加密貨幣 (Crypto currency又稱虛擬貨幣) 呢個terms，相信對於大部分香港市民嚟講，都係處於“得個知字”呢個概念。比特幣 (Bitcoin) 及以太幣 (ETH) 等貨幣，新聞就見得多，具體係咩同有咩用途，相信大家都一頭霧水。港究專員會逐一為你介紹香港用家都可以玩到嘅加密貨幣卡、交易所、相關嘅apps，同埋各種優惠。而第一篇嘅主角就係Wirex多幣Visa借記卡 (Debit Card)。下面港究專員會一一同大家介紹Wirex嘅背景、有咩著數、開戶流程，同埋點解推薦呢張卡作為入門加密貨幣世界嘅第一張卡嘅原因。
如果對另一張加密貨幣簽賬卡CRO，開戶可送免費Netflix同Spotify，感興趣歡迎Click嚟望望！
我哋都有介紹各種加密貨幣交易所，有興趣歡迎睇睇。
【Bitcoin都可以收息？】最大交易所幣安Binance註冊教學及旗下收息平台幣安寶介紹
【最新消息】
溫馨提醒 無論係Wirex Facebook評論下面，或者任何社交媒體見到有咩Wirex Giveaway，全部都係騙局，一切消息以官網為準，唔好隨便Click入釣魚網站， 如果唔肯定嘅話，歡迎到港究討論區提問。
Wirex推出全新嘅會員計劃X-tras，基於唔同嘅旗下代幣WXT鎖倉，會有唔同嘅優惠，而以往嘅Bitcoin回贈都改為回贈WXT，詳情可以睇吓下面張圖。
要留意嘅係，上面嘅年息，會逐月根據你嘅持倉WXT發放。
Wirex卡都有網購優惠啦，包括MyProtein，Klook等等，即刻去官網睇下Promotion code啦！
2020年12月25日Visa亦宣佈Wirex成為喺歐洲第一個獲得其主要會員資格嘅加密貨幣簽賬卡！
2020年9月17日Wirex宣佈支援多5鐘貨幣 (CZK、HRK、HUF、PLN、RON)，並宣佈即將更新優惠，具體細則究專員會及時Update!
2020年7月20日Mastercard宣佈Wirex成為第一個獲得其主要會員資格嘅加密貨幣簽賬卡，簡而言之，就是 Wirex 以後將不再需要透過銀行，就能夠自行發行卡片，有新卡更換通知，港究專員會及時Update!
Wirecard AG於2020年6月25日因為會計醜聞申請咗破產保護，而Wirex Apac發卡公司Wirecard SG 作為其子公司，目前還在營運當中，官方已出聲明用戶資金安全且使用不受影響。截至目前為止 (2020年6月30日) 我哋手持嘅Wirex卡仍可簽賬及ATM 提款，消費時亦有相應回贈。
文章目錄
Wirex背景
Wirex係一間成立於倫敦嘅金融新創公司，前身為E-Coin，於2014年5月成立，願景係建立一個平臺，通過利用技術突破黎解決傳統金融機構嘅侷限性。Wirex係目前加密資產支付領域嘅獨角獸，首創數字銀行+VISA借記卡+法幣交易所一站式服務，獲得歐盟電子支付牌照，亦係第三間持有英國金融行為監管局FCA 授權嘅經營許可嘅公司。目前已經擁有超過三百萬嘅用戶。旗下token (WXT)，目前已經發行100億顆，主要用嚟抵消手續費同獲得更高嘅現金回饋 (WXT形式回贈)。
Wirex支持幣種及匯率
Wirex卡屬於借記卡 (Debit Card)，必須卡內有餘額先可以使用。呢種卡特別之處在於可支持兌換高達25種貨幣 (法幣:USD、EUR、GBP、 SGD、AUD、JPY、HKD、CZK、 MXN、CAD、CHF、NZD、CZK、 HRK、HUF、PLN、RON；加密貨幣：BTC、ETH、LTC、XRP、WXT、XLM、DAI、NANO)，匯率都十分良心，並無需手續費。可以使用信用卡或者加密貨幣直接增值，存入錢包進行消費，具備 VISA payWave 技術，可透過拍卡付款。每次簽賬後 Wirex 會以派發WXT嘅方式回贈 0.5% 嘅簽賬金額到用家嘅賬戶內，如果相信Wirex發展前景，願意儲存Wirex旗下token (WXT)，仲可以享受最高1.5%嘅回贈。部分信用卡更會將 Wirex 存入貨幣嘅交易當作簽賬，同樣賺取到現金回贈、里數 (各間銀行規則唔同，需要大家自己嘗試)。Wirex都支持ATM提款，作為旅行卡簡直係一流，甚至可以當做離岸戶口作為個人嘅外幣儲備！
如果有興趣想開一個喺香港都開到嘅離岸戶口，歡迎睇吓我哋Dukascopy開戶教學！
不過要留意嘅係，Wirex目前只支持法幣扣款，消費前需要將加密貨幣兌換回法幣才可使用。每日都有交易限額，每張驗證後嘅信用卡每日充值限額為USD5,000，24小時只可進行交易三次，包括買幣同增值。如果過左限額，增值將會失敗。ATM提款每日亦有限額，大致每日HKD2,000左右，(最新更新，Wirex宣佈自8月17號後，ATM提款限額改為每月HKD2,000，超出範圍加收2%手續費) 各地不同銀行收取手續費嘅規則唔同，需要大家自己嘗試。(香港本地大部分ATM都免收手續費，Citi會收HKD15 ATM Fee，ATM密碼喺Setting – Security – Pin Code設置4位密碼)
Wirex實時匯率查詢：
Wirex收費及限制：
(香港區，免收管理費)
值得留意嘅係，當增值超過HKD10,000或者購買加密貨幣時，Wirex可能會要求提供住址證明，使用銀行月結單或者其他政府信件即可。
Wirex入錢
因為Wirex係一張借記卡，需要增值先可以消費。目前Wirex卡支援大部分本地Visa信用卡以及Master信用卡，暫時尚未有銀行卡增值。港究專員問過Wirex客服，佢哋係將會支援銀行卡增值，有最新Update，港究專員會即時話畀大家知！（Update！目前Wirex已經支援Za Bank以及Welab Bank增值！但增值唔會享受現金回贈。）
關於信用卡增值手續費，以及是否有回贈。間間銀行都唔同，需要大家自行測試。不過港究專員自己就用HSBC增值，無fee但又無rebate，如果有其他銀行資訊，歡迎向港究專員反饋！
(2020年7月22日更新：O! ePay Mastercard免費升級為歐洲經濟區EEA版後即可增值Wirex， 豁免跨境港幣手續費至2020年9月30日。由於 O! ePay都係一張借記卡，可以用嚟賺埋信用卡現金回贈或飛行里數，先用信用卡增值到O! ePay，之後再以O! ePay 充值到 Wirex 即可！) [已失效]
想了解更多O! ePay Mastercard資訊，歡迎收睇
【網購必備】 O!ePay Mastercard 外幣簽賬免手續費 隨時慳埋運費添?
Wirex迎新獎勵
使用港究Kongscult推薦連結完成Wirex開戶，收卡後完成任務可以得到額外總共USD10的迎新奬勵：
任務1:購買USD100嘅加密貨幣，即時回贈USD5。
任務2:使用Wirex卡店內消費一次，即時回贈USD5。
請留意任務需跟次序，否則可能無法完成任務。
Wirex進階玩法
如果想透過Wirex用信用卡買幣，射入交易所交易，使用XLM或者NANO，係一個明智嘅選擇。唔需要損失射BTC，或者ETH高昂嘅手續費，並且到賬十分之快。要留意XLM同NANO並唔係一個穩定幣，可能會有幣價波動嘅風險。
想自製每星期收息做零用錢計劃？ 歡迎試用Celsius Network收息平台
想用Wirex作為Celsius Network入金手段，請留意上文進階玩法2。想穩陣啲都可以直接射DAI去Celsius收息，不過射DAI可能要支付頗高嘅手續費。
關於Wirex嘅分享暫時到呢度，之後港究專員會繼續為大家搜羅更多其他加密貨幣相關資訊。
如有任何疑問關於Wirex，或者想交流其他玩法，分享支援信用卡及ATM。歡迎留言或者加入我哋港究Telegram討論區參與討論！
FAQs
一句講晒，點解要開Wirex卡？
Wirex卡可以幫你十分方便咁購買加密貨幣，同時又係一張各地ATM可以攞錢並享受高匯率嘅旅行卡，甚至仲係一個離岸戶口！
申請Wirex卡要唔要錢架？
由申請Wirex卡到寄到你屋企，一毫子都唔使！做咗迎新任務仲賞你USD10！
Wirex卡可唔可以過數返銀行？
唔可以，只可以透過ATM攞錢或者透過射出交易貨幣喺交易所 (例如幣安) 出金到你銀行。
Wirex卡可以點樣入金？
大部分信用卡及小部分銀行卡都可以入金，都可以透過存入加密貨幣方式入金。
Wirex卡內無港紙，得加密貨幣仲可唔可以消費？
可以，會根據即時匯率兌換，事實上去其他國家ATM拎錢都唔需要喺App兌換先，直接拎已經係最優嘅匯率。
Wirex卡有無存款保障？
無，不過Wirex已經係世界第一張Master成員夥伴，並且牌照齊全，相信都唔會突然執笠。當然為安全起見，最好唔好將大量資金擺喺Wirex。
Wirex卡賬戶畀人鎖住咗點算
一般賬戶畀人鎖咗係因為突然存入大量金額，導致Wirex懷疑洗黑錢，重新遞交住址證明畀Wirex就可以。要留意返，個地址證明要同你喺Wirex提交嘅地址一模一樣，用簡寫，同大細階唔同都唔得，十分嚴格。大家要留心啲，唔好一次入太多錢。
如果對另一張加密貨幣簽賬卡CRO，開戶可送免費Netflix同Spotify，感興趣歡迎Click嚟望望！
正所謂「別將雞蛋全放在同一個籃子」，想試吓其他加密貨幣收息平台？ 歡迎試用
Celsius Network—每個禮拜派息嘅加密貨幣收息平台
【無需任何鎖倉！】穩定幣收息高達12.7%年化率，加密貨幣收息平台YouHodler教學
想靠加密貨幣搵額外收入可以去睇吓港究專員嘅各樣推介：
【一路上網一路賺錢系列】CryptoTab – 專掘加密貨幣嘅Browser
【網絡安全必備】想唔洗VPN都可以有加密鏈接仲可以搵下錢? Brave Browser啱曬你心意
想用量化機器人躺著賺錢？可以參考下我哋下面文章
躺着賺錢系列：Pionex期現套利工具輕鬆賺年化15-50%穩定收入
我哋都有介紹各種加密貨幣交易所，有興趣歡迎睇睇。
【Bitcoin都可以收息？】最大交易所幣安Binance註冊教學及旗下收息平台幣安寶介紹
喺簽賬卡買咗加密貨幣，為安全起見，諗住長揸嘅幣大額嘅話建議提返自己錢包。我哋都有文章介紹加密貨幣錢包，歡迎睇睇。
【開Chrome就用到】以太坊錢包MetaMask小狐狸教學
保障加密貨幣資產，Ledger冷錢包為你保駕護航
如果想瞭解更多信用卡資訊歡迎睇睇Kong’s Cult信用卡專頁；如你想對加密貨幣有更多理解，歡迎望吓我哋加密貨幣專頁。如你想了解多啲離岸戶口，歡迎睇睇我哋離岸戶口專頁。
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個 Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！仲有唔好漏咗Follow Kong’s Cult嘅 Facebook 同 Instagram 專頁啊！你哋嘅支持同意見絕對係我哋港究專員繼續發掘著數嘅動力，下次見！
