呢期NFT真係加密貨幣圈嘅大熱話題，比較出名嘅包括周杰倫熊、Bored Ape、Bunny Warriors等，連唔少名人都有買，仲用嚟做IG頭像！買賣NFT賺到錢固然開心，但其實加密貨幣世界詐騙層出不窮，駭客每分每秒都喺度諗點樣去偷走你嘅錢，新手有可能因為授權惡意網站，造成金錢損失。所以為咗保護自己嘅資產安全，今天港究專員就以Debank 進行示範，教大家撤銷 (Revoke) 對各種 Dapp 嘅授權，以免被騙徒有機可乘！
Debank 簡介
Debank屬於一個集合多個公鏈Defi項目嘅信息收集平台，你可以於Debank一覽你於各大公鏈嘅資產，更可以追蹤大戶錢包，方便用家掌握自己資產嘅狀況，連喺Defi農場嘅資產 (包括LP) 都能夠詳細顯示！
而Debank必需學識嘅功能必定係取消合約授權，一定要養成良好手勢，定期清理賬戶授權，尤其是新出而又未經審計嘅項目，更加要小心其合約授權設置，每次授權新合約嘅時候都一定要睇清楚詳情，最好就用一個新銀包嚟玩新項目，將要投入嘅錢轉去新銀包先好參與高風險嘅新項目，否則用咗主賬戶的話，一不小心分分鐘被騙徒清空銀包！
Dapp合約授權風險
當用戶於區塊鏈世界參與不同嘅Dapp項目，不論係買賣NFT 、DeFi 應用，抑或是Gamefi，都需要授權 Dapp 使用用戶代幣，而且有時候 Dapp 會一開始就向用戶要求「無限授權」，方便用戶無需每筆交易授權。
不過，當授權平台嘅智能合約原來背後係有漏洞時，無限授權合約去使用你嘅代幣，駭客便有可能透過合約漏洞，去偷取你嘅錢包資產。因此，使用Dapp後 (尤其是新項目)，及時撤銷授權，係十分重要嘅事情。
於Debank取消授權操作
進入 Debank 網頁，於右上方連結錢包後，再於選項欄㨂選個人頁面 (My profile)，再點Approval 部分就可以睇到各公鏈上嘅合約授權情況。
以下用FTM 鏈上授權項目作為示範，港究專員銀包授權咗不少項目，包括Sushiswap、Spookyswap呢類Dex，而較早前對 Beethoven (Fantom上的一個Defi項目) 使用 USDC代幣批准了無限授權 (Infinite)，若想撤銷此授權，需要點選最右方”Decline”。
點選”Decline”後就會跳出Metamask以下確認畫面，用戶需確認原先授予Beethoven平台有關USDC代幣的無限授權將會被改為 0 USDC。換言之，Beethoven 將無法再動用用戶的 USDC代幣 (Approved amount 將變為0)。
透過撤銷合約授權的確有助於減少惡意網站嘅威脅，從而保護資產安全。但由於每次撤銷授權都需要支付一筆交易費用 (Gas Fee)，於Fantom鏈上Gas Fee比較便宜，但如果喺ETH鏈的話，每筆交易費用就會比較貴了，所以建議讀者最好於一開始使用Dapp網站時做好評估，同埋記得一定要分開主錢包同副錢包，咁就可以大大降低被駭客入侵嘅機會啦！
更新：3月份開始，Debank網頁已經將取消合約功能轉移到Rabby銀包，呢個銀包係由Debank團隊發佈，係一款基於桌面瀏覽器嘅插件錢包 。Rabby 現已支持以太坊、BSC、Polygon、Fantom等公鏈，Rabby 現已通過安全審計並上架Google Extension商店。
正所謂「別將雞蛋全放在同一個籃子」，要分散風險就要用多幾個加密貨幣交易所及收息平台，以下可作參考及試用：
Celsius Network—每個禮拜派息嘅加密貨幣收息平台
【無需任何鎖倉！】穩定幣收息高達12.7%年化率，加密貨幣收息平台YouHodler教學
如果想了解其他加密貨幣交易所，歡迎睇睇：
【Bitcoin都可以收息？】最大交易所幣安Binance註冊教學及旗下收息平台幣安寶介紹
【轉數快都得？】三間最適合新手使用加密貨幣交易所
想繼續知道更多有關加密貨幣第一手資訊嘅你記得畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
