加密貨幣投資本來就係高風險嘅項目，咁高風險換嚟嘅當然係大起大跌啦。
升可以升得好快好急，跌嘅都係一樣啦，有歸零嘅可能性。咁高風險又唔係等於佢係詐騙呃人，要知道加密貨幣係行去中心化模式，十分之獨立，咁樣會畀好多不法份子進行詐騙，最後要追究問責或追討賠償就難過Cut Cable TV啦。 所以港究專員想分享吓點樣避開虛擬貨幣投資詐騙嘅方法。做吓功課先，做完都唔識唔明嘅，建議唔好掂或投放極少資金去嘗試。千祈唔好All In呀， 咁樣多多錢都唔夠你輸。
Table of Contents
常見虛擬貨幣詐騙手法
虛擬貨幣詐騙手法 1： Rug Pull
Rug Pull 中文會翻譯成為「拉地毯」，就好似你企咗喺地毯上面畀人一野拉走攪到你仆低。簡單啲嚟講係叫「夾帶私逃」，姐係有人偷走平台啲錢然之後走佬。
比較出名嘅Case 就係魷魚幣SQUID，遊戲平台用爆紅嘅魷魚遊戲去順勢推魷魚幣SQUID，上線幾日就狂升700倍，之後幣價突然狂瀉到0.0008 美元，項目方疑似走佬，官網都登入唔到，攪到好多人都損手爛腳。
虛擬貨幣詐騙手法 2：ICO (Initial Coin Offering)
ICO係首次發行的貨幣。多數都係喺多社交媒體有人吹捧，同你講「依隻之後一定要升得好勁，我識朋友有份攪嫁依個項目… 」依啲比較例排嘅對白大家都可能聽過。
ICO 基本上任何人都可以攪，加上係缺少監管同審核，所以投資ICO項目就等於買個信字，最常見就係龐氏騙局模式嚟詐騙。
虛擬貨幣詐騙手法 3：空投 Airdrop
依一個手法係隨住虛擬貨幣興起而出現。空投就係贈送貨幣畀投資者，目的係為咗吸引更加多人去投資。騙徒多數都係用假連結授權去令錢包權限開放從而轉走你錢包上的資金。
再唔係就送咗不知名幣畀你，仲要已經喺你錢包出現，而你又交易咗依個不知名嘅幣，就好可能會啟動咗不知名合約而產生損失。好多人都係咁被一Q清袋無仇報。
虛擬貨幣詐騙手法 4：假交易所
假交易所詐騙手法比較簡單，會喺唔同社群度放風，話用邊個交易所賺幾多錢，吸引散戶入金之後，就唔畀你出金。呃得勁果啲會先畀甜頭你，到你賺咗好多之後就唔畀你出金。總之佢就會有好多理由唔畀你出金，多數理由係會話你戶口有風險呀要凍結呀咁樣。所以唔多識嘅交易所就要小心啦大家。
避開加密貨幣投資詐騙方法
避開加密貨幣投資詐騙方法
使用知名嘅交易所
全球交易所咁多，專員會提議TOP 10 嘅交易所。原因好簡單，夠安全。成日有人問XXX交易所是咪安全？玩得加密貨幣嘅你，首先係要擔心安全性問題，所以揀規模夠大同埋有番咁上下耐嘅交易所會相對之下比較有保障， 你投資時候都會少一份擔心。
【Bitcoin都可以收息？】最大交易所幣安Binance註冊教學及旗下收息平台幣安寶介紹
躺着賺錢系列：Pionex期現套利工具輕鬆賺年化15-50%穩定收入
做好資產分配
唔好咁傻豬豬咁所有資金放晒喺一個錢包度，或者All in 身家去一隻幣度。要好好分散投資，注意風險同安全。有需要就準備一個冷錢包，咁樣你資產會份外安全。
保障加密貨幣資產，Ledger冷錢包為你保駕護航
【可以拎Token!】真正完全離線加密貨幣冷錢包SafePal，做你安全嘅好夥伴
來歷不明嘅項目唔好掂
得閒就做多啲功課做Research，了解得多，就會避免投資上有錯誤嘅決定。唔好聽到有人話XXX 之後升得好勁就咩都唔諗就衝去買，有時係引人去接火捧，到佢大跌果陣你就會發現自己喺紫禁之巔度就喊都無謂，怪就怪自己。
控制貪念，保持謹慎
貪念係人都會有，但都要保持清醒冷靜。唔好貪一時之快不做風險評估及Research，因為大家有時會好易受到朋輩影響而跟風，睇到「超高回報，一個月翻本…」嘅語言藝術，社交媒體嘅賺大錢分享心得等等，好易走火入魔咁跟風投資。
希望大家每次投資都要保持小心謹慎。
鍾意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
