可能你見到標題之後又會問港究專員，點解你又介紹呢一類軟件嘅？其實有得選擇係好重要，起碼你仲有可以控制嘅權利。港究專員都係想畀大家多啲選擇，科技嘅運用一定會主宰我哋未來嘅生活，由一開始推介嘅 Brave Browser，去到之前嘅 Odysee，到今次AIOZ CDN嘅其中一個 AIOZTube 都係建基於區塊鏈嘅技術。
作為新手又想玩吓加密貨幣可以點？
咁其實佢係咩嚟？
同上次介紹過嘅 Odysee 一樣，佢係一個建基於區塊鏈技術嘅影片發佈平台，唔同嘅係佢只係成個網絡嘅第一層，之後會發現多啲唔同嘅平台，暫時 AIOZ 官方係會有類似 Netflix 嘅串流平台同埋電視台。
想知 Odysee 係咩？可以參考吓：Odysee/LBRY — 加密貨幣旅程嘅 Level 1 取代完FB到Youtube！
其實佢係一個去中心化版本的 YouTube。咁去中心化即係咩？
簡單啲講你可以用 Youtube 做例子嚟諗吓，當一個Youtuber 拍完一段短片，之後上載去網上平台，咁呢個網上平台究竟係咩嚟？其實就係上載去 Youtube 嘅母公司 Google 嘅伺服器度，即係你可以想像成為一個又大又可以隨時存取嘅硬碟，而呢個伺服器係喺一個你唔知嘅地方，可能喺外國，亦都可能喺你自己嘅國家。上載咗之後就可以以唔同嘅形式去發佈，而你每次睇 YouTube 片嘅時候就喺伺服器度讀取你想睇嘅片嘅數據。
究竟一粒 AIOZ 值幾錢？
咁要點先可以賺到呢？
首先係去佢嘅網站
最主要係透過觀看廣告短片而賺 AIOZ coin。
跟住當然係登入或者新開一個賬戶，會需要你嘅電郵同密碼等個人資料，而呢到所填嘅名係會同你嘅channel 名一樣，所以如果你係想喺 AIOZ Tube 發佈影片嘅話就記得要註冊一個你想要嘅channel 名稱喇。
再之後就要做一個電郵認證
咁就完成註冊嘅程序喇！可以睇唔同嘅影片嚟賺 AIOZ Coins。
上面講過佢係透過睇廣告短片去拎coins，你可以參考返每段短片縮圖嘅右上角有一個ads 數目，即係你睇晒依段短片嘅過程入面有幾多段廣告，間接就話埋你知個收入係幾多。
咁點儲存啲 AIOZ coins？
你可以創建一個銀包，係專畀使用，同好多其他嘅 ETH 有關嘅應用一樣，佢哋都會有一個自己專屬嘅銀包去儲存加密貨幣，呢一類都係定義為軟銀包。
要開一個新嘅軟銀包，首先就要創建一個你嘅專屬密碼。
跟住銀包嗰邊就會創建一組24個字嘅密碼畀你。
以上兩組密碼都一定一定唔好唔見，如果唔係第日想拎返入面嘅錢都係無可能嘅事。港究專員想提返大家依一類密碼都係以實體紙筆寫喺一個無網絡會連接到嘅地方最安全，廢事有駭客或者其他人見到而拎晒你入面嘅加密貨幣。
如果你對其他銀包有興趣嘅話，歡迎可以睇吓：
如果你覺得你已經唔係新手嘅話，可以睇吓我哋介紹嘅各種加密貨幣交易所：
【Bitcoin都可以收息？】最大交易所幣安Binance註冊教學及旗下收息平台幣安寶介紹
注意：加密貨幣價格有時會大幅波動，價格可升可跌，投資涉及風險，更可變得毫無價值。投資前應先閱讀有關產品的發售文件、財務及相關的風險聲明， 並應就本身嘅財政同需要詳細考慮投資是否切合本身特定嘅投資需要。
忠告：借定唔借？還得到先好借！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
