前排港究專員介紹咗冷錢包Ledger，相信大家仲有少少印象，知道冷錢包同熱錢包嘅優點同缺點。咁依家趁熱打鐵為大家介紹一個十分熱門嘅熱錢包MetaMask小狐狸。非常簡單易用又十分安全，睇完港究專員介紹即刻開返個啦！
仲未睇過介紹冷錢包Ledger嘅讀者，嗱嗱聲去溫下書先，了解下冷錢包同熱錢包嘅優點同缺點啦！
我哋都有介紹各種交易所，有興趣歡迎睇睇。
【Bitcoin都可以收息？】最大交易所幣安Binance註冊教學及旗下收息平台幣安寶介紹
Table of Contents
MetaMask介紹
簡單介紹吓MetaMask係咩先，MetaMask係一個建基於以太坊區塊鏈(ethereum)嘅錢包，各位讀者要注意，只有以太幣或者其他喺以太坊上面發行嘅代幣先可以喺MetaMask上面存放，其他諸如Bitcoin，ESO等等其他鏈上嘅代幣，全部都唔支援，要非常非常留意。
咁MetaMask有咩好呢，原來佢唔單止可以存放資金，仲可以幫我哋連接以太坊上面開發嘅Dapp，喺去中心化交易所上進行交易，兼綁定Ledger等冷錢包添。
以上全部嘅嘢，你只需要喺Chrome (Brave同Firefox都支援！)上面安裝一個MetaMask add-on就可以做到，非常簡單易用。同時，自佢開發以嚟，從未發生過安全問題 (不過要小心辨別真偽，最好去官網Download正版使用)，亦同時支援Android同iOS，難怪佢可以做到最受歡迎嘅加密貨幣錢包啦~
MetaMask註冊
首先去呢度選擇你要使用嘅平台。以下港究專員以Brave瀏覽器為例子。
Brave係主打保護隱私同去除廣告嘅一個好好用嘅瀏覽器，採用Chrome核心。平時上網，仲可以賺到少少錢添。快啲睇下我哋詳細嘅文章介紹啦~
【網絡安全必備】想唔洗VPN都可以有加密鏈接仲可以搵下錢? Brave Browser啱曬你心意
1.首先去呢度或者插件中心Download MetaMask，要注意揀返下面呢個啊！
2.選擇新增擴張功能
3.開始使用啦，個小狐狸仲可以360°咁轉，好得意啊~
4.選擇創建錢包
5.選填是否願意幫助改善MetaMask
6.建立密碼~
7.一定一定一定 (好重要所以講三次) 要存放好嗰12個英文字嘅助憶詞 (recovery phrase)，唔記得密碼唔可怕，但唔見咗助憶詞嘅話冇人可以救到你，所有錢包入面嘅加密貨幣都會唔見晒。建議大家手寫好，跟住擺入屋企保險箱或者其他你覺得安全嘅地方，最好唔好就咁簡單影相擺手機啦！同埋絕對絕對唔好好似港究專員咁畀人哋睇到，做完教學呢個賬戶就會棄置架喇。
8.跟之前次序填好個助憶詞，確認。
9.成功建立啦，係咪好簡單呢~
10.嚟到主頁面啦，準備下一Part~
MetaMask基本操作
其實操作都幾一目了然，下面簡單展示幾部份比讀者參考下。
存幣
1. 撳下個「Buy」掣，會見到呢個版面，直接存入或者使用佢官方嘅平台購買，當然建議都係使用我哋前面介紹過嘅交易所購買再存放會平啲同方便啲啦~
2. 會見到個QR Code同個以太坊地址，將你其他地方嘅幣存入就可以啦。千祈唔好入咗去港究專員個賬戶啊！想支持港究，多多Share & like Post就好啦！
提幣
1.發送後，填要收款嘅地址就可以了。
添加代幣
以添加USDT為例，撳「加入代幣」。再搜索USDT添加即可。存USDT同提USDT操作同上面大同小異，呢度就唔為大家示範多次啦~
MetaMask復原賬號
如果唔記得密碼都唔緊要，前面Save低嘅助憶詞可以好快速咁幫你搵返個MetaMask錢包。
重新添加MetaMask填助憶詞匯入錢包即可。
鏈接DApp
嚟緊港究專員會為大家介紹各種熱門DApp及使用教學，敬請期待。
透過去中心化交易所 (DEX) 交易
嚟緊港究專員會為大家介紹各種熱門去中心化交易所 (DEX)及使用教學，敬請期待。
立即Download MetaMask→
我哋都有分享其他加密貨幣交易所，歡迎睇睇。
【Bitcoin都可以收息？】最大交易所幣安Binance註冊教學及旗下收息平台幣安寶介紹
之前我哋港究專員都介紹咗加密貨幣簽賬卡Wirex卡以及CRO卡。嚟緊幣安都會出加密貨幣簽賬卡，港究專員會第一時間為大家update！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook專頁同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
