加密貨幣世界入面處處黃金，賺錢機會時常都有，同時間亦有好多黑客對你手上持有嘅幣虎視眈眈，加密貨幣詐騙案件層出不窮。據區塊鏈數據分析機構 Chainalysis 嘅最新報告顯示，2022 年有價值 17 億美元嘅加密資產被盜，其中 97% 來自 DeFi 協議，包括3月Ronin 跨鏈橋被攻擊，價值 6 億美元嘅加密資產被盜；2 月，跨鏈協議 Wormhole 被攻擊，價值 3.2 億美元失竊。為咗保障資產，參與Defi項目時一定要萬分小心，最基本就係唔好用主賬戶同埋交易前檢查授權。另外，你亦可以透過RugDoc呢個網站去睇吓項目有無潛在風險。
RugDoc簡介
RugDoc係一個社區驅動嘅 DeFi 風險及收益評估平台，致力於通過保護、教育同儘可能為多啲人提供工具以提高 DeFi 安全性。通過 RugDoc 嘅平台信息及工具，任何人都可以評估新嘅 DeFi 項目，輕而易舉咁掌握每個 DeFi 項目嘅收益及風險。RugDoc喺代碼審計方面嘅專業知識將有助用戶更加安全咁去參與項目。而且RugDoc目前覆蓋10條公鏈，主要監控生態系統、通知欺詐消息並發布教育內容。AVAX同RugDoc為合作伙伴。
RugDoc連結：https://rugdoc.io/
RugDoc依公鏈分類
- 你可於RugDoc網頁按公鏈分類去篩選項目，或者直接輸入項目名稱。
- 你亦可以勾選「Audited」搵出已經審計過嘅項目
- RugDoc會標註項目風險
- 點擊查看RugDoc完成嘅合約分析
RugDoc為方便用戶，更加提供項目類別篩選器，分別為Farming、Exchange、Token、OHM Fork、Tomb Fork及NFT項目。用戶可以按自己熟悉嘅項目去作比較。(見下面左圖)
另外，RugDoc亦提供一啲實用Defi資源及工具，例如係Emergency Withdraw Tool、Honeypot Checker、LP Breaker等，如果協議前端有問題，用戶都可以透過合約互動去操作取回資金。
Rugdoc會不定時於Twitter / Telegram發文提醒用戶一啲「跑路」項目 / 高風險項目，等大家有機會可以盡快採取救亡行動，例如取出資金及取消項目授權。
此外，RugDoc仲有提供教學資源畀用戶去閱讀，包括RugDocWiki同漫畫去介紹區塊鏈知識、公鏈介紹、Defi知識、跨鏈方式、NFT項目等，啲漫畫都幾搞鬼，睇得出組隊用心製作，以輕鬆方式去展現一啲複雜嘅知識，有興趣嘅可以去睇吓，增長知識，咁先可以喺加密貨幣世界行得更遠！
總括嚟講，RugDoc 提供嘅信息及工具，可以幫助你及早識別「Rugpull項目」，用戶可以查看DeFi 項目嘅審計報告，作為一個參考，所以每次玩Defi項目前，不妨去RugDoc度望吓資料，經過RugDoc檢查過嘅合約通常較為可靠。不過都係嗰句啦，加密貨幣始終係高風險嘅投資，必須要DYOR，投入嘅金額亦都要係自己可承擔嘅！
想知道更多方法去保護資產安全，不妨睇埋以下文章：
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
