咗依個密碼係好大鑊架！
而依個萬用密碼係唔可以同你嘅 Nord 賬戶密碼一樣，依個唔係想令你麻煩嘅行動，而係一個令你更安全嘅措施！
如果真係咁唔好彩唔記得Master Password，你可以點做？
最後只可以靠Recovery Key嚟恢復返自己嘅 Nord 賬戶。
Recovery Key係一個組編碼，你都可以當佢係一組長密碼。佢係你賬戶嘅最後防線，同依家一樣係無得再退後！
你一定要了解清楚，之後剔起嗰兩句句子，分別係：
- I’ve saved my recovery key in a safe place.
- I understand that losing both this key and master password will lock me out of my encrypted files.
依個真係好重要！
如果記密碼令你好困擾，可以考慮吓同一間公司所推出嘅另一保安軟件—NordPass。
想知多啲可以參考相關介紹：信NordPass，咩奇怪密碼都唔怕！
設定晒所有嘢就會見到一句 Welcome to NordLocker !
至於點樣儲存自己嘅文件去NordLocker？
就好似港究專員上面嘅示範咁，拉你想放嘅檔案，之後就會有個warning 問你會唔會想放埋去雲端，咁就自行決定返就ok！
好重要嘅事要講三次！
要好好記住自己嘅 Master Password，如果唔係會出事架！
要好好記住自己嘅 Master Password，如果唔係會出事架！
要好好記住自己嘅 Master Password，如果唔係會出事架！
價錢
市面上有好多唔同嘅雲端服務供應商，但係係咪所有都啱你心意？不如可以比較一下唔同嘅服務供應商先？
NordLocker | Dropbox | Google Drive | OneDrive | |
營運者 | Nord | Dropbox Inc. | Microsoft | |
加密方法 | 制式：Argon2, AES256 加密工具：XChaCha20, EdDSA 同埋 Poly1305 | 制式：AES128, AES256 加密工具：TLS (Transport Layer Security) | 制式：AES128, AES256 加密工具：TLS (Transport Layer Security) | 制式：AES256、(FIPS) 140-2 加密工具：Blob |
官方推薦計劃嘅儲存大細 | 500GB | 2TB (大概等於2048GB) | 100GB | 1TB (大概等於1024GB) |
以按年預付 方法計算下 官方推薦嘅計劃 | USD3.19 =HKD25.2 | USD9.99 =HKD79 | HKD12.5 | HKD45 |
500GB 雲端用量每個月平均價錢 | HKD25.2 | HKD19.8 | HKD63 | HKD22.5 |
相比其他更加出名嘅雲端服務供應商，Nord 提供嘅質素唔會相差太多，但係所提供嘅保安就好過其他唔少！你購買雲端用量同時都會想有一個更好嘅保安措施。最重要嘅係 Nord 係一間專門研究網絡安全嘅公司，而其他謍運商係主力喺雲端服務供應商或者綜合服務供應商，唔通專門嘅會會信唔過，學某人話齋，搬石頭砸自己腳？
希望大家都可以有唔同嘅工具保護自己嘅網絡安全，唔好將自己嘅個人資料外洩！
如果你想睇更多VPN或者離岸銀行嘅介紹，可以去睇吓：
【VPN攻略】一文比較多間VPN，教你最抵買方法
【香港地址護照都得】瑞士離岸戶口Dukascopy Bank開戶教學
我哋仲有文章介紹其他唔同嘅電腦軟件，大家都不妨去睇下吖！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個 Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！仲有唔好漏咗Follow Kong’s Cult嘅 Facebook 同 Instagram 專頁啊！你哋嘅支持同意見絕對係我哋港究專員繼續發掘著數嘅動力，下次見！
