喺幣圈入面你經常會睇到一啲英文簡寫，作為新手嘅你睇唔睇得明呢？就例如一句：
「依隻幣已經做到一個ATH，因為佢嘅gas fee實在太低，吸引咗好多人去依條鏈上面嘅DeFi 去做staking 收息。仲要佢做咗未來NFT嘅交易平台可以透過唔同嘅wallet去買依個幣，不過小心依條鏈上都有啲會rug嘅DeFi 項目，最緊要係DYOR！」
當然喺現實嚟講未必一句會用咁多縮寫，不過除咗加入會炒幣嘅行列之外，你仲可以睇到更多關於區塊鏈嘅知識，了解多啲唔同嘅嘢增進知識，可能會令你有所得著呢？以下依17個terms只係最基本嘅入門，如果你已經唔係新手嘅話就可以暫時去鑽研更多唔同嘅知識。
Table of Contents
Crypto 新手一定要識嘅字
ATH
全寫係All Time High，即係歷史新高。同股票或者其他投資產品一樣，歷史新高可以代表好多嘢，可以認為係其中一種技術分析嘅特徵。作為新手嘅你喺依啲時候就更加要打醒十二分精神睇定啲先好入場。
Address
即係地址，就好似現實世界中嘅地址或網站一樣，區塊鏈上嘅地址係用喺識別特定地點或用戶嘅文本字符串。具體啲嚟講，佢係你喺指定區塊鏈上面特定錢包位置嘅文本字符串，可用於發送或接收數字資產。
DEX
係Decentralized Exchange嘅縮寫，即係「去中心化交易所」，同一啲成日會賣廣告嘅加密貨幣交易所有咩分別？個分別就係在於你同其他人交易嘅時候係無經過任何中間人，如果你用 Binance 嘅話，你要買一粒 ETH 嘅時候你係首先將你所用嘅FIAT交畀 Binance 先，然後再由 Binance 交依筆錢畀個賣家。而 DEX 就會少咗個中間人喺度。
dApp
長寫係decentralized Applications，「去中心化應用程序」係一個數字應用程序，佢存在並運行喺區塊鏈或者 P2P 電腦網絡上，而唔係喺單一部電腦上面，兼唔受單一機構嘅管轄同控制。
DYOR
Do Your Own Research，自己要做好資料搜集，唔同投資都有唔同程度嘅投資風險，尤其是係 DeFi 項目，記得要清楚了解你諗住買嘅幣種背後係做緊啲咩。依個係投資嘅 No.1 原則，基本上你見到咩項目都會見到DYOR依個字，始終責任要自己負返。
DeFi
Decentralized Finance 係講緊一種去中心化嘅金融服務。簡單嚟講，係同平時我哋會用嘅金融服務一樣，不過DeFi 係會以分散管理權同埋資訊透明 (即係所謂嘅去中心化)，再基於區塊鏈嘅方式經營，用嚟解決傳統金融產業嘅各個問題，例如：交易速度慢、成本高、或者會畀唔同嘅組織濫用等等。
目前嘅 DeFi 服務已經有借貸、合成資產、衍生性產品甚至獨有嘅閃電貸服務。例子： Pancakeswap、Spookyswap、等等。
Gas
Gas 係指衡量喺執行特定操作所需嘅計算工作量嘅單位。本身依個字係源自以太坊網絡，不過依家已經廣泛咁用喺所有加密貨幣嘅網絡上面。由於每筆交易都需要計算資源來執行，因此每筆交易都係需要收費。 所以 Gas 係指喺加密貨幣網絡上成功進行交易所需嘅費用，可以當係一個手續費。
IDO
Initial Dex Offerings 係代表託管在去中心化交易所 (DEX) 上嘅任何類型資產嘅代幣，可以諗佢做幣圈IPO，不過當然有更加多嘢需要注意。
PoS
Proof of Stake，即係「持有量證明」，你可以當佢係一個協議，講緊嘅係區塊鏈嘅一種共識機制，佢嘅工作方式係根據驗證者喺相關加密貨幣中嘅持有量成比例地選擇驗證者，主要用嚟取代以前 PoW (Proof of Work) 嘅協議。
注意：加密貨幣價格有時會大幅波動，價格可升可跌，投資涉及風險，更可變得毫無價值。投資前應先閱讀有關產品的發售文件、財務及相關的風險聲明， 並應就本身嘅財政同需要詳細考慮投資是否切合本身特定嘅投資需要。
如果你仲係有啲唔明，甚至想同港究專員討論吓，歡迎你加入我哋嘅 Telegram 群組 或者喺我哋嘅 Instagram ，或者甚至喺下面留言問吓港究專員㗎！
TVL
Total Value Locked 代表存放喺去中心化金融 (DeFi) 協議中賺取獎勵、利息、新硬幣和代幣、固定收益等嘅所有資產總和。 由於區塊鏈服務係喺P2P網絡上開發，所以無中央權威管理，建立或改善生態系統。因此，加密貨幣投資者自己會考慮使用佢哋嘅硬幣和代幣由下而上咁構建網絡。
Staking
即係質押，將手上嘅 Crypto同智能合約互動質押入DeFi項目入面獲取利息。
Scan
可以話係其中一個去中心化嘅應用，你可以透過佢去睇晒同一條鏈上面嘅所有交易。可以睇到交易金額、地址等等所有資料，唔會有一個中心機構去做一個記錄，而係由所有人去做。例子有港究專員之前介紹過嘅 Fantom 鏈上面嘅 FTMscan Chain Explorer。
Swap
係一種 DApps ，Swap 允許用戶輕鬆地將一種加密貨幣轉換為另一種加密貨幣，而無需離開用家嘅錢包。
Smart Contract
智能合約係一種自動執行嘅合約，買賣雙方之間嘅協議條款直接寫入代碼行。其中包含嘅代碼同埋協議存在喺去中心化嘅區塊鏈網絡中。代碼控制執行，交易可追踪且不可逆轉。
NFT
Non-Fungible Token 係一個儲喺區塊鏈上嘅數據，特點係獨特且唔可以互換。NFT 可用於將照片、影片同埋其他類型嘅數碼文件等項目表示係唯一項目(類似一個真實證書)，並使用區塊鏈技術嚟建立經過驗證嘅公開擁有權證明。
Rug
Rug Pull，同字面意思一樣，Developer 用張地毯包埋晒所有嘢，包括項目嘅TVL同埋其他相關金錢一齊拉走，同中文嘅「執包袱」有異曲同工之妙。係講緊喺DeFi 同埋其他加密貨幣中發生嘅非常災難性嘅情況，可能會令投資者帶來極大嘅損失。
Wallet
即係加密貨幣錢包，而依個錢包可以分為熱錢包 (Hot Wallet) 同冷錢包 (Cold Wallet)。熱錢包簡單嚟講就係有鏈接網絡嘅加密貨幣錢包；而冷錢包就係唔使時時刻刻連接網絡嘅加密貨幣錢包，除咗擺入資金後，基本上唔需要聯網，大大減低咗被黑客入侵嘅風險，其實就好似個保險櫃咁。
延伸閱讀－加密貨幣轉賬平台
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
Risk Disclaimer:
本文件載列的所有資訊於編製時被視為準確，但概不保證其準確性，亦不會就任何錯誤或遺漏承擔任何責任。投資者應自行核證。所述觀點與策略不一定適合所有投資者。
投資涉及風險，投資者應做好個人風險管理配置。投資者在進行投資前應索取及閱讀有關產品的細節（包括風險因素）。投資者不應僅依賴本頁面作出投資決定。在使用本頁面以前，投資者應該細閱有關產品的銷售文件，包括風險因素。根據個人財務狀況，確定任何投資，證券或策略是否合適閣下，如有需要，投資者應諮詢專業意見。
本頁面所有資訊旨在提供投資知識相關教育，本頁面並不構成買賣任何投資產品的招攬或承諾。
本頁面並未經證監會審閱，如投資者繼續閱讀本頁面，將視作投資者同意以上條款。
