camelcamelcamel 點解會令你一試愛上？買嘢最重要係咩？就係價錢！佢就係可以幫你判斷嗰件product個價錢係咪抵買，我諗無人會想用一個貴嘅價錢嚟買同一樣嘢掛？咁至於點可以判斷係咪抵買呢？你就需要一樣工具，今次港究專員推介嘅 camelcamelcamel 就會幫你紀錄晒最近幾年嘅貨品價錢，令你可以判斷想買嗰件貨嘅時機啱唔啱。
咁究竟要點用呢個網嘅功能呢？佢除咗有每一次check 價格嘅功能，仲可以設定提示，透過email 話畀你知某一樣你想買嘅物品價錢創新低，或者已經低過平均價錢。至於要點睇呢一個功能，當然港究專員都會教埋你點用啦。
喺知道點用之前，可以參考吓我哋幫你拆解 Amazon 嘅介紹：
如果你想睇多啲關於平價行山用品推介嘅話歡迎參考吓 戶外用品嚟嚟去去都係嗰啲? Campsaver 同 Mountain Steals 話你知唔係咁樣
如果你考慮緊轉移資金、分散風險嘅話，呢篇文就啱晒你啦！【轉賬神器】TransferWise 比較 – 開戶、轉賬教學
首先要去返 camelcamelcamel 嘅主頁，喺主頁已經會見到晒最重要嘅幾個功能，包括係 Price Drop Alert (跌價提示), Price History Charts (歷史價格), Popular Products (受歡迎嘅物品), Browser Extensions (瀏覽器插件)
Table of Contents
camelcamelcamel 教學
跌價提示 Price Drop Alert
要做Price Drop Alert 嘅話，你就一定要註冊一個account，如果唔係個網站就算知道有一個好大幅度嘅跌價又點話畀你知呢？放心，註冊係唔洗錢嘅，亦都唔洗畀信用卡或者個人資料，淨係要一個電郵，就好似下面呢張圖咁。
如果你係成日唔記得密碼咁點？其實你可以考慮吓用密碼管理程式，又可以幫你記密碼，又可以幫你諗密碼，免去好多麻煩同埋提升安全程度，想睇多啲可以參考吓 信NordPass，咩奇怪密碼都唔怕！
之後就可以跟返張圖睇返 your wishlists，就好似港究專員想追蹤嘅 Samsung SSD 970 evo plus ，就可以去返Amazon 度搵返產品嘅連結，之後設定埋理想嘅價格再撳埋 Add Wishlist 就可以成功加入，跟住就係時侯等佢嘅提示，準備買嘢喇！
歷史價格 Price History Charts
如果想睇一件貨依家買抵唔抵買可以點做？你就可以睇嗰件貨物嘅歷史價格。除非你係急用，如果唔係都一定會等價格到低位先買。呢個時候 camelcamelcamel 就好有用喇，咁有用嘅功能要點用呢？
首先你要搵返你想買嘅產品，冇link唔緊要，可以就咁搵所需要嘅產品名，就好似下面嘅例子，一樣搵三星嘅SSD嘅話，喺頁面上方search嘅位置輸入返想買嘅嘢 (今次就係970 evo plus)
當你搵到想要嘅產品就去到一個 (好似下面張圖) 有價錢嘅圖表，有一個好重要嘅點就係記得剔返右邊Price Type綠色嘅格仔 (即係揀返係Amazon賣嘅，而唔係第三方或者有其他不知名嘅機構)，而當中嘅原因會喺文章嘅最後講解。
至於幾時係咩價錢，大家都可以參考返個圖表嚟決定買唔買你搵嘅產品。
受歡迎產品 Popular Products
佢呢個網仲有一個功能就係Popular Product。佢可以話你知世界上唔同嘅人喺Amazon 入面會買啲咩，通常其他人會買嘅都係一啲幾抵嘅貨品，有需要可以參考下。
瀏覽器插件 Browser Extensions
Opera (有待更新)
Safari (有待更新)
可能你會問港究專員插件係咩嚟，瀏覽器嘅擴充功能係可以改善瀏覽器嘅使用介面、安全性、阻止廣告或者其他各種功能，令到上網可以更輕鬆愉快。
而今次所用嘅插件就係可以令你更方便咁用到 camelcamelcamel 嘅功能，一路開住 amazon 一路就可以彈出格價嘅視窗，add-on 其實係同網頁版個功能一樣，唔使喺兩個網頁之間轉嚟轉去，方便好多！
如果唔想用add-on 仲有冇其他方法？可以考慮吓bookmarlet。
camelcamelcamel 無話你聽嘅嘢
買嘢其中一個重要嘅地方就係商戶嘅聲譽，如果兩件一模一樣嘅貨，又一樣嘅價錢，但係喺一間商譽良好嘅舖頭同一間不知名嘅舖頭賣，你會喺邊一間舖頭買呢？絕大部份人應該都係揀返有好商譽嘅舖頭買，喺網上購物都一樣。Amazon係一個購物平台，同時都係一間商舖，有好嘅顧客服務同埋保養服務。咁你可能問，Amazon 都有作為一個商戶嘅時候，會同其他商戶一齊喺Amazon.com呢一個平台上面賣嘢，呢個時候可以點分辨到呢？
就係可以由賣家同出貨地點分析出嚟，如果好似corsair嘅 ram (第一張圖)，出貨地點同賣家都係Amazon，咁自然好可靠，會由Amazon監察到買賣嘅所有流程，件貨到你屋企之前都可以問佢任何問題，佢知嘅全部都會答到你。
如果好似第二張圖嘅 HP mon 咁淨係得出貨係Amazon，而賣家係第三方人士 (即係 camelcamelcamel 所寫嘅 3rd party)，咁樣嘅話Amazon 係無辦法解答到你關於賣家嘅問題。最差當然係賣家同出貨地點都係第三方人士，咁樣如果想退貨或者其他手續都要搵返賣家嗰邊，自然對於我哋呢啲海外買家咁邊方便啦！
出貨地點同賣家都係Amazon
淨係得出貨係Amazon
11月27號就係 Black Friday，有各式各樣好抵嘅產品等住你買，我哋當日都會喺港究Telegram討論區 即時為大家推薦筍貨，所以歡迎加入我哋港究Telegram討論區，接收第一手消息！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個 Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！仲有唔好漏咗Follow Kong’s Cult嘅 Facebook 同 Instagram 專頁啊！你哋嘅支持同意見絕對係我哋港究專員繼續發掘著數嘅動力，下次見！
