港究專員知道大家都心思思想衝入場買NFT，但就好易遇到騙子，新手玩家不妨搵個信得過嘅交易平台啦，而家幣安同Bybit都陸續發展緊自家嘅NFT功能，咁就一定唔會中伏買咗假嘢或者射咗錢去不明來歷嘅銀包。
仲未開戶？睇吓我哋嘅介紹啦
不過有啲心得都要同大家分享，無論新手老手都要注意吓以下幾點，買之前諗一諗，咁就可以減少無謂損失啦！
1. 匿名與多簽 (Multisig)
依個係好重要嘅一點。當有數以百萬計嘅粉絲都關注依個項目嘅時候，團隊真的沒有任何理由要匿名。
實名制嘅團隊無論技能如何，其背景都增加了一份信任，畀人知道真正嘅人或團隊真係構建緊真實存在嘅項目。
應對方法：去項目嘅Discord 問清楚睇清楚點解要匿名或者有無多簽 (multisig) 如果佢哋無法回答或者刻意迴避，咁你就更應該控制注碼了。
2. 假粉絲
花錢買假粉絲都係項目方慣常手段，Discord／Telegram入面都充斥著依啲機器人 (Bot) 或者打手，價廉物美又吸到人流順便引你入局，另外高招嘅手法就係搵個Youtuber拍條片講幾句，攪到你以為真係有明星效應。
應對方法：做一個簡單嘅調查，譬如睇吓帖文嘅參與度，仔細觀察就會發現水軍很容易被識別，因為佢哋嘅對白 (項目方提供) 都差唔多，我們仲可以睇吓有無朋友、知名KOL同時關注依個項目，如果佢哋都無聽過，咁你就更應該控制注碼了。
3. 人為炒作
利用名人代言，畀錢搵明星客串演出，依個名為 Cameo 嘅網站，只要畀 USD500就可以請到頂級嘅足球運動員為項目方拍攝想要內容。
應對方法：唔可信嘅項目經常洗錢買代言，同埋做埋啲不切實際嘅運營和炒作。我們應該真正深入咁去研究其合作夥伴關係是咪正式的還是僅僅係付費或Photoshop嘅「合作夥伴關係」。
4. 離地嘅鑄造價格
炒作＋Fomo，往往可以同過高嘅鑄造價格劃成等號。真正嘅社區建設者會從目標群眾負擔到嘅價格開始，就算 BAYC 和 CryptoPunks 嘅團隊作品配得上高昂嘅鑄造價格，但唔代表佢哋應該咁做。
應對方法：一個允許原始鑄幣者賺錢嘅項目，係依靠建立忠實又狂熱嘅粉絲群來度過風暴期和平靜期的，即係要有sustainability。以高到離譜嘅價格鑄造嘅項目通常很難在平靜時期找到新進粉絲，咁再無新人參與，你同買張JPG有咩分別？
5. 惡意控制價格
人為嘅掃貨以控制地板價，威脅或騷擾成員不允許他們以低於一定價位的價格賣出。
應對方法：確認一下該項目嘅交易是否真實，睇吓Discord／Telegram，以便做出更好的判斷。
6. NFT 仲係sell緊元宇宙？悶唔悶呀
NFT項目疑似重複／抄襲其他元宇宙項目嘅路線圖，團隊唔夠Pro (可能出現代幣、合約未經審查依啲低級問題)，同埋無可持續性嘅生態群和欠缺 P2E 模式。
識別方法：元宇宙項目代碼好容易複製，代幣可以喺幾小時內啟動，買之前諗清楚張NFT有無實質賦能，實體經濟可能都需要數月／年才能創造，評估吓團隊係咪真係講得出做得到，咪吹水唔抹咀先得㗎！
NFT依個新興行業沒有可遵循嘅藍圖，意味著處理一個法／專案沒有正確或錯誤嘅方法。一切都係取決於創始團隊以及佢哋嘅工作方式，佢哋嘅價值觀是什麼，以及佢哋有咩宏偉願景，唔係真係賣張JPG畀你咁簡單。
我哋都有分享其他加密貨幣基礎知識，歡迎睇睇：
【好用過Google】賬號安全神器，2FA雙重認證工具Authy為您保駕護航
想繼續知道更多有關加密貨幣第一手資訊嘅你記得畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
