近排好多人都會講Web3.0 依個名詞，大家又明唔明係咩嘢？
究竟係咪咩行銷上嘅噱頭？
可以同大家講家陣個時代趨勢係已經偏向Web3.0時代。
等專員同大家講吓Web3.0 嘅背景同未來趨勢。
Table of Contents
好啦，有Web3.0，當然之前係有Web1.0同埋Web2.0啦，咁我簡單咁去講吓佢哋啦。
Web1.0
即第一代互聯網。只可以閱讀資訊，係單向接受關係， 就好似以前啲人可以整個人網站出嚟，文字為主，好少圖片同影片。只可以用email為主要交流方式，幾乎無乜可能進行雙向交流互動性。
Web2.0
Web2 係一個用戶使用互聯網變得更加自由嘅時代，信息發送者同瀏覽者之間嘅雙向交流成為可能，現今 Web2.0 已經取代 Web1.0。
大家用緊嘅Twitter、YouTube、Facebook 同 Instagram 等都係Web2.0。是但求其一個人都可以開一個account去分享相片、文章，影片而又可以好方便同自己嘅觀眾 / 追隨者留言、交流同聯繫。Web 2.0 具有由中心化服務組成特點，就係創作者提供嘅信息都集中提供服務嘅公司，例如 Google 同 Twitter。
所以依啲公司一旦受到惡意攻擊，海量嘅用戶資訊私隱就會被不法份子利用。亦都係Web2.0嘅最大弱點：私隱及安全。
Web3.0
又被稱為萬維網，用技術和分散管理實現信息主權民主化嘅概念，可以阻止大公司例如Google、Apple、Facebook、Microsoft、Amazon…去壟斷信息。利用區塊鏈技術解決個人信息被特定公司掌握，不存在隱私問題同安全風險問題，亦都可以叫做去中心化管理。
咁Web3.0 點解咁多人吹捧？因為可以解決到Web2.0嘅資訊壟斷及安全問題。由中心化轉變成為去中心化，將管理權限分配畀好多人而唔係合併佢哋。
Web3.0 特色及好處
隱私受到保護
Web 2.0 時代嘅服務九成都係用戶將自己嘅資料用喺頭先提及過嘅大公司平台度，咁大公司基本上就可以免費咁拎左我哋嘅數據並提供行為歷史記錄。
使用 Web3 區塊鏈服務就唔駛註冊 ID 同密碼。每個人都有一個錢包地址 (字母表中嘅數字列表)，每次都可以用錢包ID登錄。匿名性得到保證，隱私得到保護，亦都無個人資料洩露。喺Web3.0時代，你都可以管理自己嘅個人資料訊息同數據，從而達到去中心化嘅效果。
服務唔受國界限制使用
唔係每個地方都可以自由咁去上網睇自己想睇嘅嘢，就好似中國咁唔畀用Google、Facebook、YouTube…
喺Web3.0就無依個限制，區塊鏈無任何條件或特權，亦無中心化服務器，任何人都可以自由咁用自己想要嘅服務。
使用Web3.0具體服務例子
Brave
Brave係Web3.0嘅瀏覽器，攔截收集個人數據嘅廣告，默認狀態下不展示廣告。
好多人會對減慢加載速度嘅廣告或彈出無興趣嘅廣告而感到唔高興覺得嘥時間。無廣告，Brave幫助你更快、更爽咁上網。
當然你都可以選擇去睇廣告，Brave 就會根據用戶睇廣告數量以獎勵形式支付加密貨幣。間唔中都可以賺到個食晏錢㗎。
想了解多啲關於Brave嘅資料，可以去我哋相關文章了解吓：
Web3.0缺點同限制
目前為止，Web3.0有以下缺點同限制：
擴展性
基於去中心化關係，Web3.0上交易速度較慢。任何支付過程等狀態變化，都要礦工處理，並在整個網絡中傳播。
瀏覽性
Web3.0與現今網絡瀏覽器缺乏完善整合或過渡，令大多數用戶無法正常瀏覽同到訪Web3.0。
成本
因為開發成本昂貴，大部分開發成功嘅DApp 只會將極少數嘅代碼放喺區塊鏈度。
法律和監管風險
本身網絡欺詐、仇恨言論同埋錯誤資訊都欠缺控制，已經好難去監管，喺去中心化嘅結構下會更加難上加難。
為安全起見，諗住長揸嘅幣建議提返去自己錢包。我哋都有文章介紹加密貨幣錢包：
如果想了解加密貨幣交易所，歡迎睇睇：
鍾意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
