相信有玩開加密貨幣嘅讀者，都知道ETH (ERC20) 每一次Gas 都幾貴 (仲要慢到飛起)。加上依家單靠智能合約都無辦法支撐太複雜嘅商業邏輯，大大咁限制Dapp嘅發展空間，加埋DAO最常用嘅功能只有投票功能，社群成員好難通過DAO進行更加複雜操作。而METIS 嘅創新同出現就係為咗解決呢啲問題，

例如：

1. 有別於其他嘅Optimistic Rollup方案只支持有限既單虛擬機器 (VM)，Metis支持多虛擬機器並用以支撐唔同嘅DAC同時運營，並避免潜在嘅吞吐率樽頸，一嚟可以進一步加大去中心化程度，二嚟避免單點損失同受到中心化機構嘅控制。
2. Metis嘅虛擬機器與EVM相容，因此開發人員唔需要再花時間去學習新嘅語言就可以開發。對於非區塊鏈用戶，對佢地嘅引導同介面都會變得非常簡單，佢哋可以好似打開其他網頁應用程式一樣去操作佢哋嘅去中心化社群或者應用。
3. Metis支持以微服務架構為基礎嘅開發框架，可以好方便咁拓展各種工具集、智能合約模版及規則憲章，開發人員可以簡單安裝 / 移除微服務工具去構建佢嘅應用，咁樣對開發人員嘅應用更加友善，降低入手門檻。
4. Metis集合左IPFS去保護唔同去中心化業務嘅隱私需求，DAC可以選擇將乜嘢內容放到IPFS上保護商業隱私。
5. Metis新增左Layer 2嘅Ranger機制，通過競爭挖礦機制嚟激勵驗證節點快速進行驗證，進而提升從Layer 2到Layer 1嘅驗證效率，明顯縮短驗證時間。
6. Metis認為Web 3.0係一整個嘅經濟體，因此每個DAC應該具有自身哋持續性，所以Metis支持Dapps / 社群發行自己嘅Token，來激勵內部的經濟活動。
7. Metis仲會將DAC嘅框架融合到Metis Rollup之中，作為基礎單元嚟支持去中心化應用、社群和業務嘅運營同管理。