喺2020年嘅日常生活入面，基本上無人唔會上網，上網已經成為咗我哋生活嘅一個好重要嘅部份，人人都機不離手，咁喺上網嘅其中一個主要行為就係搜尋，可以係日常度搜尋今晚去邊度食飯、以至可以係搵下點樣申請離岸戶口 (我哋嘅港究專員私心推介喺瑞士嘅Dukascopy Bank畀大家，佢唔洗BNO、又低門檻，肯定啱晒大家心意)。
搜尋引擎有好多種，瀏覽器都有好多。之前港究專員介紹過嘅Brave Browser賣點就係加密鏈接 tor ，而今次我哋港究專員希望大家喺上網嘅同時為我哋嘅地球出一分力。你可能會問港究專員上網就上網，電話更加會耗電，咁又點為環保出一分力呢？
咁就可以試下我哋港究專員經常用嘅Ecosia。佢可以喺你上網搜尋嘅同時，一路幫我哋嘅地球種樹，為環保出一分力。
另外再想一路上網一路搵真銀？可以考慮下 CryptoTab， 歡迎可以參考返【一路上網一路賺錢系列】CryptoTab – 專掘加密貨幣嘅Browser，呢個可以同以下落嚟介紹嘅種樹一齊做㗎！
你可能會問呢個瀏覽器仲有咩好處？或者呢個瀏覽器會唔會好似Brave Browser咁安全可靠㗎？
咁首先講下 Ecosia 其實係咩嚟？
Ecosia係一個搜尋引擎，其實就同Google有異曲同工之妙，唔同之處在於Ecosia會將廣告收入用嚟種樹，佢已經喺巴西、西班牙、印尼、埃塞俄比亞等嘅地區種咗過百萬棵樹。唔會好似Google咁用Google Adsense嚟分析數據同埋將廣告收入落自己袋。
你知道 Ecosia 係咩嚟之後仲想知佢嘅透明度同安全性？
- Ecosia 唔會永久儲存使用者嘅個人資料，系統會喺一個禮拜內自動完全匿名化。
- 所有資料都會加密或者隱藏，尤其係用户嘅IP地址：例如192.168.152.223 會變成192.168.XXX.XXX，另外仲會經過 SSL 加密，確保用户資料安全。
- 用户可以隨自己喜好設定追蹤工具。其實Ecosia係唔會用任何追蹤工具，但係有機會會透過使用其他插件進行對你嘅追蹤。所以可以自動停用同埋手動熄所有追蹤工具，就唔洗怕因為唔識用電腦coding而保障唔到自己啦！
- Ecosia每年都會放晒佢公司嘅財務報表上網畀用家參考返，另外Ecosia係委託咗信託基金管理成間公司嘅賑目，起碼知道係有根有據，提高返Ecosia嘅透明度。
講完佢有咩好就梗係要講點用 Ecosia
如果你同港究專員一樣係用Brave Browser嘅話，記得要熄咗Brave Browser嘅廣告阻擋功能，唔係嘅話會種唔到樹架！
1. 直接開咗瀏覽器之後用Google搜尋Ecosia
之後入咗去以下呢個畫面就可以用架喇！想知自己種到幾多樹就睇右上角
2. 將 Ecosia 加入 Chrome 插件
一樣直接開咗瀏覽器之後用Google搜尋 Ecosia ，之後開上面嘅畫面，藍色位置有個按鈕Add Ecosia to Chrome，只要你嘅瀏覽器係chromium (例如Brave Browser同Chrome)，都可以用到呢個插件。
希望你都可以同港究專員一樣，為人類嘅未來出一分力，雖然每個人做嘅野好似好微不足道，但係星星之火，可以燎原，唔好睇少自己嘅小小行動，其實已經可以幫到我哋住緊嘅地方。可能身邊有好多已經到咗收成期嘅人對地球、社會已經無咗希望，自己享受人生，但係人就算去到尾段都應該做人同做事學英國前首相邱吉爾講嘅：我哋唔會投降 (We shall never surrender)，為自己同下一代嘅未來打拼。
鐘意呢篇分享嘅話希望大家畀 Like支持下我哋，Subscribe 或者 Bookmark 我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個 Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！仲有唔好漏咗Follow Kong’s Cult嘅 Facebook 同 Instagram 專頁啊！你哋嘅支持同意見絕對係我哋港究專員繼續發掘著數嘅動力，下次見！
