2021年 3 月，一幅名為《 Everydays: The First 5000 Days 》嘅數碼藝術品喺佳士得拍賣會以 7,000 萬美元天價售出，NFT (Non-Fungible Token, 非同質化代幣) 藝術品從此震驚全球，成為世界焦點。普通人雖然未必對呢類高價數碼藝術品有興趣，但如果將來有合眼緣嘅NFT出現，你又識唔識快人一步買到？即刻一齊睇吓如果想買NFT 究竟要點做，有藝術細胞嘅你仲可以睇完學識點樣整！
NFT 基本介紹
NFT 係擁有獨一無二及不可分割特性嘅區塊鏈 (blockchain) 產品。喺區塊鏈上，所有信息都係公開且不可修改。同普通加密貨幣 (亦即同質化代幣) 唔同嘅係，NFT 擁有權只有一個－你同我手上嘅Bitcoin 可以係一樣，但你擁有嘅NFT 就只限於你所持有，即使其他人將NFT 複製，鏈上信息亦都會證明你係該NFT 嘅持有人。因此，NFT 非常適合作為資產證明－藝術品如圖畫、照片、音樂、貴重商品、遊戲道具甚至係活動門票－只要係可以數碼化而又認證真偽需要嘅物品，都適合做成 NFT 。
知咗咩係NFT 之後，我哋即刻進入全世界最大嘅 NFT 交易平台 OpenSea* ，一齊睇吓OpenSea 點樣買賣以及自製一個 NFT！
*去中心化 NFT 市場 OpenSea 於2018年成立，用戶可以購買、出售、拍賣，甚至無需預付 Gas Fee免費製作 NFT。OpenSea 上架嘅NFT 包羅萬有，數位藝術品、加密收藏品、遊戲物品、音樂、虛擬土地、網絡域名等等都可以喺OpenSea 上面搵到。 OpenSea 係一個去中心化嘅市場，平台僅為使用者提供一個點對點嘅NFT交換系統，用戶資產需存放於自己嘅加密錢包入面。喺眾多錢包入面，MetaMask 係最多人用而功能最全面嘅錢包。本文將以 MetaMask 錢包及Chrome 瀏覽器操作，逐步講解OpenSea 嘅使用方法。
點用OpenSea？
OpenSea 係一個去中心化嘅市場，平台僅為使用者提供一個點對點嘅NFT交換系統，用戶資產需存放於自己嘅加密錢包入面。喺眾多錢包入面，MetaMask 係最多人用而功能最全面嘅錢包。本文將以 MetaMask 錢包及Chrome 瀏覽器操作，逐步講解OpenSea 嘅使用方法。
1. 使用加密錢包登錄
2. 瀏覽 NFT
3. 購買 NFT 創作
點擊任何一個你感興趣嘅作品之後就可以睇到更多相關資料，例如：
目前出價 / Current Price：有標價嘅商品，可以撳 「 Buy Now 」 直接購買。
歷史價格 / Price History：顯示 NFT 嘅歷史交易價格走勢。
清單 / Listings：如果成個NFT 系列唔止一件鑄造數量，呢度可以睇到其他人嘅出價。
買家出價 / Offers：有啲商品雖然上咗架但未有標價，我哋可以直接出價 (Make Offer) ，如果賣家接受，即可成功購買商品。
易手紀錄 / Trading History：商品完整歷史交易紀錄。瘦田無人耕，耕開有人爭。多易手可能代表商品備受關注，有價有市。
點樣自製NFT？
1. 上傳商品
2. 選擇區塊鏈
OpenSea預設交易鏈為「以太坊(Ethereum)」，另有Polygon 鏈可供選擇。雖然以太坊嘅交易成本十分昂貴，但高質項目多數會喺以太鏈上交易。如果揀用以太坊上架作品，記得預留ETH用作gas fee。
3. 隨時賣得
我哋嘅第一幅作品已經完成啦！頁面會隨即跳到NFT 作品主頁，如果無喺之前set 好作品資料，可以隨時按右上角「Edit」即刻修改。往後再新增同一系列嘅作品時，可以將同類作品加去同一個Collection入面。大功告成後，點擊「Sell」就隨時賣得！
用戶可以揀「Set Price」以固定價格出售作品或者以「Highest Bid」拍賣作品。如果選用拍賣形式出售作品，「Reserve price」必須設定為 1 以太幣或以上，但如果限時內未達保留價格，拍賣就會取消。
OpenSea 會收取銷售額 2.5% 作為手續費，用戶可以另外自訂作品版稅，最高為 10%，往後作品每次被轉售用戶都可以從交易金額中收取版稅。
直到呢刻，一款款唔同系列嘅NFT依然有價有市，甚至越升越有。或者呢啲作品都只係22 世紀嘅新龐氏騙局，JPEG (圖片格式，大多數NFT 以圖像形式存在) 始終都只係JPEG。但當各大企業爭相加入虛擬世界「元字宙」嘅時候，未來對價值嘅定義會唔會仲係限於實物？我地一齊拭目以待。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
