呢排港究專員為大家介紹咗好多加密貨幣相關嘅內容，原來依家買加密貨幣已經咁簡單，有得申請簽賬卡消費，又有得利用交易所買賣。假以時日，加密貨幣勢必可以走向主流，與我們生活息息相關，而港究專員會為大家Keep住Update最新相關資訊，令香港人都有機會搭上呢班早班車。
未睇過我哋之前嘅分享，嗱嗱聲睇下啦！
【Bitcoin都可以收息？】最大交易所幣安Binance註冊教學及旗下收息平台幣安寶介紹
之前我哋港究專員都介紹咗加密貨幣簽賬卡Wirex卡以及CRO卡，歡迎收睇。嚟緊幣安都會出加密貨幣簽賬卡，港究專員會第一時間為大家update！
今日篇分享嘅主角就係我哋個Ledger冷錢包啦，講到明加密貨幣，錢嚟架嗎，點都要有個錢包裝住。以往港究專員為大家介紹嘅無論係簽賬卡，或者係交易所，雖然都可以擺低加密貨幣，但或多或少都會有啲安全隱患，譬如發卡銀行破產啦，黑客入侵交易所啦。雖然港究專員為大家介紹嘅呢幾間出過事嘅公司，都非常為客人負責，但始終如果係大額資產，錢點都係擺喺自己銀包最安心，穩陣。而Ledger就係目前最受好評嘅冷錢包公司之一。
文章內容
冷錢包 & 熱錢包介紹
睇到咩冷錢包，熱錢包，相信好多讀者睇到都一頭霧水，咩熱錢包啊，熱狗包我就知。其實呢港究專員剛剛開始接觸時都係唔係好分得清，呢度為大家簡單解釋下啦！
熱錢包介紹
首先講下常見嘅熱錢包，簡單嚟講，就係有鏈接網絡嘅加密貨幣錢包。有簽賬卡啦，交易所，收息平台以及Metamask呢類去中心化交易所常用嘅個人錢包，嚟緊港究專員都會為大家介紹更多好用嘅熱錢包，敬請期待。
咁熱錢包嘅優點同缺點係咩呢，除咗上邊提到幾點，港究專員喺度稍微list一吓。
優點
缺點
1.有被黑客入侵嘅可能
2.交易所都有可能被黑客入侵或者倒閉捲款潛逃嘅可能性
3.簽賬卡都有發卡銀行倒閉嘅風險
簡單嚟講熱錢包就係方便，但可能有小小風險。
冷錢包介紹
而冷錢包就係唔使時時刻刻連接網絡嘅加密貨幣錢包，除咗擺入資金後，基本可以唔需要聯網，大大減低咗被黑客入侵嘅風險，其實就好似個保險櫃咁。事實上好多交易所本身，亦購買冷錢包，離線保障客戶資產。而目前最大規模嘅兩間公司就係Ledger以及Trezor。呢度都為大家list吓冷錢包嘅優缺點。
優點
缺點
簡單嚟講冷錢包就係安全，但可能有小小唔方便。
其實無論係冷錢包定熱錢包，唔係唔可以共存，長期儲備擺冷錢包，日常交易就擺熱錢包，咁樣就最fit！
Ledger介紹
Ledger Nano S | Ledger Nano X | |
容量可供裝App | 20 | 100 |
連接電腦 | √ | √ |
連接電話 | × | √ |
USB插頭 | Micro USB | USB Type-C |
獨立電源 | × | 8 小時 |
大小 / mm | 57 x 17.4 x 9.1 | 72×18.6×11.75 |
重量 / g | 16.2 | 34 |
外殼選擇 | √ | × |
免費送貨 | × | √ |
價錢 | HKD549 | HKD1099 |
Ledger使用教學
可參考官方教學設置，需要非常注意嘅係，一定一定一定(講三次)要存放好嗰24個英文字嘅助憶詞(recovery phrase)，錢包唔見咗隻唔可怕，但唔見咗助憶詞嘅話冇人可以救到你，所有嘅加密貨幣都會唔見晒。建議大家手寫好，跟住擺入屋企保險櫃或者其他你覺得安全嘅地方，最好唔好就咁簡單影相擺手機啦！
溫馨提示
近日Ledger爆出個人資料洩露事件，雖然幣無受影響，但收貨地址以及電子郵件等個人資料洩露咗出去。雖然目前Ledger仍然是最安全嘅冷錢包，但港究專員喺呢度建議大家，如果想要購買Ledger，最好使用Spare email以及模糊地址（譬如用樓下七仔收貨咁）。港究專員會持續觀察Ledger以及其他冷錢包產品，若有更好選擇，會及時為大家推薦。
我哋都有分享其他加密貨幣交易所，歡迎收睇。
【Bitcoin都可以收息？】最大交易所幣安Binance註冊教學及旗下收息平台幣安寶介紹
之前我哋港究專員都介紹咗加密貨幣簽賬卡Wirex卡以及CRO卡，歡迎收睇。嚟緊幣安都會出加密貨幣簽賬卡，港究專員會第一時間為大家update！
如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook專頁同埋 Instagram 專頁，你哋嘅支持同意見絕對係我哋港究專員繼續發掘著數嘅動力，下次見！
