Mewe 呢個名依家已經係大家嘅耳邊應該變得耳熟能詳，港究都加入其中一份子，所以港究專員都正式喺度宣佈：
港究正式登陸 Mewe 喇！
除咗移民去唔同嘅國家之外，仲有咩需要移民？就係你使用緊嘅社交媒體！隨住唔同嘅社交軟件不斷被爆出有唔同言論自由嘅審查，又直接關閉一啲街坊群組，令到好多人都會諗有無需要移民去另一個平台。要走嘅話，咁啲舊嘢可以點拎返？唔洗擔心，港究專員會喺下面示範點由 Facebook 撤走同埋 Mewe 有咩咁好。
我哋仲有唔同嘅平台可以畀大家同唔同人交流同埋接收唔同嘅最新資訊，港究 telegram 討論區 已經有超過700人 ！如果你仲未加入港究嘅大家庭嘅話，就快啲入嚟！唔好錯過任何抵買抵用嘅資訊！所謂要贏在起跑線！任何嘢都可以快一步先可以理想達到！
點先可以開始拎返自己嘅資料？
下面會分為兩部份，第一部份會係用電話 apps 版，會示範喺應用程式點拎返自己嘅所有相同影片。第二部份會示範使用電腦網頁版拎晒所有喺Facebook 嘅資料。要注意返：拎嘅資料都可以喺晒兩個介面做，呢度係港究專員作為示範用途先會咁做。即係你可以使用電腦拎晒自己嘅所有相同影片或者應用程式拎返所有喺Facebook 嘅資料。
淨係下載相同片嘅話，呢個檔案會直接儲存喺你嘅指定雲端軟件度，所以你要準備一個雲端軟件嘅戶口先可以開始架！另外，如果你有大量嘅相嘅話，都要預多啲時間畀系統下載。
港究專員嘅實測係得唔夠300 MB ，大概50張相，都要大概6-7分鐘，如果你有好多珍藏嘅話就記得預多啲時間去做下載喇！
如果你想知多啲關於唔同嘅網購平台或者可以幫你慳返唔少嘅回贈網站，可以參考吓：
同下載淨係相同片唔同，呢個檔案會直接下載落電腦度，所以你嘅硬碟係要有足夠嘅空間先可以開始架！另外，如果你有大量嘅相嘅話，都要預多啲時間畀系統下載。
港究專員嘅實測係大概300 MB ，大概50張相同唔少對話，都要大概 9分鐘，如果你有好多珍藏同對話嘅話就記得預多啲時間去做下載喇！
拎完嘢走咁點去新嘅地方—Mewe？
首先可以去 www.mewe.com ，跟住就可以好似港究專員咁登記做新嘅用戶。只要用戶名稱、email 同埋密碼就夠。如果你係已經登記咗就可以喺右上角登入。
之後你可以選擇匯唔匯入通訊錄，你都可以自己逐位朋友add，因為你畀權限任何程式都有一定嘅風險，呢個風險你可以自己衡量。喺網絡世界就係需要自己做多一步，當然可能會令自己無咁方便，但係安全係最重要嘅。
作為社交媒體，當然係要有朋友或者資訊一齊先有用！所以下一步就係要add 自己嘅朋友，港究專員就以港究作為示範。
你仲可以開一啲私人群組，喺疫情同亂世期間同喺唔同國家、就算喺隔離棟都可以進行交流溝通。
首先可以喺search bar搵返你想搵嘅朋友，或者你可以透過朋友分享嘅連結去搵其他朋友。其實係同要摒棄嘅Facebook一樣用法。
之後有一個選項就係可以畀大家選擇對方可唔可以睇到你嘅貼文或者story。當然風險都係自己管理，陌生人嘅話就唔建議開啟呢兩個功能。
你仲可以搵唔同嘅專頁，接收唔同嘅無篩選資訊。如果你追蹤咗專頁，專頁嘅所有資訊你都會收到，唔會好似以前咁，淨係收到部份由專頁發出嘅資料同貼文。
你追蹤咗港究嘅 Mewe 專頁未呢？未嘅話就記得去追蹤喇！如果唔係你會錯過好多唔同嘅抵玩抵用嘅資訊！
除此之外，你仲可以追蹤港究嘅專屬hashtag：
#港究
#kongscult
咁樣就可以即刻睇晒同港究相關嘅資訊，唔洗搵嚟搵去，時間都慳返！
如果想了解多啲關於加密貨幣嘅話，可以參考：
Celsius Network—每個禮拜派息嘅加密貨幣收息平台
你可能最後會問，免費嘅嘢最貴，Mewe 點營運？
咁就好需要大家嘅支持，佢同另一個大家好需要移民嘅 Signal 一樣，都係靠大家嘅捐款嚟營運。佢有一個 premium 嘅計劃，可以支持一下Mewe嘅運作。當然佢會有一啲免費版無嘅功能，亦都有30日免費試用，畀大家試吓好唔好用，啱唔啱咁多位用家。
希望大家可以一齊對任何扼殺自由嘅說不，自己幫自己，保障個人資料安全，一齊轉會去一啲唔受中心化限制嘅軟件同埋社交媒體。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個 Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！仲有唔好漏咗Follow Kong’s Cult嘅 Facebook 同 Instagram 專頁啊！你哋嘅支持同意見絕對係我哋港究專員繼續發掘著數嘅動力，下次見！
