【加密貨幣基礎知識】新手必需要認識嘅穩定幣：USDT、USDC、BUSD、DAI

DAI係Maker DAO發行嘅穩定幣，係以太坊上第1種穩定幣，價格同樣維繫USD1。透過Maker Vault抵押加密貨幣，例如：ETH、USDT、WBTC 等代幣，來生成相應嘅DAI。如果要結束借貸協議，則需要用相應嘅DAI取回抵押品。

正如頭先提到，因為加密貨幣價格波動大，所以需要超額抵押。用「ETH」作為抵押做例子，必須儲備穩定幣 1.5 – 2 倍價值嘅ETH，即係質押率必須保持喺150%-200%之間。如果ETH價值向下跌，便需要補倉，提供更多嘅ETH抵押。假如ETH幣價急跌，就可能因為趕唔切補倉，質押率低於150%，就會強行清盤，賣出ETH。

至於 DAI 維繫USD1嘅方法，簡單嚟講，就係透過改變穩定手續費 (即係改變借款成本) 同埋DAI 儲蓄率去誘使用戶投入或者銷毀DAI，透過改變市場需求而影響價格。

當 DAI 低過USD1嗰陣，系統會透過提高穩定手續費，令到借款成本更高，誘使用家償還債務、取回抵押品，並銷毀 DAI。MakerDAO亦會提高 DAI 儲蓄率，增加代幣嘅投資需求。供應減少、需求增加就會令價格提升。

相反，DAI 高過USD1嗰陣，系統降低穩定手續費，令到借款成本變低，誘使用家借款，產生 DAI。MakerDAO亦會降低 DAI 儲蓄率，降低代幣嘅投資需求。供應增加、需求減少就會令價格下跌。