DYOR 其實係咩嚟呢？點解成日喺唔同嘅 Project 介面或者一啲 Telegram Group 例如投資 YouTube Channel 成日彈出嚟嘅免責聲明一樣成日會見到依4個英文字母。其實佢係Do Your Own Research 嘅縮寫，咁Research要做啲咩？用啲咩嘅範疇？下面會講多啲可以以咩方向做Research 去了解多啲你想搵嘅幣種。
跌市嘅時候除咗可以做定功課幫自己搵定目標之外，你仲可以參考我哋嘅躺着賺錢系列：
功能
其中一個係可以睇吓啲幣有咩用？解決到啲咩問題？當一樣嘢解決到嘅問題愈多，佢嘅價值自然會愈高。正如一個人如果你可以做到嘅嘢喺數量同質量上面都比另一個人更高水平，自然老細就會以一個更高嘅人工請你。而喺幣圈，就可以睇返唔同嘅幣種解決到咩問題，例如 bitcoin 係用嚟解決通脹問題，而ethereum 係用嚟解決開發嗰陣時嘅過高銀行手續費同埋太慢嘅問題。當然依家ETH 嘅Gas Fee 都唔係平，所以2015年ETH 推出之後就會有一啲叫自己做「ETH Killer」嘅幣種出現，例如FTM、SOL等等。
易唔易被取代？
就好似BTC 因為係區塊鏈第一種幣種而佢又係最多人所認識嘅，所以佢係好難被取代，自然揀BTC個風險就會較低。又或者佢嘅技術係好難被複製，好似之前介紹過嘅 Fantom鏈咁，佢係用一個叫 Lachesis 嘅 POS 系統，一個只有大概50人嘅系統，而且門檻都幾高，需要有1,000,000 FTM 先可以做到 Validator，而且依個名額一早就已經滿，唔係你想做就可以做到。依個Lachesis 嘅系統只係控制成個網絡三分之一嘅幣，相對其他嚟講係一個好少嘅數量。
團隊
包括創立同埋發展團隊，就好似Fantom鏈咁佢哋有一位DeFi Architect 就係 Yearn Finance 創辦人 Andre Cronje ，就係因為有依一位有實力嘅人物令 Fantom 鏈好用得嚟被Rug風險又低。你可以想像吓，你會想投資 / 參與落一個由一個權威所創立同建設嘅項目，定係參與一個由一位無名小卒整嘅項目呢？
注意：加密貨幣價格有時會大幅波動，價格可升可跌，投資涉及風險，更可變得毫無價值。投資前應先閱讀有關產品的發售文件、財務及相關的風險聲明， 並應就本身嘅財政同需要詳細考慮投資是否切合本身特定嘅投資需要。
如果你仲係有啲唔明，甚至想同港究專員討論吓，歡迎你加入我哋嘅 Telegram 群組 或者喺我哋嘅 Instagram ，或者甚至喺下面留言問吓港究專員㗎！
幣嘅凝聚力
一種幣或者一條鏈嘅社群係一個非常重要嘅存在，可以帶動成條鏈嘅活動同埋發展。喺依一方面，你可以參考吓嗰種幣種嘅 Reddit、Twitter、Telegram 或者 Discord 社群，睇吓入面有無一啲唔同方向嘅討論。如果無咁多時間mon 住每一個社群嘅話，你亦可以參考吓佢哋嘅followers 人數，就算唔參與討論都可以追蹤一下自己有興趣幣種嘅最新資訊同埋相應嘅發展。
Fantom 就係一個好好嘅例子，除咗有好多唔同嘅社群之外，仲有唔少熱心人士不停咁推廣，例如有一個 Twitter 同 YouTube Channel 叫 FTM Alert，佢經常會介紹一啲 FTM 鏈上面嘅最新項目同埋有啲咩大事發生。
就好似 Fantom 同其他競爭區塊鏈對手相比，具有許多優勢：
- 目前Fantom TVL (Total Value Locked) 近USD53億，交易時間約為1秒，而總交易量己達9,700萬宗；
- 成本極低：平均交易費用降至每筆交易 USD0.0000001；
- 安全性：Fantom 驗證器節點 (Validator) 嘅權益證明網絡以無領導、去中心化同去信任嘅方式保護網絡。隨著網絡嘅發展，通過增加去中心化變得更加安全，令攻擊變得困難且無利可圖。目前Fantom共有43個validator 正常運作中；
- 可擴展性：Fantom 協議可以無縫擴展到數千個節點，而不會影響網絡嘅隱私或安全。
其實研究一種加密貨幣有好多可以考慮嘅因素，如果大家想知多啲依方面嘅基礎知識歡迎喺下面留言或者可以inbox 話畀港究專員知，之後可能有更多同類嘅文章上架，大家敬請期待。
延伸閱讀－加密貨幣轉賬平台
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
