之前港究專員為咗大家介紹咗透過幣安寶收息，唔知大家試過未呢。今日港究專員會為大家介紹一個新嘅加密貨幣收息平台，更高息率同更加彈性，俾大家提供多一個選擇。
未睇過幣安寶或者想了解其他加密貨幣交易所？歡迎睇睇我哋以下文章。
文章目錄
Celsius Network 係咩嚟？
Celsius Network 係一個加密貨幣嘅收息及放貸平台 (都可以借錢，不過港究專員無試過，就唔為大家介紹啦)，無論你存入幾多加密貨幣，都可以每個禮拜一收到高達12% p.a 嘅回報，勝在夠穩定。詳細息率可以睇下官方地址
舉個例，如果你入USD5,000 (等值HKD 39,000) 由第一個禮拜開始就可以每星期賺USD14.42 (等值HKD 112.5)，就算少少地入USD1,000 (等值HKD7,800) 都可以每星期袋USD2.31 (等值HKD18)。而利息仲會直接撥入本金愈滾愈大，每個禮拜收到嘅錢都會愈嚟愈多，達到複利嘅效果。
睇息率表可以見到，Celsius嘅息率係分為CEL Reward rate同In-kind Reward rate嘅，In-kind Reward rate顧名思義，每個星期發放返同幣種嘅利息畀你，例如你擺USDC，就畀返對應嘅USDC作為利息畀你。而CEL Reward rate呢，就係每星期平台發放等價嘅平台幣CEL俾你，而如果使用CEL Reward rate，個息率一般嚟講會高小小嘅，但要留意返，CEL唔係穩定幣，波動都十分大。簡單嚟講，如果你相信Celsius嘅未來，可以穩定幣價甚至升值嘅話，就建議你揀返CEL Reward rate。反之，想要穩穩定定咁收返同幣種嘅利息，就揀返In-kind Reward rate啦！
收集Cel token仲可以Celsius Loyalty Program，根據不同等級享受更高利率，詳情請參閱官網介紹
如果想要買賣CEL，目前上嘅交易所唔算多，可能係Celsuis擔心上太多交易所會導致CEL價格大幅波動嘅緣故。港究專員呢度推薦大家使用Liquid，Liquid係一間日資交易所，所有財產透過冷錢包儲存，同時係日本第一間拎到交易加密貨幣牌照嘅交易所。財產十分安全之餘，仲係一間頗為創新嘅交易所。日後港究專員都會寫專文為大家介紹，目前各位可以自行註冊先，要留意嘅係，Liquid嘅KYC審核時間比較長，請耐心等候。
Update! FTX目前已上線CEL現貨交易，以後同樣可考慮使用FTX買賣CEL！
Celsius現時 (2020年12月) 共有24萬會員，平台正管理近USD33億嘅資產。並榮獲《福布斯》評為2018年十大加密貨幣新創公司之一。而佢可以喺兩年間冒起得咁快係因為佢有以下優點：
1.) 無入場門檻，入得多錢嘅賺架車、入少錢一樣可以搵餐晏
2.) 七日派一次息，唔似其他收息平台要鎖倉，保持資金嘅流動性
3.) 支援穩定幣，唔會因為幣市升跌影響收息
4.) 將平台八成利潤當成利息派畀存款者
如果你好睇好BTC或者ETH，甚至其他加密貨幣。Celsius都可以幫到你穩賺物價浮動之餘又可以收息。甚至可以每月存入BTC自製月供比特幣計劃，兼收埋息。但由於風險較大，需要對比特幣有足夠信仰。港究專員建議新手讀者都係買穩定幣收息，佢哋多數係同美金1:1 掛鈎，價格好少有大於0.03嘅上落，而如果你係想瞓喺度，訓得安安樂樂又穩定地有錢賺，港究專員就非常建議你哋跟住以下步驟開返個戶口，賺返啲被動收入，而一般人多數都會經Crypto.com買穩定幣再匯返去Celsius，可以避咗外幣交易嘅手續費 (當然如果你怕煩多過怕收錢一樣可以直接喺Celsius買) 用港究專員嘅專屬link註冊，完成任務後仲會送你等值USD20嘅Bitcoin添！
Celsius 開戶步驟
Step 1：
先去App Store下載Celsius Network嘅App然後再返嚟呢篇文，撳下面呢條link先至會收到迎新優惠架！
Step 2：
跟住手機要填寫自己嘅真實姓名 (之後要upload身份證開啟收息功能)，只要經我哋條link，Referral Code嗰欄就會變綠色，先可以攞到USD20 BTC嘅Bonus
Step 3：
之後佢會要求你入一個六位數嘅Pin，呢個Pin好重要，往後嘅登入/交易甚至提現都需要用到呢六位嘅Pin，所以一定要記得。
咁畫面就會顯示你成功登記咗啦，但咁樣只係完成左第一部份咋。
Celsius 入金教學
咁擁有咗一個Celsius嘅戶口之後，首先要做咗KYC身份驗證先可以開始收息，咁跟住買幣呢就要有一個買穩定幣比較平同方便嘅戶口 — CRO卡，而申請CRO卡嘅相關教學就要睇我哋另一篇文，但要注意，CRO卡係Crypto.com交易所旗下嘅簽賬卡，都可以單獨開交易賬戶，唔係一定需要開卡。同埋，文中所講嘅CRO幣唔係同美金掛鈎嘅穩定幣嘅一種。
使用Binance交易所都係一個幾方便嘅入金方式，手續費同Crypto.com差唔太多，有興趣可以參考下我哋嘅教學文章。
迎新任務&出金
咁學識咗點買幣之後呢港究專員就建議大家得閒就入返Celsius睇邊隻幣嘅回報有幾多，而大多數美金穩定幣嘅現時 (2020-10月)回報為11.55%，而Celsius支援嘅美金穩定幣嚟講USDC係流通性最廣泛嘅，要完成迎新任務個USD20 BTC呢，我哋需要存入等值USD200嘅加密貨幣並擺返30日，呢度港究專員建議大家先喺CRO卡買完USD220* 或以上嘅USDC，再喺Celsius Network綁定CRO卡 USDC嘅錢包後，去CRO卡對應返Celsius USDC Wallet嘅地址射過去。有一點要注意返嘅係，每一隻幣喺每一個平台同戶口都有屬於自己嘅地址，如果你攞咗迎新個USD20嘅Bitcoin想出金，最快嘅方法就係喺Celsius個BTC Wallet 射去你CRO嘅 BTC Wallet再賣，而Celsius嘅提幣費用同FTX一樣，都係全免！唔晒担心收咗息反而貢獻畀手續費。當然啦，你都可以喺CRO卡將BTC轉返做USDC再射返去Celsius收息，免卻咗Bitcoin升跌嘅風險，最最重要係要睇清楚幣種，以及戶口地址，唔係嘅話啲Bitcoin就會因為傳錯地址而煙消雲散。
*點解係USD220以上？
雖然美金穩定幣上落多數細於USD0.03，但迎新要求要擺USD200夠30日先攞到USD20嘅Bitcoin，是但一日因為佢跌左0.01 就要等多30日咁幾唔抵，所以預鬆少少buffer穩陣啲。當然如果你唔淨係打算賺迎新，而係想一大手入貨收貴息又或者本身有其他買幣平台好似Binance / FTX 咁就唔洗理我啦。
進階玩法
呢度再為大家提供三個進階玩法，由於篇幅有限，並且容易混淆到新手讀者。港究專員喺度簡單提供下思路，有興趣嘅讀者可以自行嘗試。當然，如果有咩唔明，或者有咩其他新玩法。隨時可以加入我哋港究Telegram討論區，參與我哋嘅討論！
進階玩法1：喺Binance透過轉數快買USDT，再透過TRC20用1USDT費用提幣去FTX（可以直接Binance射去Celsius，不過需要收取20USDT嘅提幣費用）喺FTX將USDT轉成USDC (亦都可以唔轉，Celsius都可以透過USDT收息。但由於USDT無經過Audit，USDC相對會更為安全)，再透過FTX提幣免費（目前需要抵押150FTT先做到啦。。）嘅優勢，射去Celsius USDC Wallet (記得要用ERC20呀)。呢一個玩法比起用Crypto.com購買會平啲，但會麻煩小小。
因唔少讀者有疑惑，簡單講解下，ERC20係我哋常用嘅ETH網絡，因為太多人用，導致個提幣Gas費用昂貴，所以港究專員建議用TRC20呢個少人用並免Gas費嘅網絡轉出USDT到FTX，再透過FTX呢個連ERC20提幣都免費（目前需要抵押150FTT先做到啦。。）嘅交易所，從而慳到呢筆手續費用。如果對提幣流程不太熟悉，各位可以參考下本站Binance教學文章，其中有一Part就係做緊呢個動作。
進階玩法2：喺Wirex透過信用卡買XLM/XRP，再射去FTX，喺FTX將XLM/XRP轉成USDC，再透過FTX提幣免費（目前需要抵押150FTT先做到啦。。）嘅優勢，射去Celsius USDC Wallet。呢一個玩法比玩法1快好多，而且可以用到信用卡。但XRP並唔係一個穩定幣，可能會有幣價波動嘅風險。
進階玩法3：喺TrustToken購買THKD，並射去Celsius THKD Wallet。呢一個玩法應該係對於香港讀者嚟講最平最抵嘅方法，因為唔駛承受任何匯率費用同Gas fee。但由於TrustToken需要做KYC，而且只支持電匯，最小存款額仲要HKD10,000，THKD亦係一個比較冷門嘅穩定幣，出金都需要透過TrustToken出，有銀行查洗黑錢嘅風險，相對嚟講都十分麻煩。呢度唔太推介俾大家。如果想要嘗試，推介使用虛擬銀行，就算畀銀行Block咗，都不致影響日常生活，無咁傷嘛。有興趣可以睇下我哋介紹文開返個啦！w
Celsius 嘅安全性
Celsius 承諾會以自己資金去覆蓋受到駭客引致嘅損失，而佢哋亦選擇用BitGo嘅冷錢包技術，喺離線嘅情況下維持銀行級別嘅保安程度託管自己部份資產，而同時佢哋亦受到BitGo一億美元嘅保單保障。如果你真係想用Celsius賺返啲被動收入，有關冷熱錢包保安技術你都有責任了解清楚。而且如果有大額資金，買返個冷錢包都十分重要。詳情可以睇：
睇咗咁多嘢，仲唔快啲註冊返個戶口賺返啲被動收入順便攞埋迎新USD20！？
除咗迎新獎賞之外，Celsius不定時仲會有其他Promotion code，港究專員靠Promotion code都不知不覺食咗Around USD100，十分吸引呀，因為Promotion code Update十分快，而且隨時會失效，想要知最Update嘅Promotion code，歡迎加入我哋港究Telegram討論區，參與我哋嘅討論！
FAQs
Celsius Network可唔可靠？
Celsius Network選擇用BitGo嘅冷錢包技術，喺離線嘅情況下維持銀行級別嘅保安程度託管自己部份資產，而同時佢哋亦受到BitGo一億美元嘅保單保障。目前已經 (2020年12月) 有24萬會員，平台正管理近USD33億嘅資產，相信都十分值得信賴。
Celsius Network幾時派一次息？
Celsius Network會喺每個星期一派息，原因係老闆知道普通打工仔最憎星期一，想畀佢哋每個星期一朝早可以得到小小收息嘅快樂。
Celsius Network支援邊種制式地址轉入轉出？
目前只支援ERC20轉入轉出，尚未支援TRC20以及其他制式，推薦使用FTX入賬，就算係ERC20同樣可以免除提幣費用。
Celsius Network提幣要唔要錢？
Celsius Network提幣無需費用，不過碰到ERC20高峰期，提幣時間可能相對較慢。
Celsius Network嘅Cel幣點樣買賣？
目前主流有三種方法，第一種使用App直接信用卡購買，不過手續費就比較貴；第二種使用Liquid交易所，佢係一間日本嘅交易所，財產全部使用冷錢包擺放，值得放心，港究專員比較推薦使用呢個方法，可喺文章上半段自行註冊。不過需要通過KYC先可進行交易；而第三種就係使用Uniswap呢類嘅去中心化交易所，唔使做KYC，但交易過程可能要畀Gas fee以及無得用傳統嘅掛單模式購買，比較適合老手使用。
想靠加密貨幣搵額外收入可以去睇吓港究專員嘅各樣推介：
【一路上網一路賺錢系列】CryptoTab – 專掘加密貨幣嘅Browser
【網絡安全必備】想唔洗VPN都可以有加密鏈接仲可以搵下錢? Brave Browser啱曬你心意
想了解其他加密貨幣交易所？歡迎睇睇我哋以下文章。
【Bitcoin都可以收息？】最大交易所幣安Binance註冊教學及旗下收息平台幣安寶介紹
之前我哋港究專員都介紹咗加密貨幣簽賬卡Wirex卡以及CRO卡，歡迎收睇。
注意：加密貨幣價格有時會大幅波動，價格可升可跌，投資涉及風險，更可變得毫無價值。投資前應先閱讀有關產品的發售文件、財務及相關的風險聲明， 並應就本身嘅財政同需要詳細考慮投資是否切合本身特定嘅投資需要。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，優惠受條款及細則約束。借定唔借？還得到先好借！下次見！
