講到明係入門新手上路， Defi 咁深嘅我就唔講太多啦。今日同大家分享一下由零開始去投資加密貨幣，同埋簡單講解一下新手要知道嘅事。
亦都要記住，投資係有風險，大家記得要量力而為，唔好下下都All In，自己要做好風險評估呀。
Table of Contents
加密貨幣 (Cryptocurrency) 係乜嘢嚟？
加密貨幣大家都聽得多啦，但究竟係乜東東呢？簡單啲咁講，佢係虛擬貨幣其中一個子類別，基於區塊鏈技術而產生。相比其他電子貨幣可無限複製、無限生產；加密貨幣就可以透過智慧型合約限制發行數量，確保加密貨幣嘅價值同防偽安全性。
作為投資新手，最起碼都要識依啲嘢，如果唔係連自己投資緊係啲咩都唔知，又講唔出就唔太好啦。
加密貨幣交易所 (Cryptocurrency Exchange)
既然已經知道咩係加密貨幣，咁想去投資加密貨幣，應該由咩途徑去入手呢？ 我哋就可以去搵加密貨幣交易所進行買賣啦。暫時我輕輕咁講一講其中比較常用嘅三間交易所平台，分別如下：
幣安 (Binance)
網上亦都有人叫做 b on (哈哈)，對於新手嚟講，開一個幣安 (Binance) 賬戶就等同好似開一個Gmail account咁，係入門嘅第一步。 幣安嘅日交易量十分之大，可交易嘅幣種又多，流動性高，交易手續費低。
想了解多啲關於幣安嘅使用，可以去我哋相關文章去了解吓。
FTX
次熱門嘅交易平台，不過門檻就有啲高，香港喺2021-22 年度立法會審議是否就加密貨幣的交易進行監管。FTX 就作出超前部署，由即日起憑香港特區護照於 FTX 開戶嘅話，新客戶就必須要提供 HKD8,000,000 流動資產證明 或 需於 FTX 存放等值 HKD1,000,000 資金先至可以開到戶。如果一早開咗嘅朋友就無影響，資金彈藥勁嘅朋友都無問題。
想了解多啲關於FTX嘅使用，可以去我哋相關文章去了解吓。
2022年11月10日更新：
FTX目前無法處理所有出金要求，建議用戶不要再入金。
FTX is currently unable to process withdrawals. We strongly advise against depositing.
Bybit
2018 年 3 月成立，總部喺新加坡，公司喺英屬維京群島註冊。是係目前市場上第二大嘅加密貨幣期貨交易平台，市佔率達 16%。佢有住豐富嘅衍生品交易、現貨交易掛單最低可享0%手續費率，同時，Bybit都有提供唔少豐富嘅活動。
想了解多啲關於Bybit嘅使用，可以去我哋相關文章去了解吓。
加值 (Deposit)：
又可以叫做「入金」，將法定貨幣或加密貨幣加值到交易銀行賬號或個人交易所錢包。家陣大多數用嘅方法係信用卡， 電匯， P2P / C2C (銀行轉賬、現金交易、轉數快等等唔同支付方式)。
提領 (Withdrawal)：
都會叫做「出金」，將加密貨幣轉移出某錢包嘅行為，或者Cash out 去實體銀行戶口。依一步要處理得十分之好，做錯嘅話代價會係十分大。出金就可以P2P / C2C，喺交易平台電匯或者轉去Debit Card 碌卡咁用等等。
想了解多啲關於加密貨幣出金文章，可以去我哋相關文章去了解吓：
【CRO VISA Debit Card 加密貨幣預付卡】迎新賺USD25！送免費Netflix同Spotify！
【Swap Card】全新虛擬支付卡，預先註冊更有NFT Giveaway及HKD60開戶推薦現金回贈(港究獨家優惠)！
身份驗證 (KYC)
點解要做KYC 身份驗證呀？其實對加密貨幣而言KYC越嚟越重要。就好似其他金融機構，KYC 包含資料蒐集同驗證等基本功能。佢都包含客戶盡職調查同埋持續監控。隨著加密貨幣嘅價格同熱度提升，對於洗黑錢，其他非法活動等都帶來更嚴格嘅審查。
總結
好啦，大家都知道喺邊度買、點樣入錢、點樣出金呢啲最基本嘅概念。
下一次專員會同大家再分享一吓新手要了解同明白嘅事情。同大家一齊上路，學投資加密貨幣，由新手Level 1 升Level升到老手。新手一定有嘢想問但又怕老尷問戇居傻豬豬問題，我哋有 Telegram 討論區 ，大家唔駛怕老尷，交流吓都無問題。
You’ll never walk alone。
鍾意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
