近期新聞話香港用 Safari會轉騰訊認證網站安全，雖然轉外地地區係可以解決到問題，不過長遠唔安心嘅情況下去用，咁上網法真係唔爽。加上用IPHONE / IPAD時候要玩Defi ,比較出名嘅就係用Metamask去進行操作。但係有用過IPHONE / IPAD 版嘅 Metamask Apps 真係好唔方便，好唔User Friendly。咁啱依排專員留意到依個Crypto Browser，用過之後同 Metamask 比較之下，真係操作上無得頂，就算喺電腦上用都好好Feel。
Table of Contents
Opera 公司簡介
Opera 係一間起源於挪威嘅軟體公司，喺 1994 年創立，喺以前電腦Desktop時代嘅電腦市占率都好高好有成就，其實 Opera 喺2009年以來，一直高居行動上網瀏覽器排行嘅第 1 名，直到 2012 年 2 月先俾 Android、 iPhone 手機入面嘅瀏覽器Google同 Safari超越。
家陣Opera Crypto Browser可以喺Android , Windows, IOS, Mac 度使用。
可以去以下連結去Download
區塊鏈生態系統
其實常用到嘅ETH、BSC、Polygon、Celo、FTM、SOL等生態都可以用。仲支援多個NFT 標準協議：ERC-20、ERC-721、ERC-1155等
內建多鏈錢包
之前電腦要用Metamask Wallet果陣，係要另外下載插件，下載完之後仲要綁定錢包。如果想要轉賬到不同公鏈上，需要另外確定公鏈地址，同埋要好小心咁核對再加入新嘅公鏈地址。步驟太多太複雜對新手嚟講真係好唔友善。
家陣Opera Wallet 就真係幾唔錯啦，一開波就準備好晒大部份熱門公鏈地址，慳番去下載到錯誤嘅連結風險。正所謂少做少錯，依一點專員好欣賞佢哋嘅細心設定
Crypto Corner
家陣幣圈每日資訊多到癲，身為新手加入嘅朋友一定會俾依啲資訊轟炸。特別好怕錯失一啲比較上重大新聞資訊。Crypto Corner 裡面會依照唔同資訊類型有唔同分類，可以快速睇到最新嘅幣圈資訊。不過暫時內容都係用英文為主，希望之後會有中文資訊提供。
入面仲有一個功能叫「空投日曆」，好多人都會喺各大平台關注睇邊度會有免費獲取空投消息，而Opera Browser直接將依個功能加埋。
睇空投日曆就可以知道近期邊個平台或網站有獲取空投機會，仲提供埋連結直接幫用戶慳唔少時間。依個功能專員非常Like!
安全隱私
Opera Browser喺安全隱私依一點當然非常重視，而同Brave瀏覽器一樣都可以直接抵擋廣告置入，增強用戶使用有更好體驗。同埋入面佢會提供VPN功能，可以保護用家線上隱私權並令資訊唔受駭客、網路供應商同埋其他第三方嘅影響。VPN仲可以隱藏自己真實IP位置，大大加強保護用家隱私。
介面功能
左邊嘅工具欄專員覺得幾正，因為佢可以用到幣圈人會成日用嘅軟件，Telegram、Discord、Twitter… 你仲可以自己連埋自己Instagram、Facebook Messenger、WhatsApp，真心覺得好方便。
佢仲可以連接唔同音樂播放軟件，Apple Music、 Spotify、Youtube Music …
專員用後感
如果平時係長開電腦用Discord、 Telegram、Twitter收集唔同資訊，個人覺得Opera Crypto Browser係幾方便。Opera Crypto Browser喺安全、私隱上都作出咗針對性嘅設定，專員比較推薦新手試用依個Browser。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
