Defi一路發展到依家，各鏈生態越嚟越健全，金融產品玩法都越嚟越豐富，唔少人除咗睇圖炒賣外，仲發掘咗一啲新嘅套利方式。今日港究專員就同大家分享一個單幣借貸嘅玩法。
單幣抵押借貸 (Lending ＆ Borrowing)
借貸一直係 DeFi 生態嘅重要部分，借貸平台有好多種，目前大部分都屬於超額抵押借貸。例如Marker、Compound、Venus (BSC鏈)、Lendhub (Heco鏈)等等….
抵押借貸就係要借先押，借方可以通過抵押幣嘅行為，嚟借一定比例嘅其他幣種。抵押方亦可以將自己嘅幣抵押 (存入) 去交易池，供應畀其他人借幣，以獲取一定嘅利息收益。
簡單嚟講，手上有 BTC，唔想套現，要去借一啲 USDT 出嚟，咁你就可以通過借貸平台抵押存入 1 BTC，然後借出 0.6 BTC 等值嘅 USDT。以上舉例嘅抵押率係 60%，每個平台嘅最大抵押率都唔同，唔同平台各幣種之間嘅最大抵押率都有差別，無可能借到盡，只能借抵押 BTC 嘅一部分價值 (少於100%)。
抵押之前不妨格吓價，睇吓邊個平台嘅Lending APY 最高，亦睇吓你想借嗰隻幣嘅Borrowing APY邊度最低。當你借咗穩定幣之後你就可以再拎去投資，可以考慮吓玩IDO、Initial DEX Offering (首次去中心化交易所代幣發行) 或者保守啲組一啲APY大過你Borrowing APY嘅LP，咁就真正做到雙重投資啦。
記住，除咗用穩定幣做抵押之外，其他數字貨幣價格波動都比較大，存借比例一旦等於或大於最大抵押率，就容易觸發清算。
清算 (Liquidation)
即係你抵押或借出嘅幣種價格發生波動，當抵押物價值下降 (幣價下跌)，或者借出資產總值增加 (幣價上漲)，抵押率大於最高抵押就會觸發清算。
舉個例，你存入 1 BTC，價值 USD60,000，假設最大抵押率 60%，然後借出咗 USD3500嘅 ETH，當前抵押率 58.3%。
當 ETH 價格上漲，借出嘅ETH 值達到 USD3800，抵押率達到 63%；或者係當 BTC 價格下跌，存入嘅價值降到 USD50,000，ETH價格不變，抵押率達到 72%；抵押率超過最高嘅60%，就會觸發清算。
所以，當你借錢嘅時候，要睇清楚借貸平台嘅條款同埋利息收費，另外，當然係要留意幣價波動同埋清算比率。
用穩定幣嚟做單幣抵押借貸嘅風險可謂最低，因為你唔使擔心幣價出現大波動時會觸發清算，所以理論上用穩定幣借幣進行投資可以比較進取。不過，借貸平台帶嚟嘅風險都不容忽視，每日都有好多黑客發動惡意攻擊，令借貸平台蒙受巨大損失。所以都係用返自己熟悉嘅公鏈同埋平台，咁就可以多一份安全感啦！
想知道更多第一手資訊嘅你記得畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
