由於加密貨幣發展迅速，中心化加密貨幣交易所 (CEX) 為符合世界各地監管要求，KYC愈嚟愈嚴格，資金使用嘅自由度或會有所限制。而另一方面，去中心化交易所 (DEX) 同樣可以購買加密貨幣，甚至喺CEX無上架嘅生態幣，交易保持完全匿名，而且一般DEFI生態嘅幣種往往有較高回報。
但DEX可能會有高額交易費用或滑點。此外，幾乎每周都有新 DEX 進入巿場，作為精明嘅投資者需要貨比三家，尋找最優惠價格嘅DEX去買入加密貨幣。以下港究專員就介紹一個 DEX 聚合器畀大家，並用FTM公鏈作為示範，令你可以以最優惠價格、最低交易成本同滑點去入手加密貨幣。
DEX聚合器如何運作？
DEX聚合器就好似 Google Flights 或 Expedia咁，你可以喺一個網站內選擇來自各舧空公司嘅航班優惠。喺DEX 聚合器，你可以選擇加密貨幣代幣嘅最佳交易。 DEX聚合器就好似一個去中心化交易所嘅搜索引擎。
UniDex聚合器簡介
UniDex 旨在收窄傳統中心化交易所同 DeFi 交易所之間嘅差距。 UniDex 聚合咗多個流動性池同協議中的嘅交易機會，令交易者盡可能減少滑點，同時提供期權、槓桿產品及借貨市場。UniDex 由 Mirai 流動性引擎提供支持，係 UniDex 嘅產品設計，旨在為用家找到所有 DeFi 中嘅最佳交易。可以喺唔到一秒嘅時間內聚合其他聚合器、衍生平台同其他金融活動。目前UniDex有超過USD400億聚合流動性、162個流動性來源，支援公鏈包括ETH、MATIC、BSC、FTM、AVAX等。
UniDex聚合器與Spookyswap價格比較
Fantom鏈Defi一般推薦使用 SpookySwap，可以買到 Fantom 生態內各個生態幣種，不過某啲幣種嘅兌換價就未必咁理想。例如穩定幣USDC、USDT、DAI，如果經SpookySwap兌換的話，就會發現畀人「食價」，以下會以聚合器UniDex作為示範，等大家做交易時能夠以最佳價格購入加密貨幣。UniDex介面簡潔，操作簡單，用戶體驗十分不錯。
港究專員以10000USDC兌換USDT，發現SpookySwap同UniDex居然相差近40USDT，用UniDex可幫你慳到唔少！
UniDex介面簡單，而且附有Dexscreener圖表參考，方便做交易時睇價。
依家學識用UniDex嚟格價，下次進行交易時記得要用聚合器比較吓先下單呀！
想深入了解Fantom？可以睇睇以下文章：
想知點樣操作MetaMask？可以睇睇以下文章：
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
