買賣加密貨幣一般人都會視為高風險、高波動性嘅一項投資，最近不單只龍頭比特幣，其他二三線加密貨幣都瘋升，升1倍甚至10倍嘅例子比比皆是，呢個回報率的確吸引到一班偏好高風險高報酬嘅投資者。風險同回報掛勾，如果你係新手或者接受風險程度比較低的話，喺呢個加密貨幣巿場中其實有好多低風險嘅套利機會，而且可以高達 15%~50% 年化報酬率，如果你啲資產唔想閒置喺銀行，同時又對投資加密貨幣有興趣，咁以下文章就十分適合你，期現套利係一種相對低風險嘅資產增值方式，交由機械人幫你處理訂單，每日坐喺度等收錢！以下介紹嘅係Pionex (派網)嘅量化交易工具，佢係由BitUniverse所孵化出黎，當中一項功能「期現套利機械人」可以幫你實現躺着賺錢嘅夢想！
伸延閱讀：緣份到了躺著也賺錢！？識用BitUniverse 網格交易即刻佛系賺錢！
以下係港究專員最近期現套利交易嘅成果，可以比大家參考吓，以下文章港究專員會一一為大家介紹Pionex背景、期現套利原理、同埋詳細操作教學！
Table of Contents
Pionex 交易所簡介
Pionex (派網) 2019 年成立，係由 BitUniverse (幣優) 所孵化，背後投資方為高榕資本 (創辦人張震名列富比世2020年最佳創投人TOP20)、順爲資本 (小米初期投資者) 以及真格基金 (投資 IT 新創產業之基金)。
Pionex交易所特色
- Pionex 係目前全球首間加密貨幣量化交易所，創辦至今短短一年幾，每月活躍用戶已達到 50 萬人，每人平均月交易數為 1.5 萬筆，平均月交易總額更多達 50 億美元
- 提供 12 種交易機器人，令用戶能同華爾街高階經理人一樣用程式自動交易
- 提供一百多種加密貨幣可交易，包含知名嘅比特幣、以太幣、USDT…等等
- 聚合幣安、火幣網等知名交易所，確保交易深度與流動性
- 具有美國 FinCEN (金融犯罪執法局) 發出嘅MSB 監管牌照，以及受新加坡金融管理局 (MAS) 認可
- 交易手續費低廉，僅收取 0.05% 手續費
今篇要介紹嘅期現套利方法，係源自於現貨巿場幣價同永續期貨合約幣價之間嘅價差，所以各位需要先了解加密貨幣巿場當中永續期貨合約嘅基本概念。
永續合約
永續合約係加密貨幣交易市場內一種特別嘅期貨合約，並不存在到期交割日，為咗維持永續合約價格同現貨價格，所以引入咗「資金費率」機制，令永續合約同現貨之間嘅價差能夠藉此機制收窄，避免出現大幅脫鈎嘅情況。
而今次要介紹嘅套利方式，就係利用資金費率機制去做嘅套利。
永續合約資金費率
如上述，資金費率嘅設計係令永續合約價格貼近現貨價格嘅一種機制：
合約價格高於現貨價格時：
- 資金費率為正
- 多方支付空方資金費率
- 促使多方平倉，賣出手中合約->降低合約價格
合約價格低於現貨價格時：
- 資金費率為負
- 空方支付多方資金費率
- 促使空方平倉，買入巿場上合約->提升合約價格
以ETH為例，下圖顯示合約標記價格為USDT2,049.9，資金費率0.1048%，而現貨價為USDT2,046.01，合約價格高於現貨價格，空方可以收取資金費率，呢個機制會令多方成本增加，促使多方平倉從而降低合約價格。
資金費率衍生出套利機會
幣圈係一個長期多頭嘅市場，大部分市場上嘅參與者都係看好幣圈嘅散戶投資者，習慣性做多，因此造就了大部分幣種嘅期貨價格都比現貨價格高。多種主流幣長年處於「正資金費率」，即係做多嘅人需要畀資金費率做空嘅人。
期現套利原理
正因為有「資金費率」，所以巿場上就有套利空間，以ETH舉例去說明套利原理，當你用永續合約做空ETH，做空嘅同時喺現貨市場以相同價位買入ETH現貨，咁你持有嘅頭寸就互相抵銷，理論上唔會出現虧損，幣價升，現貨會賺錢而期貨會蝕，但因為係同一價位開立，會互相抵銷，而你嘅空單就可以領取每八個鐘一次嘅資金費率。
1. 註冊戶口後，到App Store或Google Play或官方網站下載應用程式
IOS有Pro及Free version：先安裝testflight 程式再以referral link安裝BitUniverse
2.入金去Pionex
將其他交易所 (例如幣安) 嘅 USDT 轉出至 Pionex 派網，喺 Pionex 入金嘅頁面搵USDT 並選擇 TRC20 鏈，右方會有一串英文數字夾雜的字符，此為你 Pionex 賬號用嚟接收 USDT 嘅地址。
3. 並在機器人列表中點擊「期現套利」機器人
4. 選擇要做期現套利嘅幣種以及合約槓桿倍數 (一般建議2倍)，再輸入總投資額即可，點擊紅框內幣種處能夠直接列出資金費率較高嘅幣種
5. 機器人會自動將投資額分配部分到合約賬戶開空單，同時喺現貨買入，為咗避免滑點過大，機器人會逐步咁將倉位建立完畢，無需等待機器人建倉完畢就可以關掉 APP ，等下一次收租嘅時候上嚟睇吓收咗幾多資金費率。
6. 要關單時，直接點擊右上角嘅關閉按鈕，機器人會將現貨賣出以及平掉合約倉位，自動將投資額換做 USDT。
自動化量化交易好處
1. 完全自動化套利
2. 可以確保現貨同空單價格一致
3. 幣價爆升時會主動調倉
自動調倉機制
透過機器人去操作期現套利嘅風險可以講得上係好低，因為你同時持有空單同現貨，只要喺強平價格內，不論幣價上漲或者跌價，都能夠保持到你開單時嘅價值。
期現套利可能出現嘅風險就係做空時遇上價格突然暴漲，導致你嘅永續合約空單被強平而產生清算費用。不過目前Pionex機器人已經有支援自動調倉功能，會隨時幫你關注合約爆倉價格，並且喺距離平倉價格5%嘅時候就會幫你關單。對於無辦法一直睇住市場動態嘅投資者，可以有效咁避開操作風險，而自動調倉手續費都係相當低，自動減倉亦唔會出現大盈虧。
期現套利小技巧
- 搵一啲資金費率長期為正嘅幣種 (例如ETH、SXP等)
- 分兩至三個幣種去套，大倉位放 ETH，小倉位去套資金費率高嘅幣種，可以按近7天年化去排序㨂選合適嘅幣
- 建議用2倍或以下槓桿，避免當幣價爆升時需不停支付調倉手續費
- 入場時注意期現價差比較大為佳，結束時注意期現價差細一點為佳
- 善用加減倉功能去將利潤繼續複投套利
如果有任何問題，或者想同港究專員交流吓的話，歡迎加入我哋嘅Channel，大家可以互相分享吓投資加密貨幣嘅心得！
正所謂「別將雞蛋全放在同一個籃子」，想試吓其他加密貨幣收息平台？ 歡迎試用
Celsius Network—每個禮拜派息嘅加密貨幣收息平台
【無需任何鎖倉！】穩定幣收息高達12.7%年化率，加密貨幣收息平台YouHodler教學
為你嘅賬戶加多一把鎖，詳情可參考：
【好用過Google】賬號安全神器，2FA雙重認證工具Authy為您保駕護航
如果想了解其他加密貨幣交易所，歡迎睇睇：
【Bitcoin都可以收息？】最大交易所幣安Binance註冊教學及旗下收息平台幣安寶介紹
【轉數快都得？】三間最適合新手使用加密貨幣交易所
喺交易所買咗加密貨幣，為安全起見，諗住長揸嘅幣建議提返去自己錢包。我哋都有文章介紹加密貨幣錢包，歡迎睇睇。
之前我哋港究專員都介紹咗加密貨幣簽賬卡Wirex卡以及CRO卡，歡迎睇睇。嚟緊幣安都會出加密貨幣簽賬卡，港究專員會第一時間為大家update！
想靠加密貨幣搵額外收入可以去睇吓港究專員嘅各樣推介：
【一路上網一路賺錢系列】CryptoTab – 專掘加密貨幣嘅Browser
【網絡安全必備】想唔洗VPN都可以有加密鏈接仲可以搵下錢? Brave Browser啱曬你心意
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！依家我哋仲登陸埋MeWe平台，唔好漏咗Follow Kong’s Cult嘅MeWe、Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
注意：加密貨幣價格有時會大幅波動，價格可升可跌，投資涉及風險，更可變得毫無價值。投資前應先閱讀有關產品的發售文件、財務及相關的風險聲明， 並應就本身嘅財政同需要詳細考慮投資是否切合本身特定嘅投資需要。本頁面所有資訊旨在提供投資知識相關教育，本頁面並不構成買賣任何投資產品的招攬或承諾。
