加密貨幣嘅目的都係去中心化，而去中心化係咩嚟？相信睇到呢到嘅讀者已經對crypto有一定嘅認識，所以專員就唔再多講啦。簡單講，去中心化即係每個人都可以係中心，唔會有人 / 機構過於獨大。
而去中心化之餘，讀者如果想自己發掘啲有潛力嘅去中心幣應該點做？就可以靠DefiLlama喇~
講到呢到，咁就要講下Defi鏈係咩嚟。Defi全名係Decentralized Finance，一般被譯為「去中心化金融」，基於block chain同NFT所有嘅應用。咁基於幣市好多嘢都係由Defi鏈中嘅幣進行，投資定一隻Defi幣再等佢出更多潛力嘢，再令佢爆升，咁都係十分常見嘅現象。
由上圖可以睇到Top 10嘅Defi鏈幣嚟嘅，讀者有興趣可以了解更多，上邊都有好多有趣嘅幣等緊你去發掘。
咁如果想搵啲多人玩嘅Defi幣又點睇？ 咁就可以參考DefiLlama上邊show出嚟嘅TVL。TVL係指有幾多量被鎖倉，但始終不可盡信嘅，因為crypto市場都有好多tricky嘢。
上圖係Top 10嘅但基本上TVL越大嘅話，代表越多人stake咗呢隻幣。可以簡單啲諗就係越多人stake越多人喺呢隻幣上邊做交易。
但專員揀一隻幣除咗會睇佢嘅TVL之外，仲會睇佢背後嘅團隊同埋理念。例如AVAX呢隻幣咁，專員會睇晒佢地嘅founder係邊個、上佢哋官網睇吓其實係做啲咩，同埋用AVAX可以玩咩project咁。咁當然，玩幣最緊要係留意twitter，基本上所有幣都有佢嘅official twitter，佢地所有progress同project都會公開，咁就會偏向比較穩陣啲。
除咗Defi幣之外，都有得睇受歡迎嘅NFT架，係咪好實用呢！
專員就覺得，投資前一定要做足功課唔好人買你買，就最穩陣啦！
咁讀者可以見到，大部分NFT係用ETH做交易單位嘅，咁如果想知點買賣NFT / 玩其他幣嘅話，咁就一定要留意我哋港究文章！
多謝讀者耐心睇，以下係我哋crypto有關嘅文章，有興趣嘅讀者可以撳嚟睇睇：
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
