「相機食先」嘅文化已經深入民心，唔少人都鐘意喺進食前，用手機拍攝食物同飲品嘅相，然後再P圖，即時上傳至社交平台同朋友分享美食。其實唔單止出去食嘢大家鐘意影相，日常生活大家都機不離手，隨手拎起手機影相就成為咗好自然嘅事。影完相後我地多多少少總係要經過一番美化或者合併、加上文字、濾鏡等等嘅操作，呢個時候就需要使用Fotor嚟幫助我哋輕鬆咁修改同編輯呢啲相。

Fotor算得上係一個操作簡單又功能豐富嘅圖片編輯工具同平面設計工具。除咗基礎嘅影相功能外，打馬賽克、調色、虛化、多樣化嘅拼圖效果同圖片組合都具備。佢內置功能強大嘅照片處理工具同種類豐富嘅設計模板，就算係無設計功底嘅用戶都可以輕鬆實現照片美化同照片設計需求，令你秒變P圖達人。Fotor擁有強大嘅執相功能，從基本嘅對比度、飽和度調整，到進階嘅色階調校、暗角、曲線調整；從快捷嘅場景模式，到十幾款濾鏡同特效；從個性化文字、貼紙同邊框，到風格獨特嘅藝術、潮流、雜誌拼圖模式都應有盡有。

進入Fotor後，可以直接撳畫面中央嘅三個按鈕嚟執行你想使用嘅功能。

編輯圖片：照片修圖、美顏、濾鏡、加入文字、貼紙、邊框等
製作拼圖：想將不同照片拼貼、進行藝術拼貼排版，組合成獨特風格嘅圖片
創建設計：需要設計海報、廣告素材、賀卡、橫幅廣告、社交媒體版圖等，入面有大量設計範本可供使用

編輯圖片

有基本嘅裁剪旋轉，一鍵美化，亮度，調色，調整尺寸等基礎編輯功能外，仲有HDR效果可以體驗。如果你將帳號升級至Pro付費版本，Fotor仲提供魔術扣圖等進階編輯功能，可以提供更好效果，畀你最全面嘅照片編輯體驗，可以使用數百個獨家濾鏡同專業嘅美顏修圖功能。Fotor嘅獨家專屬濾鏡，都係由專業設計師團隊調製，可以令你嘅照片魅力大增。

製作拼圖

圖片拼圖功能係透過拼貼組合嘅方式一次過將好多張相放喺同一張頁面上做編排，可以通過一張圖片表達多種風格，等圖片嘅多種特效同拼圖相結合。Fotor提供咗經典拼圖、藝術拼圖、潮流拼圖、圖片拼接等四種拼圖模式，大家可以選擇自己鐘意嘅風格。
進入拼圖頁面後，選擇從本機、Dropbox、Facebook、Fotor雲相冊等來源嚟存入圖片，之後就選擇需要嘅模板拼圖，裡面有好多模板可以直接套用，除咗呢啲仲有時尚拼圖同自己手動拼接，都非常有趣同實用，可以按照自己嘅需要做成宣傳照片或者社交媒體版圖都非常適合。特別喺需要組合嘅圖片好多嘅時候，例如宣傳產品嘅時候，用咗拼圖功能，就可以呈現唔同角度嘅商品，加深受眾嘅印象同認識，而且省時又方便。

創建設計

提供大量唔同尺寸嘅精美設計模板，即使係無設計功底或者喺對美術無咩認識嘅用戶都可以輕鬆創建漂亮嘅海報、社交媒體版圖、廣告、名片等唔同類型嘅設計。例如FB廣告貼文、IG照片、網站Banner、Logo製作、橫幅廣告、名片、賀卡，只要同圖片有關係，幾乎都有模板可以使用，遍佈唔同節日、活動同行業，同時亦有多種設計風格，例如中國風、簡約、小清新、商務等應有盡有。特別適合一啲經營藝術媒體，社交平台或者網站嘅人士使用。

進入「設計」頁面後，就可以看到Fotor預先就提供嘅多種預設格式，包括社交媒體、市場營銷、活動、文檔、廣告、生活，然後根據你嘅需求，直接選擇相對應嘅模板同尺寸。另外有需要海報設計、入場券設計、Facebook封面、YouTube頻道封面、邀請卡、賀卡等，都可以使用Fotor嚟幫手設計，唔需要開啟繪圖軟體從零開始，直接挑選適合嘅版型就可以開始編輯。