文章目錄
背景介紹
創辦人 TM Lee 同 Bobby Ong 喺 2014 年成立嘅一站式資訊網站CoinGecko(幣虎)堪稱加密貨幣嘅百科全書。成立嘅目的係為咗令加密貨幣資訊更加流通、平民化。佢喺 2018 年推出咗每日嘅幣界電子報，可以話係幣界嘅天文台。
透過CoinGecko你可以睇到超過13,000種加密貨幣嘅幣價、市值、流通量同埋過去七日嘅變化，而佢介紹嘅交易所亦都超過咗600間，你可以清楚睇到晒佢嘅排名。正正因為佢咁好用，所以佢平均月用戶已經超過1,000萬，每月View數都超過兩億，你依家知點解佢叫百科全書啦？
當維基百科都有多國語言嘅時候，CoinGecko 又點會輸蝕呢？佢支援超過30種語言，不過關於加密貨幣嘅嘢港究專員都係睇慣英文，而佢好多資料亦只係得英文版本，真係同維基百科好似。
除咗加密貨幣同交易所，CoinGecko連依家嘅全城熱話NFT都可以睇到，由7日變化、價錢再到Floor Price都一目了然。
新手惡補站
值得一提嘅係CoinGecko嘅新手惡補站「Learn Crypto」，加密貨幣界嘅常用詞彙、專家分析、實用文章包羅萬有，全部都係值得新手挑燈夜讀嘅寶貴資源。佢地甚至有埋YouTube channel同podcast去幫大家補習，用五花八門嘅方法令大家進步。
會員制度
其實CoinGecko唔洗註冊嘅功能都已經好夠用，不過註冊之後，你可以Set 自己嘅追蹤組合，咁就可以更快更貼咁睇到自己嘅心水幣 / NFT。佢亦都有分付費會員、傳統Premium同Premium+ 三種會員：
成為CoinGecko嘅Premium會員，就好似YouTube Premium 咁唔會再出現廣告，收到更多嘅登入獎勵 (CoinGecko糖果，下面會講)，都會收到一個CoinGecko嘅高級會員 NFT。而Premium+嘅會籍就可以加入 CoinGecko 嘅研究分析師Private Group 同埋可以睇CoinGecko 自著同出版嘅教學書籍。
CoinGecko 糖果獎勵
CoinGecko 同好多加密貨幣資訊網一樣，都有佢自己對會員嘅登入獎勵—CoinGecko糖果，連免費註冊嘅普通會員都可以收到！咁呢啲糖果有咩用？CoinGecko 有佢自己嘅商舖，而你哋只要用呢啲糖果就可以去買嘢㗎啦：
好多Coupon換之餘甚至可以換兩年嘅VPN，正值多事之秋嘅情況下真係換定一個有著數㗎，仲要唔洗錢喎，你又有咩唔用CoinGecko 嘅理由？
點樣開始玩加密貨幣Crypto？
當然，要開始玩加密幣最緊要就係有一個交易所嘅戶口，而港究專員最推薦嘅就係目前最大嘅交易所 Binance (幣安)。又可以做Trade，熊市仲有差唔多10%息收。
港究專員都明白有啲讀者會擔心安全性問題，但其實2018年Binance有畀人Hack嘅經歷，不過全部損失已經由Binance承擔，無令用家蒙受損失。而最最最最抵嘅係你用港究嘅專屬鏈結開戶，永久交易費用減少20%！絕對抵過你用你朋友個code！
仲有其它交易所例如AAX, Gemini，港究都有唔同嘅開戶優惠俾到大家，除左開得愈多賺得愈多，最重要係佢地都有唔同嘅特長。Click下以下Button 去貨比三家啦！
