Solana NFT 市場非常惹人注目，當你親身體驗過同ETH比較佢嘅效能(收益)後，Solana嘅交易速度同埋低收續費明顯更能吸引大眾入手。但係好多新手對 Solana NFT 市場仲未好瞭解，港究專員就同大家一齊深入淺出介紹吓啦~
Solana NFT 火熱項目相關介紹
最近被熱炒嘅 Okay Bears 即係「淡定熊」，誕生於 2022年4 月 27 日，公售 Mint 價格僅 1.5 SOL。點知此後一日內二級市場交易量迅速飆升到 1,840 萬美元，直接拉起咗成個 Solana 生態嘅交易量。截止2022年5月17日，Okay Bear 嘅地板價已經突破 230 SOL。
Okay Bears 之所以咁紅，其實都係因為佢同無聊猿有好大嘅相同之處，包括眼神、衣服配件，甚至面部表情都相當似，甚至有唔少人認為依個就係 Solana 鏈上嘅「無聊猿仿盤」，即是將「猿猴」改成「熊」。Okay Bears 共有約 5.3 千人持有，地板價目前為 235 SOL，自鑄造以嚟銷售總額已高達 7,604 萬美元 。至今已躍升成為 Solana 鏈中最具價值 嘅 NFT 系列之一。
Solona 生態明星項目 Aurory 喺 2021 年發行咗 10,000 個 NFT 頭像作為遊戲道具首發，依個 NFT 可用作遊戲內嘅社交通證同頭像，仲可以作為遊戲人物嘅皮膚，當時發售價只需要 1 個 SOL ，地板價曾經漲至 44 SOL。Aurory 遊戲畫面以 J-RPG 日式遊戲嘅風格呈現，包括人物、地圖同小精靈，配搭上完全手繪嘅 2D 動畫，喺畫面中感受到滿滿嘅用心同誠意，背後仲有 Serum 和 Animoca Brands 等等嘅投資常客，遊戲內容向英雄聯盟嘅策略性同Pokemon嘅劇情玩法借鑒。
Solana NFT 平台一覽
相較於 Opensea，Solana亦有兩個比較龐大而完整嘅交易平台，佢哋係「Solanart」及「Magic Eden」，佢哋都係用SOL作為交易貨幣，並抽取部份作為平台費用，平台會同時使用鏈上及鏈下嘅資料存儲，將加密貨幣及NFT同時轉入中間錢包，再個別轉出到買賣方，同時利用鏈下數據紀錄標價等銷售資訊。
新手上路要點做
想開始玩SOL NFT但又唔想喺二級市場炒賣，你可以多多留意 https://howrare.is/drops 依個網站，佢會列出每日發行NFT嘅項目，上面會有總mint數量、時間、金額以及項目方嘅Twitter、網站、Discord畀你參考，十分方便，另外仲有同部分項目方合作嘅NFT稀有度查詢，對新手嚟講係一個好好用嘅功能。
有啲網站做得好吸晴，但追蹤人數少得可憐就盡量Pass，因為無熱度嘅項目好容易直接Rug Pull，同埋千祈唔好用主錢包去鑄造NFT，因為Solana都會有好多假NFT項目，一唔小心連咗假網站就會被盜走私鑰或財產，所以唔好用主錢包去參與任何NFT項目。
用子賬戶錢包鑄造後馬上將SOL同埋NFT發回主錢包，SOLANA gas fee非常便宜，多做一步唔好怕煩。同埋記得唔好輕易相信人哋畀嘅連結，官方一律唔會DM你，鑄造連結請用官方Discord連或者喺官方Twitter度搵，任何私訊一律當成詐騙就萬無一失。
有關NFT嘅延伸閱讀可參考以下連結：
多謝讀者耐心睇，以下係我哋crypto有關嘅文章，有興趣嘅讀者可以撳嚟睇睇：
Veve NFT 買到啲咩？除咗 OpenSea 唔可以錯過嘅 NFT 平台
NFT 熱潮即將來襲！一文學識買賣兼自製NFT！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
