你知道嗎？ 加密貨幣詐騙者喺2021 年通過利用Defi 項目並竊取受害者資金，賺取創紀錄嘅US$140 億。 同 2020 年相比，加密貨幣相關嘅犯罪損失增加咗79%。(來源：RugDoc)
港究專員一路以嚟分享咗好多虛擬貨幣嘅資訊畀大家，亦都講過投資前要做多啲功課，例如睇貨幣嘅官方資料，多留意官方Discord / Telegram / Twitter等等，不過港究專員認為scam項目有心呃你，無論整到嗰網站幾靚，TG入面講幾多嘢，你睇幾多資料都係無用。
所以大家喺投入本金之前，除咗知道要DYOR之外，仲要知道如果疑似中咗Rug Pull要點自救呀！港究專員之前介紹過用Debank取消合約授權，不過如果識埋以下幾招傍身，咁就玩得安心又開心啦。
第一招： 買入meme / 不知名新項目之前，不妨準備定多個錢包
MetaMask錢包可以創建多個子賬戶，玩meme / 不知明項目之前，建議用子賬戶去做合約授權，用完即棄，無需擔心授權咗畀啲呃人嘅項目方盜取你嘅資金。
依照不同使用習慣或應用不同錢包，如果有一個賬戶曾遇過Rug Pull，其他賬戶內資產都唔會有事。
第二招： 定期清理合約互動 ( Revoke )
如果你嘅主錢包已經有參與過被Rug Rull嘅項目又唔可以唔要佢的話，你就要去做吓定時 Revoke，等閒置合約喺你唔用嘅時候無擅自花費你資產嘅權限。
ETH / BSC 鏈的話 ，可以喺 https://revoke.cash 或 https://app.unrekt.net 上使用Revoke 。
而FTM鏈可以喺https://ftmscan.com/tokenapprovalchecker 上使用Revoke 。
第三招：玩之前，試吓用少少錢先
之前介紹過大家用Dexscreener睇圖工具，入面除咗會見到圖表之外，仲會提供埋買賣紀錄。咁有買賣紀錄都唔代表隻幣唔係scam㗎，因為有啲幣係HoneyPot或者係貔貅幣，即係只容許買入不能賣出，又或者只係容許你賣出一次。建議大家All in之前用少少錢試吓做個Trade先 (買入同賣出)，如果第二次都成功買入，咁就可以繼續去馬啦 !
第四招： 緊急逃生門喺依到
大家一定要識大絕招：
Emergency Withdrawal，跟住以下步驟做就可以拎返啲錢錢。當然前提係你玩嗰隻幣有依個開源，如果連個功能無開出嚟，就只可以講聲唔好彩了。
以下係港究專員親身經歷，用FTM鏈一個已Rug Pull嘅項目嚟做一個示例：
- 去返 http://www.ftmscan.com 連錢包，搵返入錢嗰條Txn，再去搵返交易嘅合約地址 (Interacted with (To):
- 喺Input Data 記低你嘅PID。依到出現嘅係(0)或者(1)
3. 撳入交易嘅合約地址，按Connect to Web3 ，連接錢包。
4. 揀 Contract，撳Write Contract，搵出 emergency withdraw 功能。
5. 輸入 0 或者 1 ，按 Write
6. 畀咗gas fee之後，錢錢就成功回籠啦。
以上幾招都係港究專員跌跌碰碰得返嚟嘅寶貴經驗 (亦有血的教訓…被Rug咗唔少次)，希望大家睇完可以交少啲學費，喺去中心化世界都可以平安賺大錢啦。
鍾意呢篇分享嘅話希望大家畀Like支持吓我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
