我哋之前同大家分享過新手玩 NFT 注意事項，同埋喺熊市期間，如何尋找優質NFT項目？。今次再同大家分享幾個實用嘅NFT免費工具，希望幫到大家利用資訊尋找有潛力嘅項目、追蹤巨鯨錢包、社群熱度同埋利用NFT交易數據去制定策略。
NFT實用工具
想尋找有潛力嘅項目，問幣圈嘅朋友總會叫你追蹤大佬Twitter、留意佢哋最近關注咩人同埋項目、又或是加入唔同嘅Discord。
MintyScore呢個網站除咗英文之外，仲有埋繁體中文、簡體中文，非常方便。佢嘅「Top Drops」頁面入面有分「即將上線」項目、「已上架」項目、同埋「Influencer」。每個上面都會有mintyscore，網站會根據Discord同埋Twitter嘅follower數量、社群熱度、交易量、Floor Price等因素去訂立mintyscore，而99就係佢哋最高嘅評分，項目評分越高就代表sellout potential越高。
注意：有部分項目會買假粉絲灌水做大社群流量，呢類項目rug-pull可能性非常大，建議大家用Follower Audit嚟幫助辨識NFT項目Twitter粉絲數量真實性。
你亦可以根據Influencer嘅排名，睇吓佢哋動態同埋最近mint咗咩項目。
NFTGO呢個網站除咗英文之外，仲有埋簡體中文，尚算方便中文用家。NFTGO除咗基本嘅Market Cap、Holders、Volume、Floor Price等資料外，仲會有Rarity嘅分佈、Rarity同價格比較、Holders嘅分佈等等，由於用圖表顯示，非常簡潔易明。
- Rarity分佈
- Holder分佈
- 買入分佈圖
例如上面嘅買入分佈圖就明顯比較分散、高於Floor Price位置；而下面嘅買入分佈圖就比較集中喺Floor Price附近。其中一個原因可能係買家更睇好上面嘅項目、願意用更高嘅價格去買呢款NFT。大家喺分析嘅時候亦可以考慮埋呢點。
- Whales Tracking
NFTGO另一個最出名嘅功能就係「Whales Tracking」，可以實時追蹤巨鯨，睇到佢哋嘅活動，包括trade、mint咗咩項目，仲可以睇埋價格同埋gas fee。
另一個睇NFT交易數據嘅好用工具係Dappradar。佢可以根據唔同公鏈去篩選NFT項目。如果你長遠睇好某條公鏈，買返嗰條鏈嘅項目，除咗有機會受惠於NFT本身嘅升值，亦有機會賺埋幣本身嘅升值。
Dappradar除咗NFT嘅資料之外，本身亦集合咗大量Dapp、Defi、Token嘅資訊，係一個非常值得收藏嘅有用網站。
NFT嘅稀有程度亦都係一個影響價格嘅重要因素。
Rarity Sniper可以畀你根據NFT ID或者用某啲traits搵返相關嘅rarity排名。當然，呢類稀有度網站嘅判斷稀有元素、公式都會略有不同，所以可以參考多幾個唔同網站。如果項目方有提供自己嘅稀有度計算公式，都係以項目方為準！
另外，佢嘅「NFT Drops Calendar」亦可以好容易咁睇到進行緊或者即將發售嘅項目，有齊晒website、Twitter、Discord嘅連結，非常方便。
Rarity Tools 同樣係畀你了解稀有度嘅工具，可以畀你根據NFT ID或者用某啲traits搵返相關嘅rarity排名 。
要留意嘅係即使稀有元素越多，亦未必等於越值錢，事實上社群嘅審美觀亦會影響購買意慾、NFT流通量同埋價值。千祈唔好淨係見到rarity rank高就乜都唔理衝入去！！
加密貨幣同埋NFT都係比較高風險，無論用咩工具都好，投資之前最緊要DYOR、清楚了解風險先做決定！
NFT相關文章：
【加密貨幣基礎知識】Etherscan區塊鏈瀏覽器 – 查交易紀錄同NFT Token ID之餘仲可以追蹤大戶？
【加密貨幣基礎知識】NFT 熱潮 Fantom NFT 平台介紹
之後可以留意埋我哋【加密貨幣基礎知識】同埋【加密貨幣進階知識】系列，了解更多加密貨幣、公鏈、同埋更多進階玩法！
注意：加密貨幣價格有時會大幅波動，價格可升可跌，投資涉及風險，更可變得毫無價值。投資前應先閱讀有關產品的發售文件、財務及相關的風險聲明， 並應就本身嘅財政同需要詳細考慮投資是否切合本身特定嘅投資需要。
優惠受條款及細則約束。借定唔借？還得到先好借！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個 Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook 同 Instagram 專頁啊！你哋嘅支持同意見絕對係我哋港究專員繼續發掘著數嘅動力，下次見！
