熊市到，幣圈流動性激減，大家都煩惱緊點出金。雖然喺我哋之前介紹過嘅出金方法入面，Bitcoin ATM 出金未必匯率係最好，但對追求方便嘅朋友嚟講可能都係一個唔錯嘅方法。港究專員即刻同大家睇吓Bitcoin ATM 操作以及手續費詳情！
Bitcoin ATM 教學
講起ATM 通常會即刻諗起銀行，但Bitcoin ATM 只係由唔同加密貨幣交易平台設立嘅實體機器方便大家買賣加密貨幣，同銀行完全無關。用戶透過用Bitcoin ATM 除咗可以交易Bitcoin，其他熱門貨幣如以太幣(ETH)、USDT 甚至係DOGE 都一樣支援。想去之前知道想買賣嘅幣種支唔支援的話，可以喺呢度check 吓先。
話明ATM 係由唔同交易平台自制，一般而言唔同平台出產嘅 ATM 功能都會有所不同，但操作原理大同小異，用戶只需按ATM 指示交易，相信難度不大。不過，使用Bitcoin ATM 的時候，亦都有幾點要特別留意：
- 用Bitcoin ATM前須自行開立相關幣種嘅錢包作收款之用；
- 部份 ATM 未必支援賣幣出款功能；
- 部份 ATM 供應商要求用戶開戶或驗證身份才可使用；
- Bitcoin ATM 嘅價格未必完全與線上交易平台同步，交易前必須留意差價；
- 視乎網絡情況，買賣或需數分鐘時間處理，期間需小心保存交易紀錄。
Bitcoin ATM 提款優缺點
使用Bitcoin ATM交易加密貨幣，主要有以下優缺點：
優點
- 可法幣買賣：透過ATM，用戶可以用法定貨幣買賣加密貨幣，亦無需同陌生人用現金面交；
- 支援小額交易：Bitcoin ATM 最低交易金額可低至HKD500，適合新手小試牛刀；
- 容易出金：相比銀行出金，經ATM 出金可算相對容易及安全;
- 國際通行：全球有超過三萬部bitcoin ATM，去到邊都換到錢。
缺點
- 交易成本較高： 大部份 ATM 設手續費及存在明顯價差，用戶買賣成本會比其他出入金方法高；
- 數目不足：比起7-eleven，Bitcoin ATM 嘅數量依然未去到總有一間喺你附近；
- 技術及支援問題：用ATM交易操作需時，如遇到交易問題，用戶未必可以好似線上買賣咁即時獲得協助。
Bitcoin ATM 手續費
Bitcoin ATM 貴嘅地方通常唔係手續費而係價差，據港究專員考察，大部份Bitcoin ATM 都同交易所現貨存在5 – 9% 價差。同銀行一樣，唔同供應商嘅價錢都會有分別。想足不出戶了解更多，可以上CoinHere 或CoinUnited 等提供 ATM 服務嘅供應商多作了解。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
Risk Disclaimer:
本文件載列的所有資訊於編製時被視為準確，但概不保證其準確性，亦不會就任何錯誤或遺漏承擔任何責任。投資者應自行核證。所述觀點與策略不一定適合所有投資者。
投資涉及風險，投資者應做好個人風險管理配置。投資者在進行投資前應索取及閱讀有關產品的細節（包括風險因素）。投資者不應僅依賴本頁面作出投資決定。在使用本頁面以前，投資者應該細閱有關產品的銷售文件，包括風險因素。根據個人財務狀況，確定任何投資，證券或策略是否合適閣下，如有需要，投資者應諮詢專業意見。
本頁面所有資訊旨在提供投資知識相關教育，本頁面並不構成買賣任何投資產品的招攬或承諾。
本頁面並未經證監會審閱，如投資者繼續閱讀本頁面，將視作投資者同意以上條款
bitcoin atm 尖沙咀
bitcoin atm 元朗
