即刻睇：
Yield Farming 流動性掘礦出現唔夠三年已經成為加密貨幣中重要一環。只係單單存錢入平台就可以收息1000%APR 真定假？所謂「高風險高報酬」，追求年化 1000% 收益嘅背後到底有咩風險？除咗合約漏洞及惡意後門外，無常損失 (Impermanent Loss，又或者簡稱IL) 亦係其中一個問題，咁究竟咩係無常損失？
咩係無常損失？
喺一般嘅中心化交易所 (CEX) 入面，買賣都係同交易所嘅market maker做對手盤交易。不過喺 Uniswap 或其他 AMM (automated market maker) 機制嘅去中心化交易所 (DEX) 入面，流動性提供者 (Liquidity Provider) 會自動同時成為買方及賣方，一旦有人發起交易，價格就會隨之變化，連同改變池內嘅持倉。
簡單而言，身為流動性提供者，當價格下跌時，唔單止本金會虧損，同時仲會被強迫加倉，越虧越多；反之價格上漲時被強迫減倉，比就咁買幣賺少咗。
值得特別注意嘅係，當其中一種幣價歸零時，另一半嘅幣值都會一齊歸零，(所有 USD 都被人買走)，損失可以係-200%。
無常損失方程式：
因此當有人砸盤時，會加大所有流動性提供者嘅虧損，引起恐慌後紛紛撤出池。此時池內深度變差，滑點變大，價格跌更快，引起更多人恐慌而撤池砸盤，不斷惡性循環，造成人踩人嘅局面，俗稱「死亡螺旋」。
有無常損失係咪唔好掂？
要回答呢個問題，我哋直接用例子測試無常損失實際會造成幾多損失：
假設最近出左隻新幣叫$MOON (現價 1 $MOON = USD100)，我哋將佢放入 AMM流動池後質押希望獲得 $MOON作為獎勵。不幸地，我哋買入$MOON後，$MOON直線下插50%。
數學題：當幣價下跌 50% 後，無常損失為多少？
答案：無常損失為 -5.72% (-5.72 USD)。(數唔洗自己計嘅，用無常損失計算機就得)
由上整理可發現，即使幣價下跌 50%，無常損失僅為 -5.72%，喺呢個情況下，賠錢主因係幣價下跌，無常損失並唔係致命原因。
流動性掘礦如何避險？
DeFi老手或者機構投資者或者已經十分熟悉：做流動性挖礦時，只要去除投入本金波動嘅風險，我哋就可以更穩健賺取額外獎勵。
要達成消除本金波動嘅最簡單方法就係去交易所開空對沖。
以啱啱例子繼續舉例：假設我哋打算投入 1 $MOON + USD100 嘅資金去增加流動性。咁避險嘅方式就係到交易所以 1：1 嘅方式同時做空 1 $moon。當幣價下跌時，我哋交易所嘅空倉會獲利，反之亦然。
對沖有兩點要特別注意：
(1) 做空要支付資金費率，如使用槓桿亦會產生借貸利息，金額按當時做空需求而定；
(2) 由於喺流動池內 $MOON嘅數量會隨價格變化，做空嘅倉位要不時因應流動池內嘅 $MOON 數量去加減。
所以，做空並非 100% 對沖風險，實際降低風險因幣價而異，詳見下圖：
總結
「歸零」、「死亡螺旋」… 每個詞語都令人睇到心驚膽顫。既然咁恐怖，點解仲要玩？雖然無常損失好似好得人驚，但AMM交易機制係Decentralized Finance (DeFi) 重要一環 －正因為有AMM機制，我哋交易先可以比以往透過傳統機制有效率得多。除此之外，DeFi 平台日新月異，為咗吸引用家，唔少新平台都會空投 (Airdrop) 早期使用者。空投嘅金額可以係當初投入本金嘅數以十倍！而最實在嘅利益，當然係令人心動嘅年化利率。但邊個礦安全，又有邊個礦可以有咁高年化？即刻入嚟我哋討論區獲取最新消息！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
