玩 NFT 嗰陣會唔會因為 ETH gas fee太高而帶嚟唔少壓力呢？或者你睇好 NFT 嘅前景，覺得佢會好似前幾年嘅 ICO 一樣，會有一個唔錯嘅成長，而想伸多一隻手埋去？除咗 ETH 鏈之外仲有 immutable X (IMX) 可以參考一下，佢係喺以太坊上第一個NFT Layer 2 解決方案，佢主要應用喺遊戲、金融同埋交易市場等NFT嘅場景，主要係想解決 ETH Gas 貴嘅問題。
Table of Contents
現時 ETH 問題
以太坊最大嘅問題絕對唔係輸送量或者其他問題，而係ETH鏈昂貴嘅交易成本(gas fee)，當然喺以前嚟講 1ETH 只係值幾十甚至幾百 USDC，但係依家已經係超過 3,000 USDC，即係話零點幾ETH嘅Gas Fee，當然幣本位係無唔同，但係以U本位睇嘅話就由以前嘅兩位數USDC 到依家嘅幾百USDC。
喺區塊鏈業務入面其實好少有需要好高 TPS (Transaction per second) 嘅場景。
好多ETH使用者畀其他鏈搶走嘅原因通常都係因為以太坊太「塞車」同埋乙太坊手續費太貴，如果你有玩開其他鏈嘅話，你可以諗吓你點解玩嗰條鏈嘅原因，真係因為交易速度或者成本貴？
Immutable 嘅優勢
佢嘅出現就係用嚟解決依啲喺以太坊上面嘅問題，佢嘅技術有幾個優勢 :
- 即時交易
- 高輸送量
- 零gas
作為用家，係咪即時交易同埋高輸送量係比較難有感覺，差30秒係咪有好大分別呢，港究專員又未必係咁諗，而高輸送量對於一個唔睇技術嘅休閒用家係咪真係咁緊要呢？
不過零gas對於一啲休閒用家或者假日用家的確有返一啲吸引力嘅，始終錢係最實際，相比喺其他鏈畀一筆gas 嘅情況下，唔洗畀嘅 IMX 可以令一啲初步想接觸 NFT 或者相應場景嘅人可以以一個更低嘅成本，甚至係一個零成本作嘗試。你可以想像一下，如果你係一個新手純粹想試吓買完一個 NFT 即刻放返出去嘅話，你嘅成本可以講係零，當然前題係你買嗰個 NFT 無跌價。
immutable X 應用
以前唔同嘅 GameFi 我相信大家都玩過唔少，每次點擊遊戲入面嘅掣，需要進行支付嘅時候都必須畀一筆gas，如果個遊戲係喺BSC上都唔算太大支出，但係喺以太鏈上面嘅一次gas就真係幾入肉吓。想解決依個問題，其中一個方法就係遊戲要用一個中心化嘅解決方案嚟處理遊戲內部嘅交易，最後先至上載返去區塊鏈上面，以減少鏈上操作嚟降低gas成本。不過依種方法有一個致命缺點就係容易受到攻擊。當然依個唔係一個大家想見到嘅倒退方法。而IMX 依個 0 gas 嘅賣點喺應用上就發揮佢嘅作用。
IMX 背後投資
IMX嘅投資機構可以話係一個明星陣容，有唔少一般人都會識嘅機構，例如三星、coinbase、FTX、Animoca Brands、Huobi、仲有騰訊嘅最大股東NASPERS等等。
以上任何一個機構單獨出嚟投資一個項目，嗰個項目唔多唔少都會受到市場嘅矚目，更何況immutable係有唔少依類嘅機構投資。
市場需求
依家接入immutable嘅項目好多，其中比較出名嘅有VeVe、Illuvium同埋OpenSea 。
以前OpenSea喺提交NFT去市場嘅時候係需要手續費，但係依家因為 OpenSea 底層嘅協定已經換咗無用ETH，所以依家OpenSea已經唔需要上架手續費。
想知更加多關於 NFT 嘅知識同平台，可以參考吓：(No firm link for the first 3)
Veve NFT 買到啲咩？除咗 OpenSea 唔可以錯過嘅 NFT 平台
【加密貨幣基礎知識】新手玩 NFT 注意事項
熊市期間，如何尋找優質NFT項目？
【Swap Debit Card】全新虛擬支付卡，預先註冊更有NFT Giveaway及HKD60開戶推薦現金回贈(港究獨家優惠)！
經濟模型
前面講到咁多喺 gas fee 上面嘅好處，咁佢又係點達到一個持續發展呢？依個時候就可以睇吓經濟模型。喺官網解釋有三個重點，不過另外兩個唔算太重要嘅。，正如前面所講 gas 先係 IMX 嘅重點：
DAO治理
港究專員就會話依個賣點無咩特別，純粹係噱頭嘢，依家好多項目都會話自己有嘅token有DAO嘅功能，不過有都一定好過無嘅，但係實際可以增升到幾多投資者嘅利益就另作別論。
質押
你可以通過質押嚟分獎池入面嘅 IMX 份額，主要係想短期內以減少流通數量嚟提高同穩定幣價，不過長期只會帶嚟通脹，最終好似ETH咁。
用嚟做交易費用
依個係最重要嘅機制！官網寫到每一筆交易嘅20%協定費必須以IMX支付，如果嗰陣你無依種幣嘅話嘅話，系統就會自動幫你去市場買。
我哋依家係睇緊唔同幣同埋唔同項目喺 未來 嘅發展，如果 NFT 係同幾年前嘅 ICO 有差唔多嘅發展路向，依個就係一個好值得捕捉嘅機會。
要知道依家NFT板塊仲未完全爆發，隨住NFT板塊嘅發展，如果越嚟越多項目接入，依20%嘅手續費將會係一個高頻率交易。當一個幣嘅交易量上升，自然每粒幣嘅價格都會上升。如果你唔知點解嘅話，你可以將佢比喻為平時信用卡嘅 POS 機，供應商提供畀商家碌卡服務，但係每次都會喺交易入面抽取一定手續費。
例如喺OpenSea嘅NFT交易，已經係一個接入咗IMX嘅應用，而且OpenSea係一個作為NFT市場嘅龍頭，可能你會有啲奇怪，點解個價格都仲算係幾平呢？最主要係因為為咗拓展市場，目前仲係免費使用。
對比吓ETH，作為燃燒以太坊最高嘅應用，OpenSea 每日會燃燒650 ETH 左右，即係將近200萬美金，可以想像一旦IMX協議費用開始消耗，單單OpenSea一個生態嘅消耗量會有幾大。
考慮其他類似嘅應用場景，如果金融交易想得到高速並且0 gas 嘅用戶體驗，或者係其他 NFT 平台，IMX生態會不斷有項目接入。不過唯一可能出現變故係代替品出現，但目前從技術成熟度同埋市場佈局就未有對手嘅，而且唔少龍頭項目都開始向IMX招手。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
