【2021年3月24日最新更新】
一改再改！根據官方最新資料，現在Staking由以前CRO數改為以鎖倉嗰陣，CRO價值嘅所需固定金額為準。有關詳細資料讀者可以參考有關鎖倉部份。好消息係CRO成功獲取VISA主要成員資格，令人更有信心，同時宣佈開發自己嘅去中心化公鏈，幣價隨即大升。希望可以慢慢開始扭轉局勢，洗清過往嘅負面消息。
【2020年12月19日最新更新】
根據官方最新通知，現時鎖倉利息進行調整，各讀者如有需要，請詳細參考有關利息收入部份。
鎖倉數量由2021年1月18日，由原先最低2,500CRO變成5,000CRO。有關資料請參考文章鎖倉詳情。
【2020年10月7日更新】
今日Crypto.com正式宣佈，發卡公司由Ｗirecard Singapore Pte Ltd 變成PayrNet Pte Ltd，現行嘅CRO卡將不受影響。與此同時，某啲優惠已經過期，而官方暫時未有最新公佈，一有最新消息，港究專員會同大家更新！
【2020年8月4日更新】
今日Crypto.com嘅MCO出咗大更新，優惠大致上都無變，只係入場費改變咗，由之前最低入場費50MCO，變咗做1000CRO；直至8月4日文章更新為止，CRO一粒都係USD0.16，轉返做港紙即係HKD1.3一粒，變相低咗。用返以前嘅比例，以前就大約HKD2000蚊開到嘅Ruby Steel卡，依家大約HKD1300就開到喇！
另外，持有MCO Visa Card卡而卡內有MCO貨幣嘅讀者，必須喺2020年11月2日之前完成相關轉換手續 (即係將MCO轉去CRO)，否則有關MCO卡優惠及其功能將暫時停止，直至戶口持有人完成轉換，MCO Card公司唔會幫各位自動轉架，記得人手轉啦！此外，對於舊客戶，官方承諾只要舊客戶唔將轉過去嘅 CRO解鎖，原有嘅權益/福利將會繼續維持，包括碌卡後既回饋，不過變左回饋CRO，道理不變。
雖然新加坡CRO卡曾經因為發卡商Wirecard SG母公司Wirecard AG嘅會計問題喺2020年6月底暫停咗以信用卡增值CRO卡嘅功能，但期間依舊可以正常簽賬同提款、亦可如常賺到消費回贈；而喺2020年7月1日所有功能已經回復正常，睇嚟對CRO幣發行商Crypo.com影響不大。另外，2020年7月起可以用港幣直接買CRO幣啦！咁就唔洗再考慮匯價 / 外幣簽賬手續費啦！
CRO VISA Debit Card係一種預付卡，使用前要將足夠金額存到賬戶內，而非信用卡有信用限額，先消費、後找數，好處當然係唔怕洗大咗無錢找數啦！甚至可以作為一個離岸戶口添！申請步驟亦唔複雜，申請時要先存入CRO幣並抵押半年，下面會為大家詳細講解呢張卡嘅玩法。
如果有興趣想要一個喺香港都開到嘅離岸戶口，歡迎睇下我哋Dukascopy開戶教學！
如果對另一張加密貨幣簽賬卡Wirex卡興趣，歡迎Click嚟望望！
接住落嚟港究專員會介紹CRO VISA Debit Card嘅回贈優惠、申請方式、同埋點賺到USD25迎新再每7日收一次息！
目錄
必賺USD25迎新優惠
只需要喺手機下載Crypto.com App，並透過Kong’s Cult嘅推薦連結申請：
或輸入推薦碼「y2y66ju5yf」，
完成申請程序及存入指定最低金額或Crypto Currency用作轉換成CRO，成功鎖定資產後，就可以即時解除戶口內送贈的USD25！
高達100%消費回贈 (包括Spotify、Netflix等)
CRO Visa Card嘅發行地係新加坡，預付卡分5類，而拎邊一類就視乎你喺開卡時願意抵押嘅CRO幣數量：
- Midnight Blue (藍卡)（香港暫時未有得申請嫁！）
- Ruby Steel (紅卡)
- Jade Green / Royal Indigo (綠 / 紫卡)
- Icy White / Rose Gold (白 / 玫瑰卡)
- Black (黑卡)
存入CRO換回贈
根據你存入嘅CRO幣數量，你可以申請所對應嘅卡，從而獲得唔同等級嘅回贈，例如你存入4,000 USD 等值嘅CRO 並抵押半年就可以獲得100% Spotify同Netflix回贈，再加3%嘅簽賬回贈，回贈將以CRO幣形式存入戶口，詳細可以睇睇下面嘅表。
* * * * * * * * * *
不過放心，讀者之前已經開咗嘅CRO優惠同鎖倉係唔會受影響嘅，都係維持返之前申請嘅級別，不過如果鎖倉期後想維持返相關嘅優惠，就可能要放多少少落去啦！
抵押期 (鎖倉期)
開卡時存入嘅CRO幣抵押期為半年 (港究專員稱為鎖倉)，半年後就可以將CRO幣換返美金拎錢走。而其後可獲得嘅CRO幣回贈比率都會跟返你嘅CRO幣持倉調整，Airport Lounge Access、ATM取款限額同匯率優惠除外。注意！鎖倉日起半年內將暫時用唔到鎖起嘅CRO幣，亦暫時唔可以轉走。鎖定後想再升級係可以後續再進行嘅，但鎖倉日數會唔會重新計就暫時未有測試，所以大家決定好先做啦！但留意返，如果過咗180日鎖倉期之後，想Keep住用依家CRO嘅優惠，都係要維持住原有金額喺CRO卡度先可以享有100%回贈！
另外，留意返部分回贈有每月限額：
Spotify：USD12.99或等值
Netflix：USD12.99或等值
Expedia：USD50或等值
Amazon Prime：USD12.99或等值
Airbnb：USD100或等值
Spotify 100% CRO回贈玩法
如上文提及，港究專員會喺度教埋大家賺埋免費 Spotify！
- 首先準備好你嘅 CRO卡；
- 前往 Paypal 將 CRO 卡與閣下嘅 Paypal 連接，之後再到 Spotify 購買 Premium Family Plan，並以Paypal付款；
- 於Crypto Wallet中，就可以 CRO 幣形式收到100%等值嘅回贈！
(2020年10月24日更新) 被動收入 - 抵押CRO幣享高達12%p.a.兼每7日派一次息
【2021年3月24日更新】抵押4,000 USD 等值嘅CRO / 40,000 USD 或以上等值既CRO (即白 / 玫瑰卡、黑卡、綠 / 紫卡) 嘅利息表：
鎖倉所需嘅數量將會由2021年3月24日開始改變，入場費直接改由固定金額400 USD (以當時CRO價值嚟決定)。舊用戶如果一直唔解除鎖倉動作，都可以維持返舊有鎖倉數值就有Spotify送架。
新用戶只要存入4,000 USD或以上嘅CRO價值進行鎖倉動作，Crypto 都會以當時卡嘅級別派返相應嘅利息畀你！
例如綠 / 紫卡：只要鎖定咗4,000 USD 等值既CRO 就可以享有3% p.a 嘅利息，而且仲要係每星期以CRO形式咁派返畀你！(*變相做咗被動收入，唔洗做其他嘢都會有錢收！精明嘅你，一定已經知道咁樣已經高息過放喺銀行慢慢滾存利息.. (講真，點都好過放喺HXXC嘅0.001%啩)
已經喺香港時間2020年10月13日下午五點之前已經進行鎖倉嘅讀者，將暫時不受影響，維持16% p.a (10,000 CRO或以上用戶) 及18% p.a (100,000 CRO或以上用戶) 利息收入，直至180日鎖倉期完結為止。完左180日之後就會自動變返跟返新利率架喇。但享受緊嘅福利，只要唔解除鎖倉就可以一直維持！
大家都要留意返，Crypto本身係仲有其他加密貨幣做定期嘅功能Crypto Earn，但由於香港法律關係，所以係唔會得到任何利息架！ 換句說話嚟講就係，大家買入BTC、 ETH 或者等等嘅 Coins 都係唔會有利息收，充其量只可以當做Crypto Wallet 咁用。想收息嘅朋友記得記得記得要將其他加密貨幣轉成CRO再進行鎖倉動作喇！！
購買CRO幣方式 (2020年7月起可以用港幣直接買CRO幣啦！咁就唔洗再考慮匯價 / 外幣簽賬手續費啦！)
- 以Visa信用卡購買 (注意！暫不支援香港發行嘅 Master Card) – 手續費為3.5%，即時到賬。(新開戶會員目前可享受入金手續費減免一個月，要好好把握啊！)，由於部分發卡行會收取跨境港幣付款手續費 (1%)，有關費用請先参考相關信用卡條款及細則，港究專員親身測試後將會再喺度補充。
- 銀行轉賬 – 手續費會較信用卡平，豁免3.5%手續費，但需繳付銀行以取嘅費用如電匯手續費等，而且最低匯款額為USD500，同埋唔係即時到賬。
Crypto.com APP內操作方法：選擇CRO > Fiat Wallet > Set up new currency > 揀想入嘅貨幣 > 出現對家銀行戶口資料 > 照住入數便可 - TransferWise匯款 – 用歐羅透過TransferWise匯入app度，手續費更平，免去銀行同Crypto.com兩方嘅手續費。
- 通過交易所直接購買CRO轉入，手續費最平，但需要開通支持CRO交易嘅交易所先可以。
因為官方目前新開戶會員目前可享受入金手續費減免一個月，暫時呢個時間以信用卡購買最為優惠方便；而交易所購買雖然最平，但比較麻煩。考慮到長遠用途同埋官方有機會喺2020年10月1日後唔再提供豁免手續費關係，到時選擇使用TransferWise可能會係一個比較適合嘅方法。其他相關詳情可參考Crypo.com Q&A。
想了解更多關於Transferwise，可以睇睇：
Fiat Wallet、Crypto Wallet及Card Wallet介紹
簡單講解下Fiat Wallet、Crypto Wallet 同埋Card Wallet先，Fiat Wallet 即係指你現實世界入邊嘅銀行戶口，CRO暫時只接受美國及歐洲銀行戶口黎直接入錢落去CRO Card度，而其他地區嘅銀行戶口暫時就未能使用；Fiat Wallet 戶口好處係唔洗比銀行同CRO Card兩邊嘅手續費，但一般需時較長，要兩至五個工作天先會成功存入，存入嘅最高金額每次為一百萬歐羅，而取出到實體銀行就會快少少，一般一至兩個工作天就可以。
美國銀行戶口就比較麻煩少少，需要到美國住宅證明同埋Social Security Number 用作Verify，呢到就暫時唔講住。
Crypto Wallet 就係比大家用嚟放唔同種類嘅Coins，例如如果大家身上有BTC、ETH、LTC 或者其他CRO Card接受嘅Coins，可以隨時轉過嚟，方便轉為CRO或者作存放用途。
Card Wallet 就係指你張卡入面有幾多可使用嘅金額，通常就係CRO賣出成現實貨幣或者用信用卡幫CRO Card直接增值後，啲錢就會放哂喺呢到，等你可以隨時用CRO進行消費，一般都建議大家放少少錢喺呢個位，因為如果你要Jade Green / Royal Indigo (綠 / 紫卡) 或以上等級嘅優惠，例如LoungeKey，都需要維持USD3.5 喺Card Wallet度方便暫時鎖定，而30日後就會自動解除鎖定架喇！如果想用信用卡增值card wallet嘅讀者要注意，Crypto.com會收1%手續費同銀行1.5-1.95%嘅外幣手續費，增值之前記得計過度過阿！
CR0卡提款與消費回贈
提款
根據網友提供嘅資料，用CRO卡喺香港大部份銀行嘅ATM提款都唔需要額外手續費 (包括匯豐、恆生、東亞、大新、上商、工行等，但花旗就收手續費)，而中銀則未能提款。另外，每月免手續費提款係有上限嘅，超過後就會有2%手續費。以Jade Green / Royal Indigo (綠 / 紫卡) 為例每月上限係SGD800—詳細可以參照返上面個表。
消費回贈
而港究專員亦就消費回贈做咗個測試，我哋用嘅係Ruby Steel (紅卡)，一般嚟講所有簽賬有2% CRO回贈，買電腦Mon時消費HKD1,990，有USD5.13 / 0.93MCO回贈，即大約平時嘅2%消費回贈，都比部分信用卡抵用！啱晒唔用信用卡嘅朋友。
雖然新加坡CRO卡曾經因為發卡商Wirecard SG母公司Wirecard AG嘅會計問題喺2020年6月底暫停了以信用卡增值CRO卡嘅功能，但期間依舊可以正常簽賬同提款、亦可如常賺到消費回贈；而喺2020年7月1日所有功能已經回復正常，睇嚟對CRO幣發行商Crypo.com影響不大。
FAQs
CRO係咪信用卡？
唔係，CRO係一張預付卡，使用前要將足夠金額存到賬戶內，而非信用卡有信用限額，先消費、後找數。
點樣先可以申請一張CRO卡？
根據你自身需要，抵押相應嘅CRO，就可以申請CRO卡。
要抵押先有Spotify同Netflix用，咁都叫免費？
雖然申請CRO卡需要抵押一定金額嘅CRO，但呢筆錢係鎖咗喺你賬戶內，唔會唔見咗嘅，同時都會根據唔同規格提供相應利息。當然CRO唔係穩定幣，價格會有起落，決定開之前需要留意。
CRO卡個利息幾耐發放一次
利息會一個禮拜發放一次。
如有任何疑問關於CRO，或者想交流其他玩法，分享支援信用卡及ATM。歡迎留言或者加入我哋港究Telegram討論區參與討論！
正所謂「別將雞蛋全放在同一個籃子」，想試吓其他加密貨幣收息平台？ 歡迎試用
Celsius Network—每個禮拜派息嘅加密貨幣收息平台
【無需任何鎖倉！】穩定幣收息高達12.7%年化率，加密貨幣收息平台YouHodler教學
使用CRO買幣稱得上最方便嘅入金方法，仲唔快啲試下？
想靠加密貨幣搵額外收入可以去睇吓港究專員嘅各樣推介：
【一路上網一路賺錢系列】CryptoTab – 專掘加密貨幣嘅Browser
【網絡安全必備】想唔洗VPN都可以有加密鏈接仲可以搵下錢? Brave Browser啱曬你心意
我哋都有介紹各種加密貨幣交易所，有興趣歡迎睇睇。
【Bitcoin都可以收息？】最大交易所幣安Binance註冊教學及旗下收息平台幣安寶介紹
喺簽賬卡買咗加密貨幣，為安全起見，諗住長揸嘅幣大額嘅話建議提返自己錢包。我哋都有文章介紹加密貨幣錢包，歡迎睇睇。
【開Chrome就用到】以太坊錢包MetaMask小狐狸教學
保障加密貨幣資產，Ledger冷錢包為你保駕護航
注意：加密貨幣價格有時會大幅波動，價格可升可跌，投資涉及風險，更可變得毫無價值。投資前應先閱讀有關產品的發售文件、財務及相關的風險聲明， 並應就本身嘅財政同需要詳細考慮投資是否切合本身特定嘅投資需要。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！依家我哋仲登陸埋MeWe平台，唔好漏咗Follow Kong’s Cult嘅MeWe, Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
